2016年5月23日 星期一

紅酒雜菜炆牛腩

 

呢個係上次cooking class的其中一度示範菜式, 好受學員們歡迎呀。 用烘香法包伴食, 開party或請客都啱㗎。 
材料:
急凍牛腩1包 (約1.1kg)
洋蔥 1個切幼粒
蕃茄 2個切幼粒
西芹1/4切幼粒
甘筍 2條切丁(可免) 

調味: 
紅酒1/2枝 ((我用LC煲, 紅酒差不多蓋過全部材料便可)
茄膏 1小罐 
冰糖1大粒  (與乒乓球大小相約)
生抽 3 湯匙

1) 牛腩解凍, 抹乾,用小許油爆炒至表面微焦
2) 下洋蔥, 蕃茄, 西芹粒略炒
3)  下紅酒,茄膏,  冰糖,生抽 
4) 慢火炆1小時,熄火,焗15分鐘,呢個時候所有蔬菜都已經溶哂,如果唔水蒸發掉可以加小許 

5) 撇去浮面的油分, 加入甘荀粒(隨意),再炆45分鐘(或至牛腩鬆軟)
5) 最後試味,可按個人口味加砂糖 / 生抽調味。

**我用LC煲,較存熱同密封, 汁料不用蓋過材料, 及中途不用加水份。 若用其他煲具, 水份及時間自行微調一下。 





鹽燒油甘魚較

想與我交流/分享烹飪經驗, 請往     - Facebook:   Owenmama



前日同老公去食壽司, 席中點了客鹽燒三文魚較, 得一片兩隻手指大小就要廿幾蚊, 食完都覺得唔夠喉, 但叫幾客又唔化算, 琴晚放工立即去買咗兩大件油甘魚較返屋企自己整。  每件大大件190g ($75/2件), 超厚肉甘香, 一人一件食到夠哂喉。


材料(1件份量):

油甘魚頭1件 (約200g)
幼鹽 約1/3茶匙
油小許

做法:

油甘魚解凍,  沖淨,抹乾 ( 不用去鱗)
**通常皮不會吃












用幼鹽塗抹魚肉部份醃15分鐘 (鹽的份量請按魚大少及個人口味自行調較 )












在魚肉上掃一層薄油, 放在已掃油的錫紙上 (或牛油紙)












放入預熱200度的焗爐焗约15分鐘或至熟透













取出小心將魚轉往架上, 用火槍將表面燒至微焦便完成 (不用火槍也可, 但會欠缺了燒的焦香味, 我個人覺得效果會差少少)。

**此做法是的自家做法, 並不是正宗日式料理做法, 但效果不比餐廳遜色, 大家試試便知呀)



2016年5月17日 星期二

日式玉子焼(甜蛋壽司) + 壽司醋飯 (附食譜 )


                                                                       自製魚生飯
                                                                 自家製日式玉子燒


前兩個星期喺屋企預祝母親節晚飯, 本來仔仔話請食自助餐, 但我選擇咗喺屋企食, encore上次order過嘅海鮮盛盒 ,另外買左D魚生, 我整咗吉列蠔燒魚, 燒魚, 壽司蛋同醋飯底, 喱餐吾駛一半budget, 有齊大家最愛嘅食物。
 仲有自己制作自己的魚生飯, 開心、大满足, 好過出去同人迫啦。 !

今次為大家介紹 日式玉子焼(甜蛋壽司) +  壽司醋飯的做法, 希望大家都可以喺屋企做到簡單, 廉價又美味嘅日式餐同家人分享。



日式玉子焼(甜蛋壽司)食譜:

蛋3隻
砂糖2茶匙
鰹魚汁1茶匙

用具:
20cm易潔鑊
油掃
鑊剷

1)將蛋與調味一同打散, 待糖完全溶化.








2)先在易鑊上掃一層油, 開慢待鑊熱後下一層薄蛋槳 , 剛夠蓋上鑊底便可, 蛋剛熟便要離火,






3)用鑊剷將蛋皮向外摺疊3下, 成長方型狀








4)讓蛋停留在原處, 在鑊面沒蛋的位置掃薄油, 鑊放回火上, 待微熱倒上一層薄蛋槳,








5)蛋剛熟後鑊剷將熟蛋向新蛋皮方向摺疊









6)重複步驟(5)直至理想的厚度。 (因我沒有做玉子燒專用的長方小煎鑊, 所以用了較小的圓形易潔鑊, 煎至第三層時要用鑊剷在兩邊位置加點壓力, 令蛋邊稍微起角, 重複此步驟至完成。 )





7)   完成離鑊後攤涼, 冷藏一會才將蛋的兩邊裁去, 成為長立方體裝, 可隨意切成件或粒狀食用。








技巧:

*因我沒有做玉子燒專用的長方小煎鑊, 所以用了較小的圓形易潔鑊, 煎至第三層時要用鑊剷在兩邊位置加點壓力, 令蛋邊稍微起角, 重複此步驟至完成。

*完成離鑊後攤涼, 冷藏一會才將蛋的兩邊裁去, 成為長立方體裝, 可隨意切成件或粒狀食用。


 壽司醋飯食譜:

