2015年1月28日 星期三

紐約芝士蛋糕 New York Cheese Cake (食譜)




 老公的迷你版



今日係部門同事的生日,為佢做左呢個人見人愛嘅New York Cheesecake, 豐富順滑芝士同特厚餅底深得同事們愛戴 。
當然不忘整個迷你版比老公宵夜,佢今晚專登留肚話要KO佢喎。
  

材料 : 7吋1個 (我將8吋份量材料放進7吋模)


餅底:
消化餅   8pcs                
牛油      70g

餡料: 

忌廉芝士   500g                 
    150g           
酸忌廉     120g     

全蛋  1         
蛋黃 1 隻



1)  在模邊掃牛油和灑上麵粉.   用錫紙包好底部,以免入水, 置焗盤上備用

2)  消化餅壓碎,拌入已溶牛油,舖在模底, 用鐵匙壓平,   放進雪櫃半小時


3)   焗顱預熱至150

4)   忌廉芝士於室溫放軟,加糖打至滑身,再加酸忌廉拌勻

5)  加入雞蛋拌勻 (不要拌太久,打至滑身便可 ), 倒入模中, 輕敲焗盤數下, 讓氣泡浮面, 再用牙簽刺穿。
 
6)  焗盤注入3/4,150度焗約50分鐘


**各個爐溫不同, 要不時視察以免焗焦。









2015年1月27日 星期二

南瓜天婦羅









聽日仔仔開始考mock,今晚整左佢最愛的鰻魚飯同天婦羅南瓜同佢打氣, 等佢食飽飽開心温書,加油呀仔仔!  

呢味又平又靚又好食,仲級超易整 (下文附做法)。

  
南瓜天婦羅: 

-南瓜切片,薄薄灑上些麵粉備用
-天婦羅炸粉(日式超市有售),按包裝說明加入冷水 (我用100g粉+160g冷水)開好
-南瓜沾上炸漿,熱油慢火炸熟便可




**不同牌子炸紛用法不一, 請參考個別包裝。
 








2015年1月25日 星期日

鮮魷魚蒸肉餅



(10人 份量),  人小把份量減半

豬絞肉(帶小許肥)1000G
鮮魷2隻切粒
馬蹄8粒切粒

生抽3湯匙
砂糖 1.5湯匙
鹽 1/2 茶匙
水 2 湯匙
生粉2茶匙
油1湯匙

1)  絞肉加入生抽,鹽及糖攪勻調味醃15分鐘

2) 魷魚洗淨,撕去一半的紫色衣,切粒備用 ((我覺得有點衣會香D同靚D)

3) 馬蹄切粒備用

4) 把2湯匙水加入絞肉,用筷子順同一方向攪勻,另找肉變得輕身,再加入生粉攪勻

5) 把魷魚及馬蹄粒放入絞肉混合,最後加入油攪勻
6)  把肉平舖在 (不要太薄)碟上,大火蒸15分鐘,  
     **把鑊蓋傾側小許, 令小部份蒸汽漏出, 可助減少倒汗水
7)  離火, 試肉汁味道, 如不夠濃可下點生抽/糖調味。










2015年1月23日 星期五

黃咖哩牛腩







用在曼谷買的籃象黃咖哩醬做的。  調味簡單的下些糖同椰奶,已經好夠味。

急凍牛條1包
薑片數片
冰糖1 (1/2個兵乓球大小)
花雕1湯匙
大洋蔥1個切片
薯仔2個
籃象 (Blue Elephant)黃咖哩醬1包

Kara 椰漿約 100ml(隨意)
魚露, , (隨意)





 做法:

1) 牛腩出水 (15分鐘) 撈起備用, 燒滾水 (份量要蓋過牛條),加薑片數片  / 冰糖 / 花雕, 牛腩約一個半小時 +  焗30分鐘 / 或到牛腩淋軟,撈起牛腩, 湯留用(用隔油網網去湯上面的油份)




 
2) 薯仔蒸20分鐘至8成熟, 襯熱撕去皮, 切成件備用


3)易潔鑊燒熱2湯匙油,細火爆香洋蔥爆炒一會,中間撥開一空間,下小許油爆香咖喱醬,





 

4) 下適量之前炆牛腩的湯煮滾,再加入牛腩+薯仔, 同炆20分鐘, 加椰醬煮滾及最後試味,如需要可用魚露,糖調味便完成。

 





**不同牌子咖哩醬辣度/味道都有差異, 建議先用3/4包, 試味後再加. 
**我用Kara 椰漿, 較杰身同濃味. 

**椰漿可增加香味同減輕辣度, 但不需下太多, 否則顏色變淡, 就會減少泰式風味。
**我用LC煲牛腩, 用水的份量較少, 用不同煲具, 水及調味份量請自行調整.

2015年1月22日 星期四

低溫慢煮三文魚配薯菜






買咗蒸爐好幾個月, 想試做低溫慢煮好耐, 但礙於仔仔同老公對熟三文無乜好感, 襯今日得我一個食晚飯,就試整kill time.    原來咁簡單嘅低溫慢煮方法可以做出咁甘香咁軟滑嘅三文魚,D魚油一啲都無流失,超級好味,一試就愛上咗。

做法:
230g三文魚扒用適量鹽,黑椒,3湯匙橄攬油醃半小時,用錫紙包好,放入蒸爐用六十五度蒸四十分鐘就完成。 配合任何自己喜歡嘅蔬菜,就系健康又好味嘅一餐啊!








