2016年4月24日 星期日

韓式牛肉拌飯 + 簡易前菜




食譜:

珍珠飯约7碗(一煲及2飯盒份量)
薄切肥牛肉片2/3磅, 日式燒肉汁5湯匙
韓式豆辦醬 (拌飯專用, 日式超市有售)
即食紫菜隨意
 伴菜數款, 種類隨意,最好選不同顏色,看圖見做法

 做法

滾水煮1分鐘, 撈起, 浸凍水中. 
待冷卻後搾乾. 

菜莖切段留拌飯用

菜葉留用作前菜(用芝麻沙律醬伴食)

芽菜$6, 滾水煮1分鐘, 撈起瀝乾,下一茶匙麻油, 1/3茶匙鹽, 撈勻,放在碗中等數分鐘,再用篩隔去水分

芽菜分成兩份

一份留拌飯用

一份放碟中做前菜



本菇1包, 白鑊輕炒, 再加小許鹽炒至軟身,撈起隔水備用. 
 紅甘荀刨絲, 用易潔鑊免油輕炒至軟身. 
 肥牛片切成小件,易潔鑊下5湯匙燒肉汁煮滾, 轉慢火, 按口味下適量糖調味, 下牛肉塊慢火炒至九成熟即熄火,讓餘溫將牛肉煮熟備用. 

材料準備好, 我仲加左隻熟蛋, 用煎蛋也OK. 




 將熟飯放進已LC煲中, 排上拌菜, (先掃小許油將鍋加熱, 有保溫作用)
**如果喜歡飯焦, 上桌前開中火加熱數分鐘至底微焦便可. 

 
最後舖上牛肉+紫菜碎, 以韓式豆辦醬拌食便可. 




**如果喜歡飯焦, 上桌前開中火加熱數分鐘至底微焦便可.  




 呢個就係韓式拌飯用辣醬喇.  

2016年4月21日 星期四

美味煎焗斧頭扒




琴晚為全家人加理鴨脷洲舊鄰居為仔仔同姨甥女預祝生日,哥哥order泰菜到會, Owenmama只係整在個斧頭扒同纽約芝士蛋糕, 好輕鬆呀。

**件扒係幾個月前團購的,   送到先知成條16吋長,   超壯觀!    其實做法唔難, 唯一難度就係要焗爐夠大先得, 否則你要選購短骨的扒才可, 未必可以團購了, 要親身選購較短骨, 可入自己焗爐的扒較好。 

做法: 

急凍斧頭扒1件 (約3.5磅, 2.5吋厚)
幼鹽2茶匙
黑椒隨意
橄欖油適量

1)斧頭扒兩天前從冰格轉往普通格低溫解凍(不用開封)


2)徹底解凍後開封, 用廚紙吸乾水份,










3)用鹽, 黑椒 (我還加了些在韓國買的洋蔥蒜粉) 塗抹在表面, 再下橄欖油抹勻, 用錫紙包裹牛骨柄












4) 易潔鑊下3湯匙油, 煎封所有邊位, 每邊約1分30秒













5)煎封所有邊位後到兩面扒面, 每邊同樣1分30秒 (如果好似我咁用有紋鑊就唔好移動件扒, 否則紋不夠突出)












6) 將扒放在焗盤上, 放入預熱200焗爐,焗22分鐘, 中途反一次, 讓兩面均勻受熱













7) 將扒取出, 易潔鑊下2湯匙牛油及1湯匙油, 大火將扒兩面煎至香脆,每面45秒便可離鑊
(用牛油煎至微焦, 牛扒更有油香, 賣相更亮麗吸引。 )










8)將牛扒靜止10分鐘讓牛扒吸回肉汁便可切開食用。

我的牛扒較大, 呢個烹調時間約7成熟, 近骨最厚的位約6成。    烹調時間請按牛扒厚度/個人喜好的生,熟度自行調節。





Owenmama 第一個烹飪班開始招生喇

各位朋友仔, Owenmama, (Polly Yiu Owenmama) 的第一個烹飪班開始招生喇。 呢次會示範兩個西式主菜同一個甜品。

-烤春雞釀飯
-雜菜紅酒牛腩
-法式焦糖燉蛋


超期待同你哋一齊煮, 一齊食, 同交流入廚心得呀。 有興趣嘅朋友快D Click入下面的Link報名喇。 希望到時見到你哋啦。


**有興趣參加嘅朋友, 在link Click 完"將出席"後, 請 Facbook 於 search "Noble Place" send 訊息 (PM)比佢哋先可作實架。


課程詳情請按下面 Facebook Link:

Owenmama西菜班 ~ 去骨烤春雞釀飯、紅酒雜菜炆牛腩、法式焦糖燉蛋






















有興趣參加嘅朋友,在link Click 完"將出席"後, 請 Facbook 於 search "Noble Place" send 訊息 (PM)比佢哋先可作實架 (看下圖會請楚D)。



2016年4月19日 星期二

蠔豉排骨粥




星期日執冰廂, 原來裡面仲有8隻大蠔豉剩低, 做咗個簡單又好味嘅蠔豉排骨粥, 只需加少少鹽調味就已經鮮甜無比喇。

My facebook account:  Owenmama


材料: 


蠔豉8隻
珍珠米1杯
水8碗
西施骨12兩
鹽適量

1) 西施骨件用1湯匙幼鹽撈勻醃至少1-2小時至入味, 再出水10分鐘沖淨備用
2) 蠔豉浸熱水10分鐘
3) 珍珠米用水浸半小時, 倒去水份備用
4) 用7碗水加入西施骨慢火煮30分鐘成湯底, 湯連骨倒進電飯煲
(因我們喜歡食較淋的西施骨, 所以先煮半小時)
5) 加入米/蠔豉
6) 用電飯煲用煮粥功能煮至綿滑, 加鹽調味便完成。

