2016年1月31日 星期日

酥炸墨魚圈






用街市買的現成墨魚膠, 輕鬆做出美味香口炸墨魚圈。


材料:
現成墨魚膠10両
粗粒麵包糠適量


雪糕匙盛3/4匙墨魚膠,倒扣在略沾水的手上
(墨魚圈大小隨意)








將墨魚膠搓成球狀, 壓扁, 在中央用手指刺穿弄成水泡狀









均勻地沾上麵包糠









分隔放好在碟上, 再雪15分鐘至定型









小火炸至熟透,再轉中火逼出油份及至金黃便完成。


Tips:
用較小的煲分數次炸可減少用油量。

2016年1月28日 星期四

A貨台灣牛肉麵 + 溏心蛋(食譜)




我同家人都愛去茶木食台灣牛肉麵, 但連加一要80多蚊一碗。  星期日無出街, 就炆定幾條牛腱 (約2磅只需$60)同糖心蛋, 放在雪櫃, 星期一晚再煮湯底, 加埋759嘅台灣麵條, 就成為呢個A貨台灣牛肉麵。 用呢個方法, 就算要返工嘅日子都有精彩晚餐啦。

3條牛腱, 足夠我同仔仔2人份的牛肉麵晚餐同我兩夫妻星期二的外帶午餐盒, 超抵呀。 

因不想浪費煤氣, 我每次都會炆多條牛腱,多咗嘅牛腱同滷水可以雪在冰廂, 存放兩個星期都無問題㗎,食前取出解凍, 用滷水翻煮一會便可. 


食譜:

牛腱3件, 約2磅 (為免浪費煤氣, 通常我會一次過炆多條牛腱)

滷水(1份)- 滷水分數示乎煲容量按比例自調
老抽80ml
生抽50ml
冰糖1粒(如乒乓球大小)
水800ml
花雕2湯匙
薑5片
八角3粒
砂糖適量 (最後調味用)

牛腱處理




牛腱先解凍,出水10分鐘,撈起再放入滾了的滷汁內火炆1.5小時, 或至合自己的淋軟度


**我用較小鑄鐵煲, 可省點時間及滷水份量。







取出攤涼切厚片(熱時切很易散), 放回滷汁中。 蓋好, 臨吃前翻熱便可。


(滷水的味道可按個人喜好加糖/生抽調較)










Tips:

滷汁儲存方法: 
用剩的滷水汁徹底攤凍,之後轉用保鮮袋包好放入冰櫃,可以雪好耐都得架。

**滷水越老越好味, 儲存得好可以用好多次, 如果唔夠用,每次只要按比例加d水同調味料加d味再用黎炆野就得,越耐越好味。 

**不同煲具鎖水程度不一, 火力亦不同, 請自行觀察及於有需要時添加水份。


湯底:

雞湯1000ml + 清水300ml (比例/份量隨意)
牛腱滷汁數湯匙(濃淡隨自己口味)
白蘿蔔1個(小)切件
紅甘筍1個切件
鹽/糖隨意(最後調味用)


煮滾雞湯, 加入適量滷汁煮滾, 和清水加入紅甘筍和白蘿蔔煮約30-45分鐘至蘿蔔淋軟,














試味, 如需要加鹽/糖調味.














組合: 

煮滾一鍋清水把麵條煮至熟透, 將麵條置大碗内
淋上煮至大滾的湯, 放上溏心蛋(食譜往下) / 蘿蔔片/ 牛腱
最後灑上芫荽便可食用。









糖心蛋

1) 用小煲將水煮至大滾,水要高過全部蛋半吋

2) 將室溫蛋輕力投進  (蛋要從雪櫃取出最少3小時,否則會易爆)  轉中火煮6分鐘,最好用計時器期間不要蓋上煲蓋 (頭一分鐘用筷子輕輕攪動雞蛋,可令蛋黃固定在蛋的中央)

3撈起雞蛋,放在冷水中, 待蛋略為降溫

4) 將蛋殼敲裂, 再浸在水中,讓水滲進蛋內,會較容易剝殼.

