2015年11月30日 星期一

露筍雞卷配白汁磨菇意粉 - Cook1cook demo video shoot (2)



露筍雞卷配白汁磨菇意粉  呢個係另一個COOK1COOK拍攝的菜式, 係我的創作菜式, 去咗皮嘅雞扒卷住火腿同雞肉, 精緻又好味, 係聖誕節同另一半撐檯腳的最佳選擇呀。


(1人份量)

去皮雞扒1
火腿1小片
露荀段1 (預先拖水至半熟)
幼鹽小許
意粉100g
低脂忌廉磨菇湯 (98% fat free) 1/3
80ml低脂


1)    雞扒一件,去皮,灑上小許幼鹽醃10分鐘備用



2)    雞扒放微波爐保鮮紙上,舖上一片火腿,再放上露荀段 (兩邊要留點空間)



    3)  捲成卷狀,將保鮮紙兩邊捲實,收緊成牛奶糖狀, 再包上錫紙。




  4)  將雞卷放水中煮15分鐘 (時間按雞扒大小調節)




     5) 離火攤10分鐘待定型後撕去錫紙和保鮮紙,吸乾雞肉上的水份



    
 6)   用平底鑊燒熱油,放進雞卷, 下小許鹽及黑椒煎至金黃便可切開上碟。(如愛清淡此步驟可免)

7)  意粉用鹽水煮至9成熟



8)  低脂忌廉磨菇湯加奶攪至混合,  開慢火加熱成醬汁 ,  熄火, 將煮至9成熟的意粉直接投進攪勻便可上碟, 灑上預先炸脆的煙肉碎便完成。





**上碟時意粉較濕也不用擔心, 因上碟後仍會繼續汲汁, 要襯熱食用呀。

貼士  :
***可用普通全脂忌廉湯, 因湯本身較杰, 請酌量添加奶的份量。





2015年11月27日 星期五

Owenmama的首本食譜書 “玫瑰鍋料理” 12月初會在各大書 局陸續上架喇

Owenmama的首本食譜書 “玫瑰鍋料理” 12月初會在各大書

局陸續上架喇(各大眾書局則最齊, 定價$78)。

在此多謝家人和一班好友的支持, 鼓勵和幫助, 令我有信心

同力量去完成這個挑戰。


希望籍住我這四十多個簡單料理,可以提起你地對入廚的興

趣,為摯愛親朋食得開心,健康而煮!




2015年11月26日 星期四

Dimcook x Outdark 聚

感謝 Dimcook 點煮網 的 Eunice 邀請我地一眾Bloggers在 Outdark韓國餐廳
相聚,多謝Outdark PR - Soa的熱情歡待! 試到美味韓菜之餘, 成晚笑聲不絕,食飽飽都唔捨得散。 最後仲送我地清淨園禮物包, 真的滿載而歸呀!














2015年11月25日 星期三

Cook1cook demo video - 法式焦糖燉蛋


呢個係幫上星期 Cook1cook 拍攝示範VIDEO的其中一道菜式, 即場示範完立即比大家試食, 大家都好喜歡呀。  為咗清楚拍攝到燒焦糖部份, 特別買咗大D呢個5吋模, 你地可以試用其他大小的模, 但焗製時間就要調節一下啦模具的質地, 大小厚薄都會影響焗製的時間。
(影片製作中, D先會播出,有興趣的朋友仔敬請留意)

食譜:  (2-3 人份量)

淡忌廉130g
全蛋1 + 蛋黃1
130
25g


1) 
淡忌廉+蛋打勻

2) +糖慢火加熱煮至糖溶解 (不要著滾), 熄火待5分鐘至降溫

3) (2)加分三次加入(1), 期間一路輕力攪拌

4)  將蛋液過篩倒入小杯中

5) 放入預熱180度的焗爐坐水焗約14分鐘(水1/2吋高度)或至蛋凝固便可出爐 (我只用上下火, 沒開動風煽)

6) 燉蛋冷卻後至雪櫃奉客前半小時取出平均灑上適量砂糖用火鎗燒至砂糖焦化在放回雪櫃雪10分鐘便可進食


**
焗的時間按杯的大小 / 深淺自行調節.
**
我用的是5吋闊  x 1吋高的模。份數視乎溶器大小自定。

2015年11月16日 星期一

香蒜大蝦扁意粉



之前同老公去咗Time Square   Sun Plaza  食晏, 佢點咗個濃蝦汁扁意粉, 係咁讚個意粉好香蝦羔味。 叫我試吓整。  佢出題我當然無問題啦。  咁啱上次做泰式海鮮沙律時剩咗十幾隻中下頭, 我將佢地包好放在冰廂, 琴日解凍後咗個蝦湯底,加D茄膏同辣椒仔汁就做咗呢個大蝦扁意粉. 

