2015年10月26日 星期一

金不換煎肉餅



仔仔同老公喜歡食香口菜, 今次用做青咖哩剩下的金不換做咗個箭肉餅, 鹹香又有香味, 兩父子讚不絕口呀。 


豬絞肉400g (約11個份量)
金不換葉兩棵或隨意 (先用手揸皺, 再切絲)
馬碲4粒(拍扁再琢成粒)


醃料:
老抽2湯匙
生抽2湯匙
鹽1/3茶匙
雞粉1/2茶匙
糖1茶匙
生粉1茶匙
蛋白1/2隻(後下)


-豬肉用醃料醃30分鐘(蛋白除外)

-下馬碲粒,蛋白用手混合

-最後加入切碎的金不換葉撈勻

-易潔鑊下油掃勻(不用開火),手沾小許水,把肉搓成球再壓扁在餅狀,排在鑊上

-開中慢火把肉餅煎至金黃熟透便可

**個別牌子調味料鹹度不一,要自己調節呀.



2015年10月20日 星期二

超平但超鮮甜 清蒸白蟹

琴日突然決定煮飯,6點9先去街市買餸,臨收市老闆大贈送,$45 四大隻爆糕爆肉靚蟹, 開蓋洗淨用玫瑰鍋加點水上蓋中火蒸煮5分鐘, 轉慢火再煮5分鐘(或普通鑊隔水蒸10分鐘),無須任何技巧,    加埋$23一兜鮮蜆,住柴灣真係慳返吾少買餸錢!







2015年10月14日 星期三

泰式炒河粉




呢個係我其中一味最愛泰菜, 有現成炒麵醬汁幫助, 自己整一D唔難, 用易潔鍋仲可以用小好多油, 健康好多㗎。





材料:

河粉1斤
雞扒1件
芥蘭數條 (洗淨斜切成段)
蛋1隻
炒麵豉油適量 (









1) 雞扒解凍抹乾, 去皮, 切成小塊, 先 1/3茶匙幼鹽撈勻,再下1茶匙油醃15分鐘

2) 用鍋燒熱2茶匙油,下雞肉炒至8成熟




3) 下芥蘭兜炒至雞肉熟透














4)下河粉炒及炒麵豉油兜炒至顏色均勻














5)在鍋中央撥開一個洞, 下1茶匙油,倒進蛋液兜炒至成蛋花便可上碟。



2015年10月13日 星期二

番茄海鮮意粉



                              
琴晚兩母子撑枱腳,用冰箱內之前拍攝剩下的海鮮,加一條鮮魷兩食(魚身做炸魷魚圈,鬚做意粉),完成呢個簡單美味二人晚餐。 跟住食譜,足料晚餐冇難度!




茄汁海鮮意粉


(2人份量)

急凍帆立貝 4 (解凍, 抹乾)

6隻(去殼)

魷魚半隻 (切片)

意粉200

洋蔥半個切粒

車厘茄5 (一開為二)

蒜蓉2茶匙         

茄蓉100毫升 (無糖, 我在759買的)

茄汁3湯匙

1茶匙

雞湯80毫升

**海鮮種類可隨意配搭



用鍋慢火燒熱1湯匙牛油慢火煎熟帆立貝, 其間加點鹽調味, 煎熟撈起備用, 鍋中牛油留用












另一鍋將意粉煮至8成熟












煮意粉同時用鍋內煎帆立貝剩下的牛油慢火略蒜蓉, 洋蔥粒,車厘茄

下雞湯, 茄汁, 茄蓉煮滾, 試味及下適量糖調味。











下蝦和魷魚煮至8成熟,














跟著直接投下意粉, 煮至海鮮熟透及收汁便可上碟, 放上之前煎好的帆立貝便完成。


2015年10月11日 星期日

簡易鰻魚定食




星期期四放叫老公預早2小時在冰格取出鰻魚解凍,用埋雪櫃拍攝用剰的蔬菜,半個鐘就做左個呢個簡單又好味嘅溏心蛋鰻魚飯+日式炒椰菜晚餐。

鰻魚在梁九記買,每條$32,掃小許鰻魚汁用焗爐200度十多分鐘就整好,仔仔同老公KO哂一條,我只吃左半條,剰低帶返工做午餐,經濟又好味!

