2014年9月30日 星期二

Super yummy 煎肉眼





Owen今晚有約,两夫妻自煮西餐撐枱腳,主菜係煎肉眼(上次梁九記買的,好得喎) 加埋3個side dish一盤上哂,食,老公洗少好多碟呀。

今次跟住YOUTUBE呢個VIDEO 煎扒, 非常OK, 老公大竪毋指, 大讚件扒外脆內軟又juicy, 你哋可以去睇下. 

 https://www.youtube.com/watch?v=kR6ZxmY9wVk

 經驗:
*唯一無跟足係我只將件扒放雪櫃4個鐘(video話兩日), 
*扒大約煎1分45秒就6成熟,  但你哋要自己按扒厚薄調節. 
*溫度計在鑊上不準(因受火力影響)


三個Side dish, 分別係:
焗薯,洋蔥茄汁焗菇,洋蔥煙肉焗蠔
(食譜將後補)




 

2014年9月25日 星期四

金蒜粉絲蒸帶子




琴日在家為大姑奶提早慶生宴其中一味菜,   今日先同大家分享呢個美味帶子食譜,呢個蒜蓉醬超惹味,  仲一D味精都無, 仔仔用個蒜蓉醬撈左兩碗飯呀.

今次買到特大新鮮帶子,我預每人兩隻,將佢哋搬埋同一個殼上,一盤過蒸哂,吾洗分兩次方便好多。

帶子裙邊較韌, 吾喺個個喜歡, 但為咗唔浪費剩下的粉絲同金蒜醬,我將佢另外用碟上蒸咗3分鐘,結果都清哂。


食譜:

鮮活帶子10隻

粉絲適量,事先用水浸軟

金蒜醬半份: 按此往 - 金蒜醬食譜


蔥花適量



做法:

帶子去內臟洗淨,舖上適量已浸軟粉絲,和灑上適量金蒜醬,大火蒸5分鐘,最後淋上用糖調味的生抽,灑上蔥花便可上桌。

**蒸煮是間請按帶子大小自行調較, 今次係特大,所以用咗5分鐘。



今次請客再出動蒸爐,一次過蒸肉,魚同帶子,只用明火煮其餘兩味,有呢個好幫手,請客好輕鬆呀。





2014年9月24日 星期三

雞脾糖心蛋菜飯 (食譜)



今朝一早醒左瞓吾返,就係去買定老火湯料,等老公晏D放工返黎接力開火,仲教埋佢幫我醃定鹹雞脾, 今晚一家三口就有鹹雞菜飯, 又有靚湯飲喇。


呢餐係我同老公合力炮製, 覺得零舍好味呀。 



菜飯

材料:

小棠菜半斤,切粒/  薑一茶匙 /  紹酒1/2 湯匙  /  珍珠米 (6碗飯的份量) 

1) 下小許油炒香薑米,下菜粒兜炒,贊小許酒,下鹽, 糖各小許調味,盛起隔汁備用



2) 米洗淨加水和雞湯(我煮三杯米,下了1杯水+1 4/5杯雞湯),亦可隨意調教雞湯同水的份量。也可只加清水 (雞湯份量越多則越濃味)

3) 當飯煮至熟前1-2分鐘,便可加入菜粒,快手拌勻,蓋起繼焗1鐘便完成。

**不要焗太久,否則菜黃了影響賣相,也會太淋


鹹雞脾

材料:

新鮮雞脾3隻
四季鹽焗雞粉半包
鹽1/4茶匙
花雕酒2湯匙 (後下)

1)雞脾洗淨,用刀將多餘的黃油去掉

(你睇3隻脾都有好多油架) 

2) 徹底抹乾,在骨邊"介"兩刀,灑上鹽吸雞粉醃最少3小時

3) 蒸前30分鐘下花雕2湯匙抹勻, 蒸15分鐘至熟透


糖心蛋


我用左呢個方法好多次,從未失敗過,大家都試下:

1) 用小煲將水煮至大滾,水要高過全部蛋半吋

2) 大火煮至水滾,將室溫蛋輕力投進  (蛋要從雪櫃取出最少3小時,否則會易爆),  轉火煮5分,最好用計時器, 期間不要蓋上煲蓋
(水滾後頭一分鐘,用筷子輕輕攪動雞蛋,可令蛋黃固定在蛋的中央)

3)撈起雞蛋,放在冷水中浸至冷卻便完成!