自家製魚生飯當然要整壽司醋飯啦, 你哋都可以試下。  其實我都唔知正確醋和飯的比例, 我都係胡亂大膽嘗試, 但係效果都好像樣, 下次可以整嚟卷壽司添。

材料:
珍珠米 2杯
水1 3/4杯 (水比平常煮飯時份量小一點)
壽司醋60ml
糖 1.5茶匙

1)先將米洗淨, 再浸10分鐘
2)用電飯煲煮熟
3)糖與壽司糖溶合
4)   飯煮好時襯熱倒入醋汁撈勻,讓飯粒吸收醋汁
5)   飯攤至微微的暖便可舖上魚生成魚生飯。



2016年5月16日 星期一

Owenmama人生第一個cooking class

2016年5月13日 - 順利完成人Owenmama生第一個cooking class, 好多謝NOBLE Place的邀請和各位同學的支持!  呢個寶貴嘅第一次,我永世難忘呀!  希望嚟緊再有機譁會同大家再玩過。


與同學們合照, 大家當晚玩得好開心。 

開課前準備材料


開始了, 好緊張呢!

實習菜: 烤春雞釀飯  同學仔的堂課, 二人一隻雞, 大家自己試去胸骨同釀炒飯, 
大家都做得好好呀, 製成品超靚呀。 

示範菜:  雜菜紅酒炆牛腩

完成後配法包, 煮完即時試味, 大家都好鐘意呀!

甜品(示範菜):  法式焦糖燉蛋, 雖是示範菜式, 但大家都有機會試燒焦糖, 
跟住即場試食, 大家都讚好味。 

                                                    甜品(示範菜):  法式焦糖燉蛋







2016年5月10日 星期二

日式薯仔沙律



做日式薯仔沙律的竅門是在沙律內加入一些剁碎了的洋蔥, 份量不用太多, 但其微微的辛辣香味會令沙律得別好味。

材料:

薯仔3個 (約780g)
紅甘荀1條
溫室青瓜1條
洋蔥碎1.5湯匙
熟蛋白5隻
蛋黃醬1/2樽 (Mayonnaise)
鍊奶2湯匙(或隨意)

1) 洋蔥剁碎成蓉狀







2)  青瓜切半, 用匙羹去囊, 切成超薄片, 加1/2茶匙鹽醃15分鐘引出水分, 再徹底榨乾備用







 3)熟蛋白切切小粒備用








4) 薯仔去皮洗淨, 切成約1.5cm丁方浸水中,  用大鍋煮滾水後下薯粒中火煮約7分鐘, 可按自己起歡薯粒的軟度微調烹煮時間)






5)   紅甘筍去皮, 切成1cm丁方加入鍋一同再煮3分鐘 (撈起隔去水份, 攤涼







6)將所有材料放進雪櫃冷藏30分鐘








7)取出, 加入蛋黃醬及鍊奶撈勻, 再冷藏1至2小時便可進食。








**薯粒經冷藏後會結實些, 撈的過程會順利些.
*蛋黃醬的多少;  醬和鍊奶的比例可按個人口味調教。


2016年5月9日 星期一

壽司醋飯 (附食譜)


                                                                自己製作的魚生飯



上星期六預祝母親節晚飯, 本來仔仔話請食自助餐, 但我選擇咗喺屋企食, encore上次order過嘅海鮮盛盒 ,另外買左D魚生, 我整咗吉列蠔燒魚, 燒魚, 壽司蛋同醋飯底, 喱餐吾駛一半budget, 有齊大家最愛嘅食物。
仲有自己制作自己的魚生飯,呢個項目原來唔只細路, 連大人都好開心架 (我屋企o個兩父子)、大满足, 好過出去同人迫啦 !

自家製魚生飯當然要整壽司醋飯啦, 你哋都可以試下。  其實我都唔知正確醋和飯的比例, 我都係胡亂大膽嘗試, 但係效果都好像樣, 下次可以整嚟卷壽司添。

材料:
珍珠米 2杯
水1 3/4杯
壽司醋60ml
糖 1.5茶匙

1)先將米洗淨, 再浸10分鐘
2)用電飯煲煮熟
3)糖與壽司糖溶合
4)   飯煮好時襯熱倒入醋汁撈勻,讓飯粒吸收醋汁 (不用蓋上煲蓋)
5)   飯攤至微微的暖便可舖上魚生成魚生飯。






2016年5月5日 星期四

素韓式粉絲


仿韓式拌粉絲 - 我地好喜歡的韓國菜式, 今次純粹靠食過之後的味覺記憶再用屋企有的醬料煮成的自家版本, 做法簡單, 呢個素版本少油多菜, 健康好味。



韓式粉絲 100g
配菜: 菠菜6棵/ 紅甘筍絲半碗 / 鮮冬菇5隻切絲 / 洋蔥1/4個切絲


汁料:
生抽2湯匙
日式燒肉汁1湯匙(如無可改成生抽)
麻油1/2湯匙
糖1.5湯匙
水110ml

步驟:

1)鮮冬菇切絲, 用小許油炒軟,下1湯匙水, 1.5茶匙生抽及1/2茶匙湯兜炒, 上碟備用














2) 菠菜切段, 滾水煮30秒或至軟身, 撈起沖水至冷卻, 搾乾水份備用












3)甘筍絲及洋蔥絲炒熟備用














4) 韓式粉絲用滾水煮5分鐘至軟身, 撈起沖冷水至冷卻, 瀝乾備用
(請按個別包裝指示烹調)












5) 用易潔鑊將汁料煮滾, 試味OK後下粉絲中火煮至收汁













6) 將粉絲盛起 稍為剪碎, 與所有配菜撈勻, 灑上少許芝麻便完成