2014年12月30日星期二

冬至晚餐 -頭盤 香煎鵝肝配檸汁蘋果粒 (附食譜)


冬至難得兩公婆都冇節目,仔仔又去開party,  一於同老公𣛟枱腳做冬,今次反傳統食西餐. 
今日首先介紹我嘅頭盤,因為老公吾好鵝肝,所以準備左魚生沙律比佢。

自己整鵝肝想煎到外脆內軟吾太難, 今次用左檸汁蘋果粒配鵝肝,酸酸甜甜好好味,仲可以減輕油膩減。


食譜(一人份量):
 
 
 牛油檸汁蘋果

青蘋果大半個切小粒
牛油一片
欖油1茶匙
糖2-3茶匙 (按個人喜歡的酸甜味加減
半個檸汁



 


-易潔鑊慢火焼熱欖油/牛油 下青蘋果粒炒一會,加糖,檸汁,炒至微黃,軟身。













  -圓模在碟上舖上蘋果粒備用











 鵝肝做法:




- 鵝肝室溫解凍 (一會, 只要退冰, 不要過軟, 否則不挺),灑鹽,黑椒粒略為調味, 再撲一層撲麵粉。








-燒熱易潔燒2湯匙油,中火將鵝肝煎至金黃兩面,但不要煎太久(每面十多秒便可),否則會過熟。










-起鑊,用廚房用紙巾吸乾油份,便可上碟。

** (用較小的鑊煎可省點油。 )








2014年12月29日星期一

菜脯肉鬆煎蛋







我全家都好鐘意食, 晚飯時用6吋模絲圈做大蛋餅, 再另外做咗D迷你版要嚟帶飯用, 小小圓圓的好可愛呀。

泰國菜脯在泰國店買, 原條的, 比中深色, 味道濃甜好多,所以蛋漿不用加太多調味已經好好味,   用過佢會愛上。

 
材料(2-3人份,  約4-5 個3吋蛋餅 ):

蛋3隻
泰國甜菜脯1大條 (下圖見到佢真身)
豬絞肉4兩
蔥花大量 (或隨意)
魚露1/2 茶匙

1)菜脯切粗粒 (不要太碎, 可增加咬口)
2)蔥花放大碗中備用,
3)燒熱鑊下油, 下豬肉炒至日成熟, 下菜脯粒略炒, 起鑊立即訪再有蔥的大碗內, 用熱力將蔥花迫至半熟。
4)肉冷卻後下蛋, 再下1/2 茶匙魚露調味
5)圓模 (大小模做法一樣)內邊掃油放在易潔鑊上, 再圈內下油, 放入蛋漿, 待邊位凝結便用小刀脫模, 定型後反專煎至兩面金黃便完成。

*不要太貪心, 蛋餅不要太厚, 否則圈位未凝固底已焦。
*泰國菜脯在泰國店買, 原條的, 比中深色, 味道濃甜好多,所以蛋漿不用加太多調味已經好好味










2014年12月24日星期三

雙冬羊腩煲 (炆羊醬 + 古法版本)



凍凍地, 無野好得過一家人圍爐食羊腩啦, 加埋枝竹,一邊煮蔬菜,響玲 同即食麵,超級享受呀。


食譜:




羊腩兩磅半
馬蹄12粒
冬菇 8件 (浸軟切蒂備用)
冬荀 1罐(切角)
竹蔗3條 (洗淨,破成條備用)
枝竹 (後下)

調味 (炆羊醬版本):




薑1大件 (切片)
蒜粒10粒

順發孖記炆羊醬一樽 (我最愛用佢, 因為不太鹹, 又唔駛點調味都好好味)
花雕酒 2大湯匙
冰糖數粒
蠔油適量


1)三湯匙油燒熱,, 蒜粒, 薑片 爆香,下羊腩(轉中火)爆炒至表面轉色,

2) 轉小火下水,炆羊醬, 竹蔗3條, 冬菇, 冰糖,煮至滾起, 炆45分鐘, 焗15分鐘, 開蓋, 竹蔗棄掉,


3) 下馬蹄和冬荀件,再加適量水份蓋上蓋炆煮1.5小時。

4)最後試味, 如不夠濃可加些蠔油調味

5 ) 轉往電喎,便可加枝竹,一邊煮蔬菜,響玲 同即食麵,超級享受呀。








**********************************************

不用現成炆醬, 可用以下古法版本做:

調味:

蒜粒10粒
薑1大件 (切片)

南乳 1 件 (不要汁,用匙羹搓成糊狀)
磨豉醬4湯匙
花雕酒 2大湯匙
冰糖數粒
果皮一大片 (浸軟,刮去白色的部份)
蠔油適量


1)三湯匙油燒熱,下蒜粒, 薑片 爆香,下羊腩(轉中火)爆炒至表面轉色,

2) 轉小火,下南乳,磨豉醬爆香 (小心不要爆焦)下花雕酒兜至揮發下




3) 下水,竹蔗3條, 冬菇, 冰糖,煮至滾起, 炆45分鐘, 焗15分鐘, 開蓋, 竹蔗棄掉,


4) 下馬蹄和, 冬菇, 冬荀件,再加適量水份蓋上蓋炆煮1.5小時。

5) 最後試味, 如不夠濃可加些蠔油調味

6 ) 轉往電喎,便可加枝竹,一邊煮蔬菜,響玲 同即食麵,超級享受呀。


 **(我地喜歡多湯要煮一丁,磨豉醬同蠔油份量請按湯的多少自行調節)


2014年12月23日星期二

燒汁牛肉粒





用之前在梁九記買的急凍平靚厚切肉眼, 10分鐘內完成超級簡單嘅美味菜式,加多個菜,  就算OT都有好野食呀。

 

材料:
-急凍厚切肉眼扒一件 約700g
-鹽小許


汁料:
-洋蔥, 切幼粒 (份量隨意,不喜歡可免)
-現成日式燒汁4湯匙
-砂糖適量

汁料:
易潔鑊下小許油炒香洋蔥粒炒一會, 下燒汁煮滾及適量糖調味便可 (洋蔥粒OPTIONAL)

1) 急凍肉眼於一天前從冰格轉往蔬菜隔解凍
2) 取出, 抹乾, 切成3/4吋方粒 (不要切太細粒)
3) 灑上小許鹽 (臨開鑊醃便可)
4) 立即準備易潔鑊, 下5湯匙油燒滾
5) 下牛肉粒大火半煎炸至四面轉色, 撈起隔油, 便可上碟
**我喜歡半熟, 只需10多秒
6)淋上之前準備的燒汁便完成。 





烤彩椒



一個無乜功夫嘅菜式。 係一個簡單但好味食西式頭盤,  之前再街市買$10蚊的當食椒用嚟做白酒青口的配料, 每個剩低一半在蔬菜隔,唔相浪費,   就將佢簡單地掃上一層油, 用焗爐焗25分鐘就成為呢個簡單又鮮艷嘅頭盤。

酒店自助餐經常喺沙律檯見到呢個頭盤, 通常會用意大利黑醋加橄欖油做汁, 但老公就喜歡淨食, 焗完椒的甜味出哂, 好味呀。

材料:

紅/黃/青椒各半隻
橄欖油小許

1) 椒切片,排在已掃油的焗盤上
2) 放入預熱220度焗爐焗20至25分鐘, 或至軟身及邊位微焦便可

* 可配意大利黑醋加橄欖油



2014年12月20日星期六

芒果牛奶布丁

 


呢個係上個月同朋友去在布吉島旅行,我地租住的Villa廚房超大超完善, 當然唔會放過, 用由香港帶去的魚膠片, 就地取材做咗呢個做的芒果牛奶布丁,泰國芒果超香甜, 加埋香滑牛奶布丁, 最佳配搭。

最緊要係整完放低D野就有女工幫手清理, 感覺多好.