**時間按蛋大小調節一下
**不同爐具火力不一,最好先做一次,查看結果,作下次準則



2014年9月23日 星期二

菜肉生煎包


 


自從上兩個星期執書櫃搵到本彩蝶軒食譜,呢排就愛上做中式包點,繼蝦餃同燒賣後,是日下午茶係生煎包子, 蒸好即煎,個底卜卜脆, 老公同仔仔一人食咗3個都話唔夠喉。 


流程不太覆雜,加上有今次用咗蒸爐40度低溫發酵,40分鐘就發好麵團, 慳咗好多時間。


皮料 (約8個2吋半小包子):

麵粉250g
糖40g

發粉1/2茶匙 
乾酵母 1/2茶匙
水120g (大約)


餡料: 

椰菜 (小的1/3個)

免治豬肉 (100g)

-豬肉用鹽/糖/生抽/雞粉/麻油各小許調味.
-椰菜切絲, 用小許 油略為炒香, 起鑊攤涼, 切成幼粒與豬肉混合, 順同一方向攪十數下備用.


- 麵粉,糖, 發粉,乾酵毋拌勻, 邊攪邊加水, 至麵團成形, 改用手搓至滑身不黏手 (可能 
  天氣乾燥, 我搓的時候感覺麵團有D乾, 加左少少油落麵團)。
- 將麵團轉往掃了薄油的深碗中,用保鮮紙蓋好,發酵至倍大 (我用蒸爐40度發酵,30分鐘

  就OK)
- 將麵團搓成長條,分成8份,再桿成圓型薄皮
- 將適量餡料放在皮上, 慢慢捏合成包型
- 放入蒸籠猛火蒸8分鐘, 取出, 排在油鑊上將包底煎至脆, 襯熱食用. 






**最後剩下o既餡料我做左幾隻廣東雲吞, 無浪費呀. 






 










2014年9月22日 星期一

自製荀尖蝦餃






 
  上星期日一家齊集去哥哥屋企晚飯, OWEN同爸爸合力做燒賣, 今次第二次已經好熟手, 我就玩新玩意, 試做難度較高的㗎餃。

蝦餃係跟彩蝶軒食譜,工序不難, 但原來要包得靚好難,初試做得麻麻地,要練多D至得.

一家人初次晚餐中食點心,感覺好特別, 不過一家聽到OWEN有份整,都好捧場, 大讚好味。  美中不足係蟹子無貨,令燒賣的賣相差左少少。



食譜來源:  彩蝶軒食譜

蝦饀料:

蝦仁 120g
荀粒小許

調味:
14茶匙
12茶匙
雞粉12茶匙
麻油/ 胡椒粉各小許

- 蝦肉用鹽+生粉搓擦30秒,用水沖5分鐘至白色,切粒,徹底抹乾備用
- 蝦肉加入荀粒, 再加調味料順方向攪十數下,冷藏30分鐘

**原本食譜有馬蹄同金華火腿, 不過我無跟足.

皮料:
1 澄麵 35g
2 生粉120g
3 滾水約90g


- 澄麵與小時許生粉混合,邊攪邊加入滾水 (我用KA),蒸氣小點時,加入餘下的生粉, 改用手搓成不黏手粉團。(有需要加粉或水調節)
- 將粉團切成小粒, 備用時用保鮮紙蓋好避免乾燥。
- 將小粉團桿成圓形薄片(越薄越好), 包入餡料,摺成餃狀, 放入蒸籠, 猛火隔水蒸5分鐘,襯熱進食。





 






2014年9月19日 星期五

自家3色丼






太古城LB同事都好熟悉呢個飯 .   午餐都好喜歡去人氣日式餐廳店排隊幫襯,  但每次要排半個鐘以上, 仲吾係日日有得食添.  

原來自己整超簡單, 30幾蚊材料就整到3大碗, 吾駛排長龍, 又食得滿足!

