自家3色丼

太古城LB同事都好熟悉呢個飯 .   午餐都好喜歡去人氣日式餐廳店排隊幫襯,  但每次要排半個鐘以上, 仲吾係日日有得食添.  

原來自己整超簡單, 30幾蚊材料就整到3大碗, 吾駛排長龍, 又食得滿足!

3人份:

菜心 8兩,
-切粒, 浸洗瀝乾, 用小許油爆炒, 下糖, 鹽各1/4茶匙炒至剛熟,  起鑊瀝乾汁備用.

-蛋4隻, 炒成8成熟滑蛋備用

-急凍雞扒2大件, 解凍, 洗淨,徹底抹乾, 去皮切丁, 用1/3茶匙鹽, 3/4茶匙砂糖, 1.5茶匙生抽，小許紅椒粒(隨意),   麻油醃半小時, 再炒熟備用 (炒時加丁點抽可雞肉更上色).

-把以上材料舖 在珍珠飯上, 以甜豉油伴食, 風味百份百.