2015年2月22日星期日

糯米釀雞翼2015


農圃名菜, 一隻要 $50多元, 自己做雖然手功較多, 但成本低,    無賣相同味都一流, 家人一定超愛, 所以耐唔耐做一似OK㗎。

今次改良不用上皮, 只用老抽上色, 既簡單, 又可減小風乾時間。


食譜:

糯米飯半份

按此往臘味糯米飯食譜




雞全翼6隻 (我用冰鮮的, 只係$6一隻)



1) 切去雞鎚,用較剪小心去除中翼中的骨












2)   雞翼抹乾,用小許鹽醃內外最少1小時













3) 釀入已凍的糯米飯,用牙簽封口













4)用手將小許老抽塗抹在雞翼上(不用太深色)











5) 吊起風乾至表面乾燥(因琴日潮濕,用左7小時才至理想乾度)












6) 小火燒熱油,下雞翼炸至表面微黃,撈起,大火燒滾油,下雞翼返炸至香脆微啡色撈起

7) 用廚紙抹索去多餘油份便可上碟

2015年2月21日星期六

臘味糯米飯



今晚整o既生炒糯米飯,凍冰冰食,好暖胃呀! 自己郁手整,足料又無酒樓咁肥膩添呀。今日只係炒左大蓋3碗飯,所以隻手都唔算好攰,但係如果多請客o既話,我諗都要搵老公幫手至得喇。

做法係跟高師傅Youtube video學o既,係先蒸熟後炒,都唔算難,整出黎真係似模似樣架。



糯米1.5杯 (用水浸8半小時備用)
冬菇5隻 (先浸軟,蒸10分鐘切粒備用)
蝦米2湯匙(用水浸15分鐘,瀝乾備用)
臘腸1.5條(先蒸熟,切粒備用)

生抽1.5湯匙
砂糖3/4湯匙
鹽1/4茶匙

芫茜,蔥隨意

糯米置蒸籠隔水蒸25分鐘至熟 (中途用唧壺在米上唧兩次水)

飯熟前五分鐘,用易潔鑊燒熱少許油,下臘腸粒,蝦米粒,及冬菇粒炒香

將糯米飯親熱下鍋與配料炒勻,同事下味料,最後隨個人喜好下芫茜蔥,兜勻便可上碟

**糯米飯要親熱炒,否則會結成一團,很難炒勻。

**經驗分享 - 雖然d飯蒸熟左,但係炒o既時後都要試下d軟熟度,如果唔夠軟就要不時o係鑊邊灑水再兜炒至軟熟先下調味料 ,水要逐少落,唔係太重手就會炒到"一Pat Pat"架喇。


2015年2月17日星期二

粟米脆魚柳飯






呢味餸係Owen至愛, 十幾年都無變過,每次出街食飯,屋企人必會點呢個比佢食, 有呢個汁,   Owen  可以連食兩碗白飯。琴晚用前一晚溶定雪的龍利柳做咗兩個碟頭飯, 仔仔忽然話出街, 2人食哂3人份量, 好彩仔仔出去前幫口食咗幾件, 唔喺實食唔哂呀。 


材料:(4人份量)

急凍龍利两條
鹽小許
蛋1/2隻(打散)
生粉適量

汁料:

粟米湯一盒
蛋白一隻半(剛才醃魚剩下的1/2蛋, 不要浪費)
生粉水適量

魚塊做法:

-徹底解凍,吸乾所有水份,用小許鹽灑在兩面醃30分鐘
-將魚肉切成小塊
-將半份蛋液加入魚塊撈勻,令魚塊薄薄沾上蛋漿
-魚塊逐一沾上薄生粉,半煎炸至熟
-先以小火煎熟,再轉大火逼出多餘油份,令魚更香脆

汁料:

-粟米湯煮滾, 下小許生粉水埋薄芡,熄火,立即加入蛋白,輕輕以筷子攪拌成蛋花便可上桌。

2015年2月16日星期一

蜜汁豬頸肉


呢個係老公Owen最愛的菜式,上星期整左比老公d同事食,佢地都大愛呀。 
呢個菜好味程度同叉燒有得比,但佢只需用一般醬料,簡單點,仲有用急凍豬頸欲整都無衰(要選鮮色的),d肉好爽,仲帶油香,不過因為肉質問題,最少要醃過夜。

食譜:
急凍豬頸肉3 (大的)
-徹底解凍,在厚的地放逆紋輕輕界數刀,抹乾備用

醃料:
老抽1湯匙
生抽2.5湯匙
糖1湯匙
梅瑰露1湯匙


掃料:
麥芽糖3湯匙 +醃料1湯匙 (坐熱水混合成糖漿備用)