3人份:

菜心 8兩,
-切粒, 浸洗瀝乾, 用小許油爆炒, 下糖, 鹽各1/4茶匙炒至剛熟,  起鑊瀝乾汁備用.

-蛋4隻, 炒成8成熟滑蛋備用

-急凍雞扒2大件, 解凍, 洗淨,徹底抹乾, 去皮切丁, 用1/3茶匙鹽, 3/4茶匙砂糖, 1.5茶匙生抽,小許紅椒粒(隨意),   麻油醃半小時, 再炒熟備用 (炒時加丁點抽可雞肉更上色).

-把以上材料舖 在珍珠飯上, 以甜豉油伴食, 風味百份百.





2014年9月18日 星期四

清燉金銀菜湯陳腎湯






呢幾日氣管炎, 乾咳到頭都痛, 琴晚老公專登去買湯料返屋企比我潤下. 今次首次用蒸爐燉湯,效果真係出奇的好, 大家睇下D湯幾清,D水份完全無蒸發, 原汁原味呀。



材料:

菜乾 5棵 -  浸 30分鐘, 徹底洗淨
大白菜 8兩  -  洗淨, 一開二
陳腎 2隻 - 熱水浸 1小時, 一開二,出水備用
瘦肉 $20, 洗淨, 出水備用
金華火腿 數片
無花果乾 4粒
蜜棗 3粒
鹽小許 (最後調味用)


將以上處理好的材料放入24cm的LC內, 加水至9分滿, 放入蒸爐100度蒸燉2個半鐘就OK,中途無需加水,真係超方呀.以後會燉多D靚湯滋潤下. 










2014年9月17日 星期三

古法蒸紅魚











今日去到街市已7點,魚檔就收,只有條剛劏好的红魚,就買左佢學老媽子用冬菜蒸,呢個古老配搭好惹味呀,仔仔食左大半條。

做法:

1) 魚冼淨抹乾置舖上薑片的碟上,魚身舖上幼葱絲, 再上冬菜汁

(  已浸5分鐘的冬菜1.5茶匙,搾乾,加一茶匙生抽,兩茶匙糖,两茶匙生粉)

2) 放入蒸爐100度蒸10-分鐘

3)取出灑上葱粒,碟上魚汁留用,加2茶匙生抽,再加適量砂糖調味便可上枱。

*喜歡的話淋滚油會更香,但我愛少油,所以免了。
*冬菜好鹹,不要下太多呀!

2014年9月12日 星期五

冬瓜環


呢個係Owenmama的自家創作食譜,   靈感來自冬瓜盅, 做左兩次招待兩幫賓客, 大家都大讚呢個餸賣相精美又好食, 亦係我近期最滿意o既作品.


材料:

冬瓜環一片, 約2吋厚
雪耳半朵 (爽的)
- 浸軟, 切粒, 用雞湯慢火煮10分鐘
本菇一包
- 去蒂, 白鑊細火炒伺軟身備用

現成鮑魚汁 3 /4湯匙
雞湯300ML
生粉水小許
金華火腿
-  切茸備用


做法:

-冬瓜環去皮, 裁去瓜囊及小許瓜肉
-用蒸爐蒸20分鐘, 灑上金華火腿蓉再蒸5分鐘 至瓜熟透取出倒去水份
-將處理好的雪耳和本菇用一茶匙油炒熱, 下鮑魚汁兜勻, 放在瓜環內圈.
-煮滾雞湯, 下生粉水埋薄芡,淋在瓜環外圍便完成.


