2014年11月28日 星期五

松露炒滑蛋


松露茵炒蛋 - 多謝好同事送我原粒鮮松露菌,造就呢個高貴下午茶 。
 
 


做法: 
蛋漿加鹽, 小許黑松露醬少許淡忌廉., 會更香滑㗎. 用煎香的麥包墊底, 既可裝飾又好食.

 Tips: 熱油慢火, 蛋炒至8,9成熟便要離火, 否則會老.







魚露烤豬背骨





上次去完布吉返嚟,每日食VILLA廚師煮嘅美味泰菜,向佢討教咗機招,攪到中咗毒,呢幾晚不停煮泰菜同甜品,實習加自娛,超開心滿足。 

呢個骨係我哋喺VILLA BBQ的其中一個菜式,廚師醃好味,朋們爭住食。

廚師口述用乜調味料,但份量就自己調較, 不太難。雖然用焗爐無BBQ咁向,但係效過都好好,鹹鹹香香的,可能入味,仔仔一個人食咗半條。  以後BBQ都會醃兩條去燒。


急凍豬背骨1條(約1呎長)


魚露2湯匙
生抽1湯匙
糖1.5湯匙
芫茜6棵,只要莖部
蒜頭8粒,切粗粒

1)豬背骨(選較多脂肪的)徹底解凍,抹乾, 用叉再上面刺上小孔備用
2)蒜粒, 芫茜莖用樁樁躝, 加入其他調味料撈勻 (襯此時試味,加燙/魚露調至合適自己的味道)
3) 將醃料(汁液)均勻地灑再骨上,用手塗勻(底面都沾滿),最後將蒜及芫茜放在厚肉的一面醃2小時。
4) 將骨上的蒜和芫茜去掉,在骨上掃一層油,把骨放入預熱至220度焗爐焗30-40分鐘,至表面微焦便可出爐。
5) 出爐後讓骨在室溫靜止10分鐘,讓骨吸回肉汁便可食用。




2014年11月27日 星期四

愛心午餐 - 蒸煮小飯煲系列 - 梅菜鯇魚蒸飯


自從買咗蒸爐同迷你飯煲, 我哋兩夫妻就愛上帶飯。

通常平日只會煮一餐晚餐, 當晚每碟煮多兩人份量, 其餘的日子,都會專登買D簡單的肉同菜做午餐。 通常係蒸的菜式偏多,因為蒸爐可以一次過蒸哂米飯, 菜同肉, 好方便。

呢D就係我哋兩夫妻旅行後個多星期嘅午餐盒。  其中一日整咗老功至愛的梅菜鯇魚飯, 老公話帶飯都可以食到佢至愛的梅菜鯇魚飯覺得好幸福喎,呢次係佢第一次咁講咋,不枉我夜晚為佢特製飯盒啦!



2014年11月25日 星期二

蒜蓉牛油焗雞翼



呢個係上次蟹宴其中一個菜式,簡單好味, 大人小朋友都鍾意, 嚟緊開 Party 就啱哂喇。


材料:

 雞翼12隻(要大的, 約1磅多)

幼鹽 3/4茶匙
蒜頭4-5粒(切幼粒備用)
無鹽牛油溶液1大湯匙
黑椒粒小許 (如供小朋友可免)



1) 雞翼解凍,抹乾,  加鹽,蒜粒用手撈勻醃2小時
2) 將牛油加入雞翼撈勻   排在焗盤中, 灑上黑椒 (如供小朋友可免)
3) 焗爐預熱至220度
4) 放入雞翼, 焗約18-20分鐘至金黃便可。






2014年11月24日 星期一

難得的自製西早

幾年都無試過自己整早餐,今日十年唔一潤難得同老公一齊出門上班,專登提早幾個字起身做個簡單西早大家嘆吓,食飽飽拍拖返工! 

