2016年7月29日 星期五

蒜香牛油煮青口



星期六去APITA購物, 買咗包特價半殼熟青口 $39 (500g), 諗煮整意粉用。  琴日食西餐得條烤豬背骨同薯菜, 就整多個青口等老公都樣選擇。  我今次加咗D紅辣椒粒煮,微微辣味提升咗湯嘅香味, 老公大讚好味。   不得不讚個青口好好肉, 洗刷乾淨煮一陣就得, 仲無縮水添。


材料:

半殼熟青口約20隻 (約300g)
牛油1片 1/2cm厚
橄欖油1茶匙
蒜3粒, 切片
辣椒1條, 切粒
露荀粒(可免)
雞湯適量


做法:

1) 青口解凍, 徹底清洗乾淨(用牙刷刷去殼的污垢), 瀝乾備用

2) 用一小煲, 下牛油, 橄欖油慢火爆香蒜片

3) 贊雞湯煮至大滾(不用太多, 差不多浸過青口便可)

4) 下青口煮至再度滾起

5) 紅椒粒, 露荀粒(可免) 便完成。


2016年7月19日 星期二

簡易蠔仔粥





星期六請客泰菜宴剩底1碗D白飯同大量唐芹同芫茜, 最啱做蠔仔粥。  今次D蠔仔又大又肥美,$16蚊就有個美味又唔浪費嘅一人晚餐。

材料:
雞湯500ml
白飯1碗
蠔仔半斤
芫茜隨意
唐芹隨意
蔥花隨意
胡椒粉適量


1)   冼蠔仔方法: 蠔仔稍沖瀝去水份放大碗中,下數湯匙生粉撈勻,用手小心搓去蠔上及邊位汚洉再冲洗,重複此步驟至蠔仔潔白為止。

2) 洗淨蠔再先用水煮熟, 撈起再沖水備用,

3) 煮滾雞湯,下飯和蠔仔煮至滾起, 下適量蔥,唐芹,芫茜便完成

**蠔仔為高危食物, 必須徹底清洗乾淨, 略煮再洗淨才做蠔仔粥就最為安全了。

海南雞





呢個另類慢煮做法非常簡單, 用水滾後的餘溫將雞浸熟, 再經過風乾步驟之後, 雞肉富彈性又零舍香, 唔駛點汁都夠美味。


海南雞做法 :

冰鮮雞 (大)

醃料:
幼鹽2湯匙
薑數片
花雕酒1 1/2湯匙
玫瑰露1/2湯匙



1) 徹底解凍,洗整,完全抹乾,以2湯匙幼鹽擦勻全身內外,花雕酒 + 玫瑰露調勻後塗勻雞內外,再把數片拍扁的薑片放入雞肚內。 置大碗中, 以保鮮紙包好放入雪櫃醃至少醃12小時小時,但臨煮時提前一小時把雞由雪櫃拿出,回至室溫。

2) 但臨煮時提前一小時把雞由雪櫃拿出,回至室溫, 取出雞肚內薑片及用水略沖雞身備用。



3)以蓋面無洞的大煲燒一煲水(密封煲較為存熱),放入2片薑,要足以蓋過全雞,水大滾後手執雞頸, 將雞身放進滾水中浸2秒後拿起, 重複3次, 可令雞腔內外溫度均勻。









4)將雞放進, 雞肚向下,立即蓋上煲蓋及轉小火(不用待水滾)煮5分鐘,再熄火焗45分鐘 (其間絕不能開蓋)。




3) 把雞撈起,立即放入冰水中,使皮收縮。








4) 把雞掛起風乾1小時, 在雞皮上掃薄薄的麻油










5) 繼續風乾3-4小時,視乎當天濕度,至表皮乾爽便可斬件上碟。








**如雞較小則要相應減少醃料份量和熄火之後焗的時間。

**精髓係最後將雞風乾(吹香)的步驟,吹香左o既雞真係會好似酒樓食到的一樣,雞肉富彈性,真係好有雞香架。

2016年7月15日 星期五

越式米紙卷


上星期喺屋企煮咗個全越宴, 其中冷盤做咗呢個米紙卷, 今次無用生菜所以用易包好多, 新手都可以做得好㗎。  呢個冷盤喺咁悶熱嘅天氣食就最啱㗎, D試下喇。

材料:

越式米紙6 (7吋直徑)
札肉1/3
青瓜1/2
紅甘荀1小條
檬粉隨意

準備:

札肉/青瓜/紅甘荀刨成絲狀備用。


步驟:

1)  準備一個盤, 注入凍滾水









2) 十秒咗右便可取出放咗砧板上如不夠軟可在上面抹小許水至軟化 (小心將米紙將開(米紙太乾會黏著)因浸米紙的時間很短, 建議先包好一條才浸另一片。

3)  放上生菜片; 適量札肉絲/青瓜絲/ 紅甘荀絲及檬粉, 小心捲成卷狀 (餡料的多少比例可自行調較)