2015年1月21日 星期三

金銀菜豬肺湯



幾個家人剛都咳好, 襯星期日一家人嚟我度食飯, 就訂定個豬肺煲個潤肺靚湯一家人分享。  處理豬肺功夫係多小小, 但家人好喜歡,一大煲湯 連湯渣都清哂, 值得呀。



 材料:

金銀菜豬肺湯
豬肺1個 (請肉檔老闆代清洗乾淨)
唐排一斤半(切件)
菜乾2札
大白菜1斤
紅蘿蔔1個
蜜棗8粒
南北杏十多粒


準備:

菜乾浸軟, 沖淨葉上的沙, 扭乾備用
白菜洗淨, 切開備用
紅蘿蔔切件


豬肺處理:




 豬肺放在白鑊中豬10鐘, 撈起沖水,瀝乾

 其間肺中的水分會不斷流出














 再重覆一次, 確保豬肺內的污損水徹底流出

 將豬肺與豬骨一同出水10分鐘, 撈起沖淨,

與其他材料一同放在大煲內, 加水煲2小時便完成。

2015年1月18日 星期日

清燉冰糖雪梨茶

天氣又凍又乾,老公同Owen都又幾聲乾咳,見雪梨當造,琴晚就整左呢個清甜潤肺甜品比佢地。自己整幾蚊一盅,又平又滋潤呀。
一人份量:
雪梨一個
雪耳少許(可免)
南北杏少許(約十粒便可)
水一碗半
冰糖適量
1.雪耳用冷水浸發,揸乾,切成小塊備用
2.雪梨去皮,去心,切成小塊,與雪耳,南北杏同放入燉盅內,注入適量水分及加冰糖
3.燉一小時便完成

2015年1月16日 星期五

西蘭花鮮魷




簡單的步驟, 但做到酒樓菜式風味。



材料:

細西蘭花2個
細鮮魷2隻
蒜頭切片3粒
雞湯200ml
生粉水適量

1) 西蘭花焯至剛熟, 舖在碟上備用

2) 魷魚洗淨, 去衣, 切片及界花,抹乾備用

3) 易潔鑊下加2 茶匙油燒熱,  下蒜片爆香, 下鮮魷爆炒至9成熟,  加入雞湯煮滾, 下生粉水埋薄芡

4) 將魷魚和芡汁淋在西蘭花上便可上碟


2015年1月15日 星期四

瑞士雞翼






上個星期同老公去翠華食晏, 佢點個咗瑞士雞翼, 5隻要$55, 圍起要$11一隻, 真係超

貴, 見佢咁 鐘意, 屋企冰廂有包舊滷水 (下面有儲存方法), 就整比佢試吓, 自煮價$28有

14隻, 食到佢同仔仔夠晒喉。 其實真係好簡單就可以整用自家舊滷水浸熟,秘訣係全程開

蓋,以中火煲滾後轉細火浸約20-25分鐘,就做到皮滑肉嫩嘅瑞士雞翼,簡單到無朋友呀。  



1)雞翼14解凍/洗淨, 擠去長骨邊血管內的血,抹乾,用1/2茶匙幼鹽擦勻醃30分鐘  

  (令雞肉有底味)

2)沖洗雞翼表面的鹽份, 抹乾備用

3)滷水煮滾, 投進雞翼 (滷水要蓋過全部雞翼)

4)全程開蓋, 中慢火煮20至今晚分鐘便完成




 

 














Owenmama 滷水汁:

老抽 100ml  /  生抽50ml / 800ml / 紹酒2湯匙 / 八角2(可刪減) / 冰糖2-3 (大半

個兵乓波的大小)慢火煮至冰糖溶化,甜度按自己喜好+/-糖調較。  

個舊滷水我用過黎滷過雞翼同牛展,所以係,本身好有味, 今次用再按比加水同調味就可再用, 仲越用越好味。  



儲存方法: 炆完野將用剩o既滷水汁徹底攤凍,放入雪櫃,睇二日會變成Jelly狀,之後轉用

保鮮袋包好放入冰櫃,不停返用的話可以雪好耐㗎。 



** 但係如果超過兩個月再返用, 就唔好再留喇。