十多蚊材料就整到兩個西早,好低呀, 以後要整密D先。



2014年11月21日 星期五

金菇肥牛卷



上星期打邊爐食剩左半磅肥牛,見街市甘菇只賣10蚊3包, 就整個簡單的甘菇肥牛卷做晚餐.
我用煎牛肉卷剩下的部份油, 加現成日式燒汁, 炒香左o既乾蔥碎同小小糖調成, 老公同仔仔話淨係個汁都可以送兩碗飯.

食譜:

超薄肥牛片12片
甘菇 約1包半(我卷較多 )
幼鹽小許

汁料:

乾洋蔥2粒 (切成幼粒)
日式燒汁
砂糖隨意


1)甘菇切去菇腳備用
2)肥牛略為解凍至沒冰感, 在上面灑小許鹽, 在反轉包上甘菇 (有鹽的一面向外)
3)易潔鑊掃一層薄油燒熱 (不用大多, 因牛會出油),慢火將牛肉卷煎熟, 不要心急, 否則外焦而金菇不熟 (下鑊時接口向下, 煎至定型才轉另一面)
4) 牛肉卷起鑊後倒去部份油,留小許做汁用:  細火爆乾蔥 粒至半透明 (小心不要爆焦), 下適量日式燒汁(現成的, 日式百貨有售)煮至乾蔥粒熟透,下小許糖調味,把汁淋在牛肉卷上便完成。







2014年11月17日 星期一

芒果糯米飯


前幾日在布吉買左幾個大芒果返黎,今日食剩一個,整左仔仔最愛的芒果糯米飯做今日甜品,佢晚飯專登留肚,好比面呀:)



材料: 3-4人份量
糯米 1 1/4 米杯
椰漿 A - 椰漿50g / 水90g/  2 湯匙加熱至糖溶化備用
椰漿 B - 做法(1) - 椰漿100 /  1.5 湯匙(15ml量匙)拌勻備用

**糖份量可按個人喜好調節 
**椰漿我用佳樂牌 (Kara),印尼店有售,呢隻較杰新,唔使煮都得,好方便。
**椰漿B做法 (2)如用較稀的椰汁可先煮熱椰汁+糖加l熱,再用小許生粉水埋薄芡

做法:
1)   糯米用水浸8小時,到去水份,用布盛起再放在蒸籠隔水蒸約30分鐘至熟
2)   將糯米飯放在有蓋煲內,襯熱放入暖的椰漿A拌勻,蓋上蓋等15分鐘完全吸收,用保鮮紙蓋好室溫攤涼,便隨時可供食用。
3)   將飯用小碗盛起,倒扣再碟上,配上適量芒果,再淋上適量椰漿B便成。

2014年11月14日 星期五

龍蝦白汁意粉




星期一得我同老公2人撐檯腳,   早一晚就喺冰箱拎定兩隻龍蝦尾去普通格溶雪, 加D意粉,簡單又豐富呀. 

因為係工作日, 老公放早負責買配菜, 在黎車我放工, 咁就好快有得食.  龍蝦係做法係偷師容祖兒在女皇的盛宴做的RISOTTO, 但我今次係配白汁磨菇意粉。


2人分量:

急凍龍蝦尾2隻

意粉 1 /4 包
蘑菇忌廉湯 1/2  罐
鮮奶 120ml

 

1)  徹底解凍, 去殼, 抹乾水分, 用1/2茶匙幼鹽抹 勻醃20分鐘備用. 

2)  下1湯匙牛油 1湯匙欖油燒熱, 下龍蝦慢火煎熟, 最後開中火,下1湯匙白蘭地, 燒至酒精揮發便可上碟備用。











3) 意粉煮至9成熟備用, 用易潔鑊慢火將蘑菇忌廉湯及鮮奶煮開,  撈起意粉直接投入鑊中,關火, 讓意粉沾滿湯汁便可上碟.







2014年11月13日 星期四

Villa Zereno (布吉) - in-villa dinning 美食篇

 上一篇介紹咗VILLA設施, 而家同大家講下美食。

因為註VILLA大廚煮泰菜同海鮮太好味,我地可以每朝點定晚餐菜式,然後佢去買料煮(買料錢加10%服務費),或你買料比佢煮(自購不用服務費).