4) 裁去兩斷成圓筒狀, 再切成件上碟, 以越式魚露醬汁伴食。 (下見魚露醬汁食譜)








魚露醬汁:

檸檬汁1.5湯匙
魚露1.5茶匙
砂糖2.5湯匙
白醋1/2湯匙
開水1湯匙
蒜蓉1.5茶匙
指天椒粒隨意


**每人對甜酸味喜好不一, 試味及按自己口味自行調節份量
**溫馨提示: 不同品牌調味料味道及個人口味也不一, 不要死板跟隨食譜, 要按個人口味調節份量.
**魚露醬汁食譜並不是正宗越式食譜, 是我按自己口味調配的, 亦可調配自己的版本。 

蒜蓉蒸班片(粉絲底) - 『智營 . 金』低糖健康蒸飯煲


蒜蓉蒸班片粉絲底 - 呢個餸做法簡單又好味, 今次再用伊瑪『智營。金』低糖健康蒸飯煲, 蒸飯同蒸餸一煲過, 快手方便,仲可以原鍋個蒸格上枱, 最啱要返工但係又想食健康住家飯嘅人妻。


鮮石斑肉10兩(切1.5cm厚片)
醃料:
粉絲2小包
蒜茸1湯匙
生抽2茶匙
砂糖1/2茶匙
生粉2茶匙
油2茶匙(後下)
蒸魚豉油適量

**無呢個煲嘅朋友用改用碟盛著, 用明火蒸也可。

1) 內膽I放進『智營 . 金』低糖健康蒸飯煲裡, 將米洗淨放在內膽II然後疊在
內膽I上, 加水(水的分量與米面持平), 蓋上煲蓋, 按雙鍋蒸飯/飯粥功能, 飯煲便會自動操作, 水滾後會自動倒數12分鐘便完成



石斑肉切厚片, 下醃料撈勻備用( 下所有醃料撈勻後最後才下生油)


將浸軟的粉絲平均地方在內膽III內,舖上石班肉


當烹調時間倒數到10分鐘的時候,把盛有粉絲和魚的內膽III曡在內膽ll上面, 蓋上煲蓋繼續蒸飯直至倒數完畢為止。


用手提小心取出內膽III, 放在碟上, 放上蔥花及淋上蒸魚豉油便完成。


用『智營 . 金』低糖健康蒸飯煲蒸煮出粒粒分明靚白飯, 毫無難度。


2016年7月13日 星期三

美味粢飯 - 『智營 . 金』低糖健康蒸飯煲



我同老公都係粢飯fans, 今次用『智營 . 金』低糖健康蒸飯煲, 做美味粢飯無難度。 今次用半斤糯米就整咗3條足料粢飯, 一家人做下午茶, 配杯香濃靚茶, 一樂也。

材料:

糯米300g
包裝烏江搾菜適量
原味肉鬆適量
油條半條 (切成3段)


準備: 糯米用室溫水浸3小時 / 榨菜絲沖水,切粒備用 / 油條切成約3吋小段


1) 內膽I放進『智營 . 金』低糖健康蒸飯煲裡, 加水2吋高的水, 將浸了3小時的糯米洗淨放在內膽III


2) 用筷子在米上面刺些小孔, 然後疊在內膽I上, 蓋上煲蓋


3) 按蒸煮功能, 調至30分鐘, 飯煲便會自動操作, 水滾後會自動倒數30分鐘便完成


4) 裝上手提把內膽III取出, 把糯米飯打鬆


5) 保鮮紙一片鋪在壽司蓆上,放上熱糯米飯,搾菜粒, 油條和肉鬆


6) 用壽司蓆輔助,把飯捲成條狀, 兩邊扭實,令粢飯好似牛奶糖一樣便完成


2016年7月5日 星期二

香煎蒜蓉牛油帆立貝

牛油同蒜蓉係最佳配搭, 用嚟煮海鮮更是合適。  呢個菜式簡單好味無難度, 幾分鐘攪掂, 新手亦可成功做到。 






材料:
急凍帆立貝16 
室溫無鹽牛油2湯匙
蒜蓉1.5湯匙
生抽1.5湯匙
砂糖3/4湯匙


步驟:

1) 帆立貝解凍,洗淨,抹乾備用






2) 慢火燒熱鍋,同時下室溫牛油/蒜蓉炒香







3) 下帆立貝煎至兩面微黃







4) 下生抽和糖轉中火煮至收汁便可便可上碟。







**我今次用了玫瑰鍋,如用其他鍋具,加些液體油鍋與牛油同炒,效果會好些會容易控制些
**小心不要將蒜蓉炒焦, 否則會影響味道及賣相。