**或用明火慢火煮至綿滑也可。 (用明火則要不時攪拌, 以免黏底)



2016年4月14日 星期四

豆腐紅豆芝士蛋糕 (食譜)



本來只做豆腐味, 雪櫃內有用剩的紅豆蓉, 就做多層红豆味,令味道有層次D, 清淡豆腐配香甜紅豆, 很不錯的配搭。 今次用左簡約嘅裝飾, 左7吋大蛋糕,分别比左3家鄰居享用,一於分甘同味。


食譜:

7吋方慕絲圈1個, 用錫紙包好底部
消化餅9片(敲碎)
牛油溶液 70g

-消化餅碎加入牛油溶液攪勻, 倒在模中, 用匙羹壓平成餅底, 放入雪櫃備用。

紅豆芝士餡:

材料:
紅豆芝士餡:

甜紅豆蓉220g
忌廉芝士80g
淡忌廉160g
15g
魚膠粉 8g
室溫水40ml

 ***因紅豆餡偏甜, 份量蛋糕的13 其餘23為豆腐餡,這比例較為合適。

-淡忌廉打至起紋(7分起), 放雪櫃備用。
-魚膠粉加水攪勻, 隔熱水座溶備用。







-芝士置室溫2小時至軟身, 加糖打至順滑









-加入紅豆蓉打勻  (我用日本Aeon百貨買的包裝紅豆餡, 味道較甜, 我減了食譜的糖份,  如用其他紅豆蓉, 甜味可能有別, 在此步驟後自己試一下味, 再調節吧))






-加入微暖的魚膠溶液攪勻








-再加入淡忌廉膠勻便完成








-將紅豆忌廉餡倒入餅模中,放雪櫃冷藏備用










豆腐芝士餡:

百福豆腐花350g (約1.5盒)
忌廉芝士150g
淡忌廉 240g
20g
魚膠粉15g
室溫水4-5湯匙

-淡忌廉打至起紋(7分起), 放雪櫃備用。
-魚膠粉加水攪勻, 隔熱水座溶備用。







-芝士置室溫2小時至軟身, 加糖打至順滑








-加入豆腐打花勻  (打開後小心倒去水份)








-加入微暖的魚膠溶液攪勻
-再加入淡忌廉膠勻便完成







-將豆腐芝士餡倒入紅豆餡上,放雪櫃冷藏5小時至凝固









-用火槍或熱毛巾幫助脫模
-按個人起好裝飾便完成








-我今次用咗簡約的裝飾, 先切件, 再用打起的淡忌廉唧花, 再放上用座溶了的朱古力劃成的葉型裝飾便完成。



**此蛋糕即晚食用效果最佳。






2016年4月13日 星期三

邪惡的溶岩芝士蛋炒飯 (1人晚餐食譜)




晚食剩嘅冷飯唔想浪費, 反正得我一個人食就做個炒飯吧。 之前有朋友舖咗去韓國餐廳食呢個飯, 似好吸引。 屋企有個7吋小煎pan  細細地啱哂一人份量將炒好的飯放在燒熱的煎pan中央, 澆上2隻蛋漿再沙上芝士, 就成為呢個美味又超邪惡嘅一人晚餐喇。正宗韓式版本配泡菜炒飯, 我麻麻地鐘意, 改用煙肉粒炒飯跟芝士,來個自家版本啦。 


珍珠冷飯1 1/2
煙肉2條(切去脂肪邊位)
洋蔥粒適量
雜豆3
/ 鹽各小許


2
芝士碎隨意


-煙肉除去脂肪部份及切粒, 略炒香, 放在--隔油紙上備用/ 雜豆解凍, 用滾水浸一下, 瀝乾備用

-先用小許油炒洋蔥至半熟, 下珍珠米冷飯, 用鑊鏟壓炒至飯粒散開及熱透(炒前可手指沾小許水, 將冷飯稍為捏散會較易炒散)







下糖, 鹽兜炒, 再下煙肉及雜豆兜炒至熱透乾身試味, 便可盛在碗內。  (因要倒扣在鑊上, 所以盛飯時要用匙羹按壓至結實一點, 否則倒扣後會散開)










7吋小易潔鑊掃一層薄薄的油, 慢火稍為加熱, 立即將飯倒扣在鑊中央












澆上蛋汁, 再灑上芝士碎 (多少隨意)













將蛋漿的部分對準火源移動, 均勻地將蛋煎至9成熟及令芝士溶化便可原鍋食用。

2016年4月8日 星期五

茶碗蒸蛋




日式蒸的蛋所以較滑, 入口溶化, 因蛋同水份 / 雞湯比例就要將份量為1:2多一點 蒸的時候用中火,才可蒸出滑滑茶碗蒸蛋


日式茶碗蒸做法如下(1人份量):

蛋1隻 (約50ml)
雞湯100ml
鰹魚汁1.5茶匙
蟹柳隨意 (配料可隨意)


鰹魚汁加雞湯調勻












先打散蛋,再下雞湯及鰹魚汁攪勻












過篩再倒入放了配料的茶碗   (配料隨意, 我只放了蟹柳段)









中火火蒸7-8分鐘(蒸的全程要蓋上碗蓋,如無茶碗,用錫紙蓋面以防倒汗水滴在蛋面)。

**蒸的時間按容器大小及爐具火力自行調節