我哋每日在VILLA食晚餐, 你唔會相信餐餐食咁靚咁好味嘅泰菜同海鮮 (下面有相為証),每晚一檯滿的食物,仲要餐餐有海鮮, 每餐每人都係約110港幣,你哋話超唔超值?




早餐,仲有麵包, 果汁, 自選蛋的煮法,連煎,煮,炒, 水波蛋,你講得出都有 (菜叫佢加的)


3餐的食物(有D無影相),賣相係咪好得呢? 味道都一樣得,不過ORDER泰小辣都偏辣。





Villa Zereno (布吉) - 設施篇

琴晚剛落機從布吉島返港,今次一行12人一齊去,我哋租咗間超正6套房VILLA (VILLA ZERENO), 不得不同大家介紹下。

呢間VILLA設施齊備:6個靚靚套房/泳池/桑拿放/升降機/健身房/迷你影院,天台按摩池, 你哋睇下啲相都會話靚呀。

一個價錢包: 每日豐富早餐,管家(幫你安排大少事務),3個工人, 1個廚師(煮泰菜超好味),每日朝夕晚上下候命,仲包8小時司機連14座位豪華VAN(油費自付),經過呢4日3夜嘅王帝生活,大家都話被寵壞了。

每晚HKD9,828 (USD120)
如果集齊備pair人,每pair每晚為HK$ 1,638就得,真係好超值。















2014年11月7日 星期五

回禮 - 香蕉杯蛋糕





之前去相熟髮型屋剪髮同老闆娘傾下教仔經驗同生活瑣事變成左朋友.     之前同佢傾開話出面買風筒吾夠力上星期去剪髮佢好有心, 送左個強力專業風筒比我佢話係recycle吾肯收我錢.    我無以為報就整左一盆香蕉蛋糕比佢做下午茶回禮.   一出爐立即送去, 5分鐘腳程去到D蛋糕仲係熱辣辣個面仲脆架

  
92.5 :

材料:       100g 無鹽牛油
                80g 砂糖

                2隻雞蛋
                120g 低筋麵粉
               1/2茶匙梳打粉 Bicarbonate of Soda
                1/4茶匙發粉 Baking Powder
                2隻香蕉(用差壓成泥狀

烹調步驟:
(1)    牛油, 雞蛋置室溫約2小時至完全退冰, 用手指可輕易壓下即可
(2)    低筋麵粉和發粉過篩備用
(3)    預熱焗爐180oC
(4)    香蕉用叉壓爛
(5)    牛油加砂糖用電動攪拌器打勻至奶白色軟滑忌廉狀 (5分鐘)
(6)    逐一隻雞蛋加入 慢速攪拌,
(7)    加入已篩好的麵粉和發粉, 慢速攪拌至充分混合
(8)    加入香蕉泥拌勻
(9)     入杯 (7-8分滿便可) , 180oC焗約15-20分鐘至金黃色, 用牙籤插入蛋糕中央, 取出時牙籤乾淨, 不會黏上麵糊便可



2014年11月6日 星期四

Baked Portabella (芝士焗菇)






呢個係上星期牛扒餐的其中1一個side dish, 做法一D都吾難,老公第一次食, 話好好味, 件菇好厚肉, 佢話第日可用作素食餐的主菜添.  



材料:

Portabella 2 隻
室溫牛油小許 / 鹽小許

餡料 -見下圖


餡料: 
-燒熱油慢火炒香洋蔥2湯匙,番茄粒1湯匙(去籽, 只用茄肉),
下茄汁3湯匙, 適量糖調味, 再煮成醬備用( 如有需要加小許水調節濃度)



-菇拔去菇腳, 用掃掃輕掃淨表面, 千萬不要沖水.

-用小匙清除全部gills (黑色的線狀物),可以幫助減少左煮時出的水份

 

-在菇面掃上牛油,灑小許鹽



-在菇內釀上餡料,不要釀太多,否則會很濕



-放入預熱220度焗爐焗約10分鐘 

-最後灑上芝士碎,焗至芝士金黃便可