金華麒麟雞

今朝起身去斟水飲，忽然發覺雪櫃面有一盒冬菇， 見佢呢幾個月一路原封不動
 橫豎屋企人今晚o黎食飯,  忽發其想諗起整金華火腿麒麟雞片比佢哋試下.    呢味餸吾太難做, 不過就要花d心機砌得靚靚哋.

我一拎碟雞出黎，屋企人就嘩一聲話呢味係酒樓菜黎喎，老父最喜歡, 佢話夠懷舊喎，見佢哋邊食邊讚，我好開心阿。
 
食譜: 

1) 4隻新鮮雞脾去皮, 起骨切成片醃最少一小時
     醃料(用糖，生抽，紹興酒，生粉，油)

2) 金華火腿切薄片，用水浸1分鐘，以免大鹹，再抹乾待用
(火腿要買原隻切件的那種(見下圖, 好似一條肉的), 否則一切便會散.

3) 冬菇隔夜用凍水浸軟, 搾乾, 切斜片, 用小許砂糖, 油拌勻備用

4) 順序：雞片 - 火腿 - 冬菇排好

5) 蒸約15分鐘至熟透

6) 把碟上的汁倒起，加小許雞湯，胡椒粉，麻油和鹽調味，最後用生粉埋薄身琉 
    璃芡淋上即成。