2015年9月17日 星期四

日式牛肉壽喜煮



剛從大阪回港,第一餐入廚都係煮日式料理,用冰箱的小小肥牛肉,同醬汁,做左呢個日式牛肉煮,比有跟我去日本的仔仔做心理補償。


2人份量:

火鍋薄切肥牛片120G
洋蔥半個
小甘筍1條
芋絲1包

汁料:
水400ml
味醂4湯匙
濃縮壽喜燒 2湯匙
生抽1.5湯匙

1) 紅甘筍切件,洋蔥切片

2) 水加入味醂及生抽,煮滾後轉慢火
    加入甘筍洋蔥煮15分鐘至軟化

3) 加入芋絲煮5分鐘

4) 然後加入肥牛片煮至九成熟便完成

**肥牛片過熟會韌,故煮至九成熟便要離火














2015 大阪遊

上星期琴日準時交哂 Owenmama第一本 Cookbook的四十多篇食譜, 過咗成個月放工/放假狂煮同開夜車寫食譜的日子。 今晚同老公飛大阪輕鬆幾日, 返嚟就要準備月尾的拍攝。 希望一切順利啦。
P.S.: 多謝老公每日幫我去街市買餸同準備材料, 等我可以輕鬆D。辛苦哂。

本來係去曼谷的, 但因爆炸事故, 所以急轉灣改去大阪, 今次亦係第一次夏天去大阪,去咗3日在京都遊走,去咗冬天唔開嘅景點(貴船川床+搓峨火車) 初秋天氣好舒服, 去郊遊行成日都無出汗, 唔錯呀。

日日觀光後食飽飽商店九成已關門,最後一日留在心齋橋血併, YEN下跌,用盡去機場前的4個小時, 瘋狂購物, 收穫唔錯呀。

今次在京都搓峨山碰到同事, 在Rinku Outlet 碰到眼利認出Owenmama的"5號屋的部落" , 真的巧呀 (Nice to meet you ah!)

同大家分享下D靚景同美食相先:

搓峨小火車

搓峨保津川激流

搓峨竹林

 渡月橋
 奈良公園

 奈良興福寺


 貴船神社


貴船川床懷石料理(只在5至9月營業)  


貴船川床懷石料理13道菜式 


一蘭


福丸咖啡店

燒肉力丸, $275一位放題, OK。 

黑門早餐, 質素OK但價位不低, 共$320

必食樂道蟹宴, 4天吃了兩餐 (午/晚各一餐)午餐比晚餐平很多呀。
 必食樂道蟹宴, 4天吃了兩餐 (午/晚各一餐)午餐比晚餐平很多呀。 


 熱賣PABLO流心芝士撻, $43/SET, 迷你撻加雪糕, 超好味, 必食。 

神社鐵板, 串上的鐵板燒,味道不錯, 呢殘留係宵夜, 如果當正餐要食很多先飽。

機場自選小碟晚餐, 6碟加一飯$110, 又平又好味呀, 去大阪機場上機前要試下喇。 

用4小時急行血拼的戰利品^^

2015年9月11日 星期五

涼拌醬汁茄子


 喱個係我喺阿詩瑪最喜歡點嘅冷盆,佢系用炸嘅方法去處理茄子,但系我覺得唔系好健康,返到屋企就用蒸嘅方法加埋自己是調嘅醬汁裡做一個健康煮版本,屋企人都好欣賞啊,唔使$6一條茄子就有十幾件,又健康又化算啊!


材料:

茄子2條(較直身,粗幼相約的,切去頭部備用)

醬汁:  
蠔油3湯匙
生抽1湯匙
沙糖1.5湯匙
麻油少許
芫茜碎少許(上桌時才洒上)

**(不同品牌嘅調味料鹹味不一,請按自己口味自行微調)


步驟:

1) 燒滾一鍋熱水,把原條茄子放進茄子中火煮5-6分鐘,(其間用鍋鏟按著茄子,不要讓茄子浮上水面,否則茄子會變色)

2)把茄子撈起,立即投進冷水中浸10分鍾降溫,撈起輕力略為渣乾水分(不要太大力否則茄子皮會爛)再切成小段,

3)放在雪櫃將雪一小時,上桌時淋上醬汁,再灑上少許芫茜便完成。
芫茜碎有畫龍點睛嘅作用,一定要噶。











2015年9月10日 星期四

香煎牛油帶子 - 谷日 GROUP81 - 北海道天然【活】帶子 (#1)





多謝谷日 GROUP81邀請我試食佢地其中兩件產品, 分別係北海道増毛郡天然【活】帶子 + 夕張蜜瓜啫喱

當日PR小姐體貼的安排東瀛宅急便將空運到港嘅帶子送都我家, 隻隻都差不多有手板般大, 仲好新鮮。  我用佢哋做咗3款料理,因為帶子質素超好, 所以只要用簡單做法就造成到美味料理喇。  食譜會逐一上載。  


今次先介紹好簡單嘅牛油煎帶子: 

材料: 

北海道増毛郡天然【活】帶子 3隻
牛油1.5湯匙
美極鮮醬油數滴
1)去殼,用刀起出帶子肉 (下面附開殼圖解
2)沖洗乾淨及抹乾
3)慢火燒溶牛油, 下帶子煎至兩面金黃便可上碟 (這子可當刺身食用, 所以不用煎熟)
4)最後在上面灑上數滴美極鮮醬油便完成。 