**如吃素, 可免下金華火腿
**瓜不要蒸得太耐, 過熟太爛會影響賣相和口感.
**我用電蒸爐, 蒸的時間會較短, 宇用其他爐具, 請自行觀察調節時間.




2014年9月8日 星期一

蟹子乾蒸燒賣皇



明天正式開學,今日同佢做個親子習作做下午茶。
因為呢個好易整, 所以由處理蝦,硺豬肉,調味同包燒賣都交由Owen主理,我只負責開蒸爐。跟足食譜,有9成酒樓出品風味。  連舅父母都話好味啊。

呢次做得大粒咗D, 下次會將雲吞皮裁細D, 一口大小就更完美喇。

食譜(特大版10隻):

半肥瘦豬肉5兩
鮮蝦仁5兩
雲吞皮包10片
蟹子小許(可免)

**如果加兩隻冬菇粒更好,因不吃,所以無加。

調味:
鹽 1/3 茶匙
雞粉 1/2茶匙
糖 1茶匙
生粉1茶匙
麻油 / 胡椒粉 /油 各小許


做法:
1 蝦仁開背去腸洗淨, 用一茶匙生粉,1/3茶匙鹽擦30秒,再放篩內用水喉水沖30秒至潔白, 徹底吸乾水, 切粒備用
2 瘦肉切幼粒再略琢, 加入蝦粒及調味料,攪至起膠, 雪30分鐘
3 雲吞皮裁成圓型,包入餡料, 放上蟹子, 放上掃了油的蒸架蒸7分鐘便完。


睇佢幾 enjoy ^^




烤春雞釀炒飯


 

















首先祝大家中秋快樂。 琴晚舉家十多人出去食海鮮餐做節,今日多得公司放中秋假,老公同仔仔四點後先返到,一個人閒來無事就整做手工較多嘅烤春雞釀炒飯,一家三囗就食西䬸慶中秋。

法國春雞上次喺梁九記買的,每隻450g, 嗰度只係$33/隻,比太古城平一半,細細地每人一隻剛剛好。

我覺得個雞腔太細,只釀得好少飯,就試下將雞o既胸骨除左(用刀同較剪幫手,切切剪剪就攪掂),好彩無整爛隻雞,個雞肚範圍就會大左,好似一個袋咁,可以釀多好多飯架。

醃料方面,我只係用左1/2茶匙幼鹽去醃雞(內外都要塗鹽),醃至少兩少時,用廚紙徹底索乾雞腔內水份(留意**),釀入已攤凍的炒飯(之前再用廚紙索乾腔內水分),飯要有咁實”ut”咁實,咁隻雞先會脹卜卜架,再用簽封口,  臨入爐時掃一層牛油,再灑上黑椒粒,入爐焗30分鐘(焗爐要預熱,溫度200度)。 
至於炒飯就係普通o既煙肉雜豆蛋炒飯(冰箱有乜用乜)。

註:
**不過要留意,徹底解凍後,雞腔要請理得超乾淨,一點血塊都不可留,清理後要用架盛起,雞腔向下放一小時。,讓血水留清,徹底抹乾才可醃。
**要清除雞腔內,胸位的油,如果吾係焗完D脂肪溶左,D飯就會濕了。

2014年9月5日 星期五

香煎Roti餡餅

原來自製Roti並不困難,食譜在youtube揾,正版係配印式雞粒餡,我就改用芝士,菠蘿同沙樂美腸(先煎香),就成為pizza同Roti變奏版,皮很薄脆, 我覺得芝士再重手D會更好味,但老公話呢個版本已經好好味。
材料:
All purpose flour 3/4 杯
水約1/4杯
檻欖油1湯匙
糖1/2茶匙
鹽1/3茶匙
餡料:
芝士碎
菠蘿粒(搾乾水份)
同沙樂美腸(先煎香)
*餡料可隨意自行配搭
1) 粉過篩,加油,糖,鹽略攪勻
2) 開動攪拌機,以慢速邊攪邊分數次加水
*先加3/4, 觀察粉團狀況,按需要加入餘下水分,至粉團不沾手便可
3) 將粉團揉數下,置小碗中,在面層抹數滴油,再用保鮮紙蓋好,讓麵團鬆弛15-20分鐘
4) 在枱上灑些粉,將麵團擀成十吋薄膜,(鬆弛後的麵團很柔軟,不用擀棒, 徒手亦很易弄開) 舖在掃了油的平鑊上,在上半圓面灑上餡料,再對接封口
5) 開小火,下2-3湯匙油,煎至餅皮两面金黃便可關火
6)切去厚接邊位,將餡餅切開便完成
*如果用多些油,那較厚的接邊會熟透便不用切去。