2人份:

中蝦8隻
扁意粉250G
中蝦頭13 (之前做沙律的蝦頭, 放進冰廂儲存)
200ML
雞湯100ML
茄膏2湯匙
辣椒仔汁2茶匙
蒜頭4粒(切片)
菠菜葉一碗
橄欖油1湯匙


1 蝦頭取出解凍, 略沖, 剪去尖角, 在底部剪開(蝦膏較易流出)1湯匙油燒熱, 爆炒至轉色, 加入清水, 轉為慢火, 其間不停用鑊燦按壓蝦頭, 繼續煮成蝦汁





2) 隔去蝦殼, 湯留用





3) 燒一鍋水, 1茶匙鹽煮滾, 下扁意粉煮至8, 9成熟,  同時用另一燒熱過2湯匙
   油, 下蝦慢火煎至下熟透, 撈起備用, 





4) 燒熱2茶匙油油慢火爆香蒜片下蝦湯及雞湯, 茄膏, 辣椒汁煮成汁


5) 蝦回鑊, 下菠菜粒兜炒


5) 將煮至89成熟的意粉撈起, 直接投進鑊中兜勻, 讓意粉沾上蝦汁, 再灑上橄欖油便可上  碟襯熱食用。



2015年11月9日 星期一

迷你香蕉朱古力慕絲



早排很忙, 已經有一端頗長時間無整蛋糕, 呢排開始有D手痕喇。  上星期邀請舊鄰居嚟打邊爐, 準備咗呢個迷你香蕉朱古力慕絲比佢地。  由構思/製作/配搭/裝飾, 真係過足哂癮! 

  今次用咗原件香焦, 增加咗層次感,香蕉配朱古力真係超級無敵的好味,兩者能互相帶出對方的香味。呢個慕絲蛋糕好似好多步驟, 但係做落唔係太難,最傷腦筋的反而是裝飾構思, 但可以設計到自己獨有的蛋糕款式,真係超級滿足! 


食譜 (約7個 2.5吋小慕絲圈份量):

消化餅6塊
牛油溶液  50g (隔熱水咗溶)

帶甜黑朱古力粒  160g
鮮奶  120ml
淡忌廉  250ml
魚膠片 9g + 水2湯匙
香蕉3條

1)消化餅敲碎, 加入牛油溶液, 置小模中, 按壓成餅底,雪藏備用
2)淡忌廉打起至7成雪藏備用
3)鮮奶煮滾, 倒入朱古力粒內, 攪拌成朱古力醬狀, 待15分鐘至室溫
4)事先用冷水浸軟魚膠片, 加入水份, 隔熱水座用成魚膠漿
5)取出淡忌廉, 加入朱古力醬內, 用膠刮混合成慕絲餡
6)取1/4慕絲餡, 加入魚膠漿攪勻 (魚膠漿要70度左右, 太涼會起粒),與餘下的3/4混合, 入唧袋備用
7)取出餅模, 放進小段的香蕉 (高度比餅模低至少半吋)
8)唧入慕絲至平頂, 冷藏5小時至凝固
9)取出裝飾,  用火鎗或熱毛巾小心脫模, 按喜好裝飾便完成




裝飾方面, 我先灑上一層防潮可可粉, 用放上我用雜誌裁出簡單圖型, 放在餅上, 灑上防潮糖霜,唧上忌廉及放上自製朱古力葉片(用不調溫朱古力座水溶後做成的)便完成。 



2015年11月2日 星期一

零難度日式鹽燒鯖魚



全家都係日菜 Fans, 去餐廳經常會點呢味日式鹽燒魚, 一般要$60咗右, 琴日經過樓下的凍肉店, 見每件$10, 就買左一件試下整。

呢種魚味較重, 今次我先焗再用火槍將邊位燒至微焦, 效果更香口。  做法零難度, 但100%像真,  味道同在餐廳食到的一模一樣, 老公話以後出去食唔會再點呢個菜喇。


食譜:

真空急凍鯖魚一片
幼鹽 1/4茶匙
海鹽小許(後下)
油小許 (後下)
檸檬 (隨意)

1) 魚解凍, 用水略沖一下, 抹乾
2) 將鹽均勻地灑在魚上醃10分鐘(主要醃肉的一面),
3) 焗盤舖錫紙, 在魚皮上面掃小許油, 放進魚片
4) 在魚皮上掃小許油及灑上小許海鹽
5) 放進預熱200度的焗顱焗約10分鐘至魚熟透便完成
6) 上桌後按喜好唧上小許檸檬汁便可食用

**今次我先焗再用火槍將邊位燒至微焦, 效果更香口 (如無火鎗, 此步驟可免)。