  5) 小心剝去蛋殼, 糖心蛋完成了。

**不同爐具火力不一,最好先做一次,查看結果,作下次準則






2016年1月25日 星期一

泰式黃咖哩牛腩 (冷藏貯藏法)





嚟喇嚟喇, 話咗呢排會多介紹我同家人最愛嘅泰菜, 今次首先介紹用在曼谷買的籃象黃咖哩醬做的泰式咖哩牛腩。  調味簡單的下些魚露,  糖同椰漿,已經好夠味。 

大家可以試下用呢個方法, 一次過炆大份牛腩然後分份儲藏在冰格, 之後預早取出解凍後用在煮, 咁好快手就有軟淋嘅炆牛腩食啦。

今次係用經下面方法處理咗嘅牛腩條做, 所以好快手就有美味咖哩食喇。


牛腩處理 (一包牛腩為兩次份量, 每份約10條): 
急凍牛條1包 
薑片數片
冰糖1 (1/2個兵乓球大小)
花雕1湯匙


即日食做法: 牛腩出水 (10分鐘撈起備用, 燒滾水 (份量要蓋過牛腩條),加薑片數片  / 冰糖 花雕, 加牛腩約一個半小時 +  焗30分鐘 / 或到牛腩淋軟,撈起牛腩, 湯留用(用隔油網網去湯上面的油份)

冷藏貯藏法為免浪費氣我會一次過炆一包牛腩(兩餐份量), 一個半小時撈起多餘的一份放在冰格冷藏(可存放數星期), 下次取出解凍再30分鐘咗右就食得。 

*炆牛的湯汁也可冷藏成冰狀留浸菜/煮麵用用。 


咖哩牛腩製法 : 

材料: 
條10條 (今次用冷藏貯藏法的牛腩
洋蔥1/2個切片
薯仔2個
籃象 (Blue Elephant)黃咖哩醬3/4包

調味料: 
Kara 椰漿約 120ml(隨意)
魚露1湯匙 (隨意)
 糖3/4湯匙 (隨意)


1) 將牛腩從冰格取出解凍













2) 隔水大火蒸10分鐘備用。

  










3) 薯仔去皮20分鐘至8,9成熟 (時間按約大小自行調節)浸冷水中, 稍涼後 切成件備用 













3) 易潔鑊燒熱1湯匙油,細火爆香洋蔥爆炒一會,中間撥開一空間,下小許油爆香咖喱醬 (如太乾可加小許水份)


 










4) 下適量煮滾,再加入牛腩+薯仔, 同炆20分鐘,    魚露,糖   , 椰醬調味煮滾便完成。

(因牛腩冷藏前已炆淋及經翻蒸處理, 所以再煮20分鐘便足夠。 )
  







**不同牌子咖哩醬辣度/味道都有差異,建議先用1/2包, 試味後再加; 調味料份量也一樣
**我用Kara 椰漿, 較杰身同濃味.  
**椰漿可增加香味同減輕辣度, 減辣同時, 顏色都會同時變淡。 
**我用LC煲炆牛腩, 用水的份量較少, 用不同煲具, 水及調味份量請自行調整


***最後調味前可將鍋稍為傾側,將上面的紅油撇去, 可減少肥膩感。 




2016年1月23日 星期六

木糠布丁

 




















我用消化餅代替傳統用瑪莉餅, 口感更香脆甜美,同老公一人負責一層,好快攪掂!