溏心蛋食譜:
http://cook1cook.com/recipe/16862

2015年10月8日 星期四

白汁吞拿魚焗長通粉



呢餐乜都吾駛買,食材全係食物櫃同雪櫃內的存貨,洋蔥,紅黃椒係上星期整青口剩低,用保鮮袋放在蔬菜格,整整一個星期都好爽脆,$7買到紅,黃,綠3大隻;可以分幾餐,柴灣買菜真係好平! 
加埋長通粉,罐頭吞拿魚同忌廉磨菇湯,同芝士碎就做出呢個美味晚餐。


2人份量材料:
1)洋蔥半個(切丁)
2)紅/黃椒各 1/3個(切丁)
3)水浸吞拿魚1小罐(徹底壓乾水份)
4) 長通粉 2
5)低脂忌廉磨菇湯1
6)芝士碎小許

1)小鍋加水和1/2茶匙鹽煮通粉至8成熟
2)煮粉的同時用易潔鑊下小許油,慢火洋蔥丁,至開始半透明,下彩椒丁略炒, 下1/3罐忌廉湯,加4湯匙水煮開
3直接投入剛煮好(已隔水)的長通粉兜勻(汁不用太多, 粉略沾汁便可, 否則會大濕),放入焗盤中, 平均地舖上吞拿魚肉
4) 平均地舖上吞拿魚肉平均地舖上吞拿魚肉
5) 易潔鑊下餘下的罐忌廉湯, 加小許水煮開,不要煮過稀,因焗汁要杰點, 再灑上芝士碎
6) 放入預熱至220度焗爐焗約15分鐘或至芝士微焦便可。



2015年10月6日 星期二

新一步 - my cookbook








從來冇諗過會有自己的cookbook, 在老公鼓勵下,懷着戰戰兢兢的心情接受呢個新桃戰。 其實可以實實在在的將自己的食譜同支持我的朋友分享,真係好開心。



前後共拍攝左四日,順利完成共45道菜式,我想喺度向以下的人道謝:



多謝老公每日晨咁早起身,陪我買餸,全程幫手洗碗同膳後清理, 原來冇左你我真係會'拿'手吾成勢, 愛你!



多謝OWEN仔琴日代替爸爸, 幫我洗碗同做跑腿, 平日好似長唔大嘅佢, 原來有需要時好幫得手。



更多謝我的白老鼠兵團: (哥哥,嫂嫂,Bonnie, 然,標標,Joey, Betty 伉儷)幫我清理食物,不至浪費,仲不停為我打強心針令我信心大增。



仲有Nancy , 志, 幫手清食物餘仲幫我整左個靚髮型。



特別嗚謝出版社編輯Jennie 的賞識,幫助同指引,仲幫我的食物做完美的擺盤。



攝影師Kevin將我D餸菜影得超靚,果然高手出少年



冇左你地支持,成件事亦唔會咁順利, 再次多謝你地。 Love u all!










最後希望本書可以順利出版, 期待!

豆卜鮮蜆粉絲鍋




今次學食店用白胡椒粒做湯底, 過然更加惹味,豆卜同粉絲索盡蜆湯精華,蜆肉鮮甜, 樣樣材料都好味。

鮮蜆3
豆卜15粒(開半)
粉絲3
白胡椒粒2湯匙(用湯袋包好)
白胡椒粉隨意
雞湯適量
唐芹段/紅椒粒/芫茜隨意



1) 豆卜用熱水浸泡一會, 待涼後搾乾去除部份油份, 再沖凍水, 搾乾備用。

2) 用鍋煮滾雞湯白胡椒粒,滾後下豆卜煮5分鐘

3) 下浸軟粉絲

4) 再滾起時下洗淨的鮮蜆煮至開口, 灑上適量唐芹段/紅椒粒/芫茜便完成