2013年3月28日 星期四

雲石戚風 +徒手脫模法 Video






呢個第一個用Kitchen Aid整出黎o既蛋糕,第一次用佢黎打蛋白,感覺真好呀,真係不費吹灰之力就整左呢個蛋糕喇。


我將個脫模法拍低左有興趣o既朋友可以去睇下呀。

Demo :  徒手脫模法Video 


 

2013年3月27日 星期三

Owenmama朱古力三重奏






三月係大嫂,兩位姨姨同姐夫的生

日月, o岩o岩過左o個個星期日同佢地一次過慶祝,晚餐o係酒樓食,我就剩係整蛋糕。
,
一個星期前已經開始切計蛋糕,都係將唔同的食譜mix & match, 諗起我地一家人都最愛Brownies, 今次大膽構思用Brownies 做蛋糕底,於是早一日要整定,結果焗完太厚,片左個面就剛好, 第二層就用左朱古力慕絲,為左減低甜膩感,加左d香蕉片,上面就用左朱古力頸面。 簡單的裝飾加上金箔,就便左呢個蛋糕啦。 

三層朱古力,三重唔同口感,呢個係自創配搭,所以我叫佢”Owenmama朱古力三重奏” 

結果係出奇的好,三重唔同的口感,底層Brownies煙韌,中間慕絲軟滑,加上香焦片好香好夾(好彩d蕉無變黑,下次會加多d),面層的朱古力鏡面香濃,成家都好鐘意,大成功,減肥中連飯都唔食的姨甥女仲食左三件添呀。

今次做左7吋方形,屋企無一個蛋糕底墊夠大,唯有用砧板放啦,賣相影響左dd,下次要買定d大靚靚底墊至得。

Brownies食譜(7吋方形):



90g牛油
170g 純黑朱古力 (有糖)
75杯 砂糖
1/4茶匙 幼鹽
2隻 大蛋
80杯 中筋麵粉 (All-purpose flour)
15 g 可可粉 (無糖)




做法:
(1)    將牛油, 純黑朱古力, 朱古力隔水座溶
(2)    加入砂糖, 幼鹽拌勻
(3)    加入全蛋拌勻
(4)    中筋麵粉, 可可粉先過篩, 輕手拌入朱古力中至攪拌均勻
(5)    放入已預熱180oC的焗爐內焗約25分鐘

**焗好攤涼後雪一夜,取出攤一會用7吋放模"ut"出底片,因太厚要片開一半先可用作糕抵。
**剩下的Brownies(下欄)唔好浪費呀放入雪櫃雪一,兩天都無問.淨食或然者將佢變成另一個甜品(Brownies 變身 - 食譜按此)

 
朱古力慕絲

黑朱古力 150
淡忌廉 370
冧酒 2 茶匙 (可省)
60
魚膠片 8
朱古力鏡面一份
   
1)  
淡忌廉加糖打起(7, 起紋便可) 放雪櫃內備用(預留 3 湯匙)
2)  
朱古力隔水座溶,加入冧酒攪勻備用
3)   
之前預留的 3 湯匙淡忌廉隔水煮熱,放入已浸軟魚膠片,攪至完全溶化,倒進朱古力槳中,充份混合,
4)  
加入打起的淡忌廉混合成慕絲糊
5)  
蛋糕置模中, 4 小時 至慕絲成型
6)   
淋上朱古力鏡面, 雪至凝固, 脫模便成。
 

C)  朱古力鏡面

水  50g   /   淡忌廉  40g /   60g    /   可可粉 20g   / 魚膠片   5g
1)  
忌廉 + 水+糖煮滾
2)  
滾至起 泡後加入可可粉,其間不斷攪拌,以免黏底,息火
3)  
加入浸軟魚攪片,攪拌至溶化, 立即過篩
4)  
(3) 涼至 35 度左右,淋在蛋糕上雪至凝固便成





2013年3月24日 星期日

漲卜卜的 - 焗釀春雞




 琴晚老公返工,又係兩母了撐枱腳,前兩日oJusco買左兩隻600g春雞(@$19.9,去左胸骨,釀入炒飯再焗, 同手掌差唔多大,一人一隻,加個清菜沙律,好Perfect o既一餐。

做法:
 
*雞的處理:隻雞要徹底溶雪抹乾先醃,雞內的內贓要徹底清理,醃好釀飯前要用廚紙索乾肚內所有水份,唔係d血水會滲落d飯度,唔好睇有唔好食。

將雞o既胸骨除左(用較剪幫手),好彩無整爛隻雞 ,個雞肚範圍就會大左,好似一個袋咁,可以釀碗幾飯架。

 醃料方面,我只係用左3/4茶匙幼鹽去醃雞(內外都要塗鹽),醃至少兩少時,
 
釀入炒飯,要有咁實”ut”咁實,咁隻雞先會脹卜卜架,再用簽封口, 

臨入爐時 掃一層牛油,再灑上黑椒粒,入爐焗25-30分鐘(焗爐要預熱,溫度220度)。
*至於炒飯就係普通o既火腿雜豆蛋炒飯(材料隨意)。


 


2013年3月22日 星期五

沙爹甘菇肥牛

 
 
 


坊間有好多現成調味料,只要大家轉一轉腦筋,就好以用地黎做出簡單,好味,效果食肆出品無大分別o既菜式。
今次我就用左沙爹火鍋湯