 
 
鮮奶忌廉布丁食譜:

8小杯份量  (視乎容器大小)

材料: 牛奶500ml
魚膠片 兩片 (5g一片)
砂糖50g左右(或隨個人口味加減)
芒果(3個,用攪拌機打成蓉,雪凍備用)
做法:   
.將牛奶 、糖加熱,不必沸騰,糖溶了就ok
2.加入先用冷水浸軟的魚膠片,攪拌至完全溶化熄火,加入淡忌廉混合
3.等一會至暖,倒進溶器,雪約7小時至凝固(如隔日食,用1 3/4片魚膠片就得啦)
4. 將適量芒果蓉放在布丁上,完成。
溫馨提示:
緊記全過過程要用最細火,不可滾起。




 我用1000ML份量做了17杯, 連VILLA的員工同管家都有份。



 Villa 女廚知佢地都有份好開心,爭相同D布丁影相

2014年12月14日星期日

泰式炒雜菜







上次去布吉旅行從廚師處偷到唔小師,呢未係其中一味, 佢口述汁的材料,份量自己試調, 果然同出面食到的差唔多,自己整仲一定無味精添呀。

西蘭花 / 椰菜花/ 甘荀各1個
蒜頭4粒,  切片

汁料:

魚露1湯匙,蠔油1湯匙,水3湯匙,糖1湯匙


1) 西蘭花 / 椰菜花/ 甘荀切件, 放入蒸爐蒸2分半鐘,倒去水份備用
2) 易潔鑊下小許油,爆香蒜粒(不充爆焦) , 把(1)回鑊炒熱, 下汁料,兜炒至汁滾起便,可上碟.






2014年12月11日星期四

螺頭花膠雞腳湯





天氣好乾,係時候煲個滋補靚湯潤下,呢個湯充滿原,啱哂女士呀!

材料:
螺頭6個, 雞殼一個,豬腱一條, 花膠筒5條,淮生數條,杞子一撮, 圓肉3湯匙,雞腳10隻, 蟲草花一兩,蜜棗3粒

-螺頭解凍, 切去紅色的腸臟, 徹底清洗, 出水, 撈起再沖洗乾淨備用

-花膠浸軟,煮5分鐘,浸冷水中備用
-所有肉類出水, 撈起沖洗乾淨備用(雞腳撈起要過冷河)

-蟲草花洗淨, 用水浸2小時, 倒去水份備用

-用一大煲,放入所有材料,下適量水, 大火煲滾後轉細火煲2.5小時, 敝油,下適量鹽調味便可。(雞腳煲一小時,最後45分鐘下花膠)

**煮花膠時間視乎花膠厚薄調節

2014年12月8日星期一

廚餘變身 - 紅酒汁香腸長通粉 -

尋晚請客剩低左d紅酒牛腩汁,裡面有好多蔬菜精華唔捨得倒咗佢,今晚用埋整餸剩低嘅西蘭花莖同半個洋蔥,加埋冰上箱嘅腸仔,就做咗呢個咁美味嘅紅酒汁腸仔長通粉

腦筋急轉彎,下欄野都立即變為好睇又好食嘅菜式,重點系不浪費食物.

做法:

西蘭花莖切條,用熱水煮一分鐘,撈起備用

燒熱油爆香洋蔥,下西蘭花莖和腸仔略爆,下汁煮熟,直接投入剛煮好的長通粉(不用過冷河),兜勻便可上碟

開心週日聚






今日在家招待老公同事們, 做幾味簡單小菜同木糠布布甸,其中準媽媽Elle不可食凍食,特別為佢做左鮮奶蛋白燉椰皇。 小朋友見到甜品最開心,  三家9口過了開心,飽飽的週日!
 

在此預祝Elle順利生個白胖健康靚BB!


2014年12月3日星期三

Happy 22nd Anniversary




 星期六係我同老公結婚22週年,咁多年, 他除了工作, 還担起家頭細務,容忍一個只懂煮飯,連洗衣機都吾識開的妻子,無微不至的照顧我和仔仔,從沒埋怨, 真的很多謝.

今年我揀咗Madam Sixty Ate撐檯腳慶祝,先講環境,落地大玻璃窗,高樓底,很開陽, 加上檯唔算密,加上當晚只有6成滿,好OK 不過如果坐得近開放廚房,會有輕微油煙味, 不過可以接受。

食物方面,因我同老公都有選擇障礙,所以order 左兩個 6道菜 prestige menu,頭4set好哂,只係主菜同甜品要揀 簡單好多,而且道道精美,味道也對版, 菜式份量都OK,食完都好飽。 



呢間餐廳可值得推介, 我哋下次會試下帶埋仔仔去食午餐, 應該會吾錯。