1)    豬頸肉用醃料醃過夜蓋好冷藏備用
2)    焗爐預熱至220
3)    焗盤舖上錫紙,放上焗架,豬頸肉放架上, 
     焗10分鐘至半熟, 開爐掃一層掃料,
4)    之後每5分鐘掃糖漿一次,燒至邊微焦便可
5)    臨出爐前兩分鐘再掃一次較厚的焗多一分鐘, 豬頸肉就會又甜又” 

**因豬頸肉不太厚,所以大約焗20-25分邊位微焦。 但視乎個別爐溫而定,要自己觀察呀。

快樂情人節2015 - 甜品: Baked Alaska (火焰雪糕食譜)


Baked Alaska


 

橫切面,蛋白霜軟滑,蛋糕鬆軟,雪糕仲好結實,幾層唔同口感,係咪好吸引呢!



琴晚Owen + Owenbaba 兩個咁有心父子合作情人節晚餐比我嘆, 我都整返個甜品比佢地作為獎勵。 今次係新嘗試, 做咗呢個火焰雪糕 (Baked Alaska),  一般在高級餐廳先食到,  原來自己造不困難,喱個飯後甜品,人人都會滿意.


6人份量食譜  : 


材料:
現成蛋糕2片
雪糕3杯(任何的自選口味)
蛋白3隻
糖60g
冧酒3湯匙

用具:
4吋的碗或慕斯圈一個
保鮮紙2張




雪糕15-20分鐘至軟身,用起舖上保鮮紙備用

把雪糕鋪在鋪上保鮮碗或圈內(我用朱古力味包住椰子味),再用另一張保鮮紙蓋好放入冰格雪兩小時

蛋白分三次加入糖打至變成蛋白霜,2/3入唧袋備用

取出雪糕,底面各放一片蛋糕

塗上一層薄的蛋白霜,再用唧袋接上另一層的蛋白霜,最後用抹刀黏起尖端成花紋

小心用火槍,將蛋白霜表面燒至微焦

 
用一小金屬容器,盛三湯匙冧酒,用最小火加熱5秒,再小心用火槍燃點冧洒

 
火焰雪糕上桌,將燃點的冧淋在上面,火焰雪糕就完成啦

待酒熄火後便可進食,酒精燃燒後揮發了,剩低冧酒香味


**燃燒酒精時要小心,小朋友要迴避。

2015年2月15日星期日

快樂情人節2015 - 父子合作晚餐

琴晚情人節因  身體抱恙無出街食, 仔仔同老公話唔想我粗勞, 請纓做晚餐, 話我淨係幫手食就得。 仔仔星期五買定隻雞, 睇住我的食譜醃雞, 第二朝一早煮雞同負責蝦仁炒蛋,老公睇youtube學斬雞仲負責埋湯同菜, 見佢地雞手鴨腳, 我當然忍吾住係側邊指指點點同爭住幫手擺盤啦,過程好攪笑。


原來喜歡煮野食嘅, 齋睇無得落手都好難受㗎。  但真係好多謝仔仔同老公比我個特别的情人節晚餐 ,呢餐全部都滿分呀! 




2015年2月2日星期一

干邑燒龍蝦配白汁磨菇意粉



 

今次介紹呢個做法, 做出嚟的龍蝦外面有燒烤的香,D肉仲脆口的, 很妙。 但煮時會起小火, 要小心點啊。

材料 (2人份量):

急凍龍蝦尾2
牛油 1湯匙
欖油1湯匙
白蘭地1湯匙
****

意粉 1 /4
蘑菇忌廉湯 1/2 
鮮奶 120ml
磨菇粒適量



1) 急凍龍蝦尾徹底解凍, 去殼, 抹乾水分, 用1/2茶匙幼鹽抹 勻醃20分鐘備用.

(在背上切一淺紋, 會快熟點)






2)  1湯匙牛油 1湯匙欖油燒熱, 下龍蝦慢火煎至8








3) 轉開中火,下1湯匙白蘭地,將鑊微微傾側, 讓火燃燒酒精, 



 (著火後鑊便要離火) 火熄滅/龍蝦上碟備用便可上碟備用。


**蝦這時已熟透, 表面就有燒烤的焦香效果。




4) 意粉煮至8成熟備用用易潔鑊慢火將蘑菇忌廉湯及磨菇粒+鮮奶煮開撈起意粉直接投入鑊中,關火讓意粉沾滿湯汁便可上碟.