2016年1月25日 星期一

泰式黃咖哩牛腩 (冷藏貯藏法)





嚟喇嚟喇, 話咗呢排會多介紹我同家人最愛嘅泰菜, 今次首先介紹用在曼谷買的籃象黃咖哩醬做的泰式咖哩牛腩。  調味簡單的下些魚露,  糖同椰漿,已經好夠味。 

大家可以試下用呢個方法, 一次過炆大份牛腩然後分份儲藏在冰格, 之後預早取出解凍後用在煮, 咁好快手就有軟淋嘅炆牛腩食啦。

今次係用經下面方法處理咗嘅牛腩條做, 所以好快手就有美味咖哩食喇。


牛腩處理 (一包牛腩為兩次份量, 每份約10條): 
急凍牛條1包 
薑片數片
冰糖1 (1/2個兵乓球大小)
花雕1湯匙


即日食做法: 牛腩出水 (10分鐘撈起備用, 燒滾水 (份量要蓋過牛腩條),加薑片數片  / 冰糖 花雕, 加牛腩約一個半小時 +  焗30分鐘 / 或到牛腩淋軟,撈起牛腩, 湯留用(用隔油網網去湯上面的油份)

冷藏貯藏法為免浪費氣我會一次過炆一包牛腩(兩餐份量), 一個半小時撈起多餘的一份放在冰格冷藏(可存放數星期), 下次取出解凍再30分鐘咗右就食得。 

*炆牛的湯汁也可冷藏成冰狀留浸菜/煮麵用用。 


咖哩牛腩製法 : 

材料: 
條10條 (今次用冷藏貯藏法的牛腩
洋蔥1/2個切片
薯仔2個
籃象 (Blue Elephant)黃咖哩醬3/4包

調味料: 
Kara 椰漿約 120ml(隨意)
魚露1湯匙 (隨意)
 糖3/4湯匙 (隨意)


1) 將牛腩從冰格取出解凍













2) 隔水大火蒸10分鐘備用。

  










3) 薯仔去皮20分鐘至8,9成熟 (時間按約大小自行調節)浸冷水中, 稍涼後 切成件備用 













3) 易潔鑊燒熱1湯匙油,細火爆香洋蔥爆炒一會,中間撥開一空間,下小許油爆香咖喱醬 (如太乾可加小許水份)


 










4) 下適量煮滾,再加入牛腩+薯仔, 同炆20分鐘,    魚露,糖   , 椰醬調味煮滾便完成。

(因牛腩冷藏前已炆淋及經翻蒸處理, 所以再煮20分鐘便足夠。 )
  







**不同牌子咖哩醬辣度/味道都有差異,建議先用1/2包, 試味後再加; 調味料份量也一樣
**我用Kara 椰漿, 較杰身同濃味.  
**椰漿可增加香味同減輕辣度, 減辣同時, 顏色都會同時變淡。 
**我用LC煲炆牛腩, 用水的份量較少, 用不同煲具, 水及調味份量請自行調整


***最後調味前可將鍋稍為傾側,將上面的紅油撇去, 可減少肥膩感。 




4 則留言:

  1. 我都好鍾意用 Kara 椰漿,濃味好多!冬天食咖哩,食完暖笠笠

    回覆刪除
    回覆
    1. 係呀, 仲會令個汁厚身D, 唔駛埋芡添。

      刪除
  2. 黃咖哩我愛呀,送飯一流,不過我要多多多汁^^

    回覆刪除
    回覆
    1. 加咗椰槳D汁都唔小㗎, 送飯真係一流㗎。

      刪除