材料 (每個份量約5杯):

淡忌廉   250g       
鍊奶   50g
雲呢拿油數滴       
馬利餅 / 消化餅 70g

1)          餅乾敲碎成木康狀備用















2)          淡忌廉打至7成起,加入鍊奶,雲呢拿油,再打至杰身


3)    一層餅碎,一層忌廉,重複放容器內 (用唧袋會好d)













4)          放進普通格雪4小時便成。









2016年1月22日 星期五

曼谷4天 Hea . 食 . 行

上星期同老公兩個出走曼谷玩咗4日, 食咗好多又平又好味嘅泰菜, 仲買咗好多泰式醬料返嚟。  最可惜因為星期六回港, 係無機會去Sunday Market買碗碟餐具,  今年一定要去多一次先得。

掃咗好多香港無得賣嘅 Blue Elephant 醬料夠哂今年自用同做手信。 因坐廉航無買寄倉行李不能賣液題調味, 唔係一定仲多收穫黎緊會用盡佢地整多D我同屋企人最愛的泰菜。




呢幾日食咗好多美味泰菜, 平, 貴都一樣有水準。  我同老公發覺  同街邊檔不比大餐廳出品差, 但就平好多倍啦。 以下係其中一D, 我遲D會逐樣試煮。






今次住    Grande Center Point Terminal 21呢間酒店無論地點, 設施都好值得推介



早餐算不錯, 應有的都有, 但連吃幾天,最後一天有點厭了。 最大缺點是沒有 free cappuccino,  我以前住的幾間都有㗎。 



去曼谷當然唔小得去按摩啦, 向大家推介呢間按摩店 - Body Tune, 地點在 站 Phrom Phong Exit 3, 步行5分鐘就到, 推油120分鐘收費只係Bhat1,100 (HK$250),  足鐘, 乾淨, 獨立房間, 呢個收費算係同級中最平宜了, 我地去咗2次呀。    (佢有其他分店, 但呢間新店最企理。 )



2016年1月21日 星期四

日式吉列蠔



自己動手, 做出同餐廳出品一樣幾日式吉列蠔無難度。



材料:
急凍大廣島蠔
蛋(打散) / 麵粉 / 粗粒日式麵包糠適量



步驟:

- 蠔解凍 用生粉撈勻,細心用手指洗淨裙邊的污垢 (要重覆數次直至蠔潔白為止), 小心不要弄穿蠔肚。








-蠔拖水至9成熟,徹底抹乾水份備用











-準備上包糠材料











-蠔按次序先蘸麵粉 / 蛋汁 / 麵包糠
















-分隔效在廚紙上, 放進雪櫃冷藏半小時定形













-滾油中火炸蠔,轉色後轉大火迫出多餘油份,最後炸至金黃便可。


Tips:

-蠔不而太細, 否則效果不好。
-用較小的煲分次炸蠔, 可減少用油量。

2016年1月8日 星期五

Cook1Cook x 一念素食 Bijas Vegetarian Restaurant 素食私房菜Blog 聚




屋企人無肉不歡, 好少食素, 今次試有幸被Cook1Cook邀請同成班Bloggers一齊試左一念的全素食私房菜, 令我改觀很多, 原來素菜可以好精美同好好味(大家睇相就知), 全晚至愛係素燉湯, Howard(一念) 介紹係用牛肝菌, 蟲草花、 百合、大量腰果、 同其他材料燉足五小時, 湯頭清甜無比, 確實值得一再推介!
**一念係社企, 平時主打自助式素食, 員工主要係聽障人士, 自閉証患者同長者, 經培訓後超專業, 咁有水準嘅社企, 希望大家多多支持! (記住私房菜要2天前電話預訂呀)




魚露炸排骨 (食譜)




好耐前係大坑民聲食過,回家試做自家版本鹹香惹味, 佐酒或送飯都一流呀。


材料: 腩排一斤多(斬件備用)

醃料: 魚露3湯匙1茶匙,花雕酒1湯匙

炸料:蛋半隻,生粉3

1) 腩排洗淨,抹乾,用醃料醃12小時

2) 倒去多餘汁液, 先下蛋槳撈勻,再下生粉撈勻

3) 先用熱油慢火炸熟,起鑊前轉大火迫出多餘油份便可。

4) 以泰式甜雞醬佐食風味更佳。。