2014年8月31日 星期日

日式吉野牛肉

有現成牛丼汁幫手,在家做出美味吉野牛肉豪無難度。

材料:
日式牛丼汁1/3枝
洋蔥1大個切絲
薄切肥牛12安士,切成2吋小片備用

做法:
(全程小火制作)
-易潔小煲下1/2湯匙油略爆洋蔥,
-下牛丼汁將洋蔥煮至軟身
-下牛肉,用筷子攪動將牛用分開,煮至牛肉剛剛熟便可關火上碟。

*牛肉太熟會鞋,一轉色便要關火。

2014年8月13日 星期三

清湯蘿蔔牛筋腩







上星期日宴客, 客人都係牛魔皇, 整左一大煲清湯蘿蔔牛筋腩比佢哋食, 只係用現成雞湯, 八角同薑片, 就整到呢個美味菜式喇.

材料:

急凍牛肋條一包 (2磅多)
急凍牛筋1磅 (要選有彈性的, 不要選管狀的牛筋,  因很硬)
白蘿蔔一大條,切件

雞湯
冰糖1粒(約半個乒乓球大小)
八角2 薑片4


做法:

1)牛腩, 牛筋分開各出水15分鐘,撈起備用
2)用一大煲, 放入牛腩, 倒進雞湯,要蓋過牛腩, 放進冰糖, 八角, 薑片, 大火煮至滾起 
3)蓋上煲蓋, 轉小火炆1小時, 關火焗30分鐘 (開蓋後撇去油份)
4)用小火炆半小時, 關火焗15分鐘
5)放入牛筋小火炆半小時
6)最後放入白蘿蔔炆半小時,加鹽調味便完成. 

*我用LC煲炆, 水份不會流失, 如用其他煲具, 請自行觀察, 有需要就要補充鷄湯.


  

2014年8月12日 星期二

紅豆牛奶布丁 (食譜)



星期日宴客, 做左兩款甜品, 其中一款就係紅豆牛奶布丁.   佢超級簡單, 但亦超級好味.  當晚朋友立即就問我攞recipe, 但佢哋都未用過魚膠片, 就為佢哋寫多左個用魚膠粉做的版本, 用粉定片適隨專便,希望佢哋都成功啦.


食譜:(約6小樽份量):  


魚膠粉版本

罐裝現成紅豆蓉 (一般日式超市有售)
(紅豆蓉一般都偏甜, 所以今次我將布丁的糖份減少左d)


材料:

北海渡3.6牛奶500ml (室溫)

魚膠粉9g    

砂糖40g 左右(或隨個人口味調教) 


做法:   

1.  魚膠粉魚+5湯匙室溫奶 (奶從500ml中取出)置小鐵碗中攪勻, 再座在熱水加熱至成為魚膠漿備用 

2  最細火將牛奶、糖加熱,不必沸騰,糖溶了就得, 試味,(如需要, 這時可按個人口味糖)

2. 加入魚膠漿,攪拌至完全混合

3.  倒進溶器,攤凍,雪8小時至凝固, 最後加入些紅豆蓉就完成喇. 


Tips:
1)  緊記全過過程要用最細火,不可滾起。
2) 想再香d可以加入淡忌廉,但奶的分量就要減啦。


****************************************************************************

魚膠片版本


材料:北海渡牛奶500ml ,

魚膠片 3 3/4片(每片約2.5g)
(建議用 2.5g的, 5g的較厚, 蓉的時間要較長,  用 5g的分量:  1 3/4片)

砂糖40g 左右(或隨個人口味調教) 

做法:   

 最細火.將牛奶、糖加熱,不必沸騰,糖溶了就得, 試味,(唔夠甜可以o係這時加糖)

2.加入事先用冷水浸軟的魚膠片,攪拌至完全溶化。

3.將牛奶過篩, 倒進溶器,攤凍,雪8小時至凝固, 最後加入些紅豆蓉就完成喇


Tips:  
1)  緊記全過過程要用最細火,不可滾起。
2) 想再香d可以加入淡忌廉,但奶的分量就要減啦。

2014年8月11日 星期一

良朋歡聚13人晚飯


今晚飯局,Owenmama準備左10 款食物(加埋蒸魚),2款甜品奉客。
客人亦帶左美酒,鮮果同靚蟹加料,13人過了超開心滿足的一晚。

李生帶左20隻蟹嚟加料, 好菜有蒸爐, 一次過蒸晒20蟹 + 大石班, 15分鐘搞掂晒, 超幫得手, 朋友讚嘆不已, 個個都話想買呀.
 


 



鹹蛋肉餅蒸飯



 


自從買左蒸爐, 煮飯真係方便得多.   連菜都可以蒸埋, 好似呢餐二人晚餐, 一爐搞掂晒, 超方便, 真正乾手淨腳. 

我用跟爐送的LC盅 做鹹蛋肉餅飯 + 蒸白菜心,一餐飯一爐攪掂,不用明火,超方便。蔬菜無須加油鹽, 蒸完仍然翠綠, 冇加水都仲好甜加原汁原味呀.

做法: 

1) 先將米加水100度蒸25 分鐘(1杯米:1杯水)至飯熟透**

2) 取出舖上醃好的肉和鹹蛋黃蒸12分鐘,
3) 取出淋上蛋白(鹹蛋白,雞蛋白1:1), 再蒸3分鐘。
4) 此時放進白菜心,3分鐘後菜同飯就一齊完成啦。

**註: 

1) 我好貪心, 肉餅好厚蓋過全部飯面, 所以要飯熟透先下肉餅. 
2) 容器質料,米的份量,肉餅厚薄勻會影響烹調時間。




2014年8月4日 星期一

Happy Birthday 2014

多謝各親朋好友為小女子慶生, 今年收左4個生日蛋糕同食左好多美食, 更多謝哋往不o既生日祝福, 我會照單全收. 謝謝.

最開心係老公送左個蒸爐比我, 我會比心機用到佢盡, 煮多D好野食嚟答謝你.
 
琴日試左爐,  蒸水蛋用80度12分鐘,   不用蓋保鮮紙,   雖然有小量量倒汗水, 但蛋的表面仍然滑滑漏 ,  超正.   同時蒸瓜圃同薯仔,   水蛋同大石斑, 最多一次同時蒸3樣o野, 以後請客就輕鬆得多喇.





 出爐垢滑雪雪的
 






今年收的4個靚靚蛋糕, 多謝各親朋好友^^