如當刺身食用,只需去殼,用刀起出帶子肉, 用熟冰水徹底清洗乾淨, 抹乾便可。

**煮/後感: 
-帶子很鮮甜, 肉質呈絲狀,口感帶爽, 就好似瑤柱咁, 比一般帶子口感更質感
-因只用牛油, 煎的時後全請用慢火,上碟後完全沒有出水情況。 










活帶子開殼圖解: 

先用清水(食用水)洗淨,再用小刀沿帶子開口殼邊界,界開後去除內臟,保留裙邊+帶子肉即可






至於夕張蜜瓜啫喱, 口感同一般啫喱好唔同, 好綿蜜, 就似食緊果蓉一樣, 好特別㗎。








GROUP 81 谷日  資料: 
網址﹕https://www.Group81.com
FB: facebook.com/group81  

全新日本網上百貨「谷日」正式開幕, 日本和菓子、護膚及生活用品「與日同價與日本當地零售價同步,且免國際運費,亦網羅多款北海道當造的優質蔬果和海產食品全部日本生產,日本直送, 然後由谷日安排一般宅急便公司送貨給客戶。
 1)      本周「限時限量」發售「$499 珍寶菓子背包」:
為慶祝新張開幕谷日於本周「 限時限量」發售風靡日本女生的DIY生日禮物 -- 「珍寶菓子背包」,  背包由 7 種「北海道限定發售」的菓子產品砌成,  售價$499, 只限5,  先買先得每人限買 1 個。開賣日期 :    本周六 (9月12日)5:20PM 至下周一(9月14日) 零時零分。
2)      谷日亦會在於910 (本星期四)-17(下周四於粉絲專頁舉行「贈送 $0 北海道菓子背包遊戲」回答問題就有機會取得全港獨家發售的「北海道珍寶菓子背包」。

附加資料: 
-北海道天然【活】帶子 (HK $445, 價錢隨日元匯價會有輕微浮動
·  北海道.増毛郡.天然【活】帶子
·  新鮮野生活帶子,非人工養殖,更鮮甜惹味
·  可生食、作刺身、牛油生煎、炭燒、天婦羅等料理
·  不經急凍,無雪味。鮮嫩程度非一般急凍帶子可妣美!
·  原隻連殼、日本北海道直送。
基本上不設存貨, 是接到訂單才向日本那邊訂貨, 故新鮮可口。
·  產地:日本.北海道.増毛郡
重量:每隻約 200g
                             

-夕張蜜瓜啫喱 (與日本當地零售價同步: $35.1 )
採用夕張蜜瓜完熟果肉製成, 口感綿密香醇。

2015年9月8日 星期二

四季手撕雞



上星期日朋友到訪飯聚, 買咗隻雞, 用我最愛嘅四季鹽焗雞粉醃完再蒸, 蒸好就斬, 點知雞太肥, 斬咗幾刀, D雞油飛到周圍都係; 嬲嬲哋唔再斬, 索性帶隻手套, 用手將佢解體。

去咗雞皮, 再將蒸雞後的雞汁淋上去, 灑上芝麻, 就成咗呢個好睇又好食嘅手撕雞, 做法超簡單, 你地都可以試下。



材料:
冰鮮雞一隻(我買最大的穀飼雞)
四季鹽焗雞粉一包

步驟:

1) 雞洗淨, 抹乾, 用鹽焗雞粉塗勻內外, 最少醃5小時
2) 隔水蒸30分鐘, 取出
3) 雞汁盛起, 撇油備用
4) 待雞稍涼後去皮, 將肉手撕成小塊
5) 翻熱雞汁淋在雞肉上, 灑上芝麻,蔥粒便完成。


**烹調時間按雞隻大少自行調節。



2015年9月4日 星期五

香辣番茄醬烤豬背骨 【地捫輕鬆新煮意】





超滿意呢個烤骨, 微辣加酸酸甜甜嘅醬汁黏在骨上, 好食到連手指都吮埋呀。
今次主要用咗地捫香辣蕃茄汁, 做咗BBQ汁, 簡單得嚟佢帶微辣同有辣椒香味, 比用普通茄汁更惹味更精彩。



食譜:

1) 隔夜解凍,徹底洗淨,抹乾,再肉上用叉刺上很多小孔, 及在底部的骨與骨之間的膜切坑紋(可令醃料滲進),如有血水要擠出。










2) 用大焗盤中放豬背骨, 淋上醃汁,用手抹勻,












3)將骨反轉,再淋上醃汁, 確保骨膜間的充滿汁料,再用保鮮紙封好,最少醃4小時










4) 4小時取出, 倒去醃汁(留2湯匙醃汁加糖及香辣番茄醬調成醬汁)










5) 將骨轉往舖好錫紙的焗盤上, 肉面向上, 掃一層香辣番茄醬汁, 錫紙密封,放入雪櫃醃1夜 (餘下醬汁冷藏待用)










6) 焗前兩小時取出回溫, 錫紙密封放入預熱150度焗爐低溫焗45分鐘










7) 再焗20分鐘,至骨微焦便可出爐。 (焗的途中在骨上掃1次剩下的香辣番茄醬汁 )










8) 出爐前1分鐘再塗一層醬汁, 會更JUICY。 (越多醬越美味)










**出爐後立待豬背骨靜止休息8分鐘,不要即刻分切, 等肉自己吸回肉汁先切開。

** 骨的厚薄會影響烹調時間,和個別爐溫有差別, 初次要自行觀察調節。 

**如焗爐不夠大, 可將骨分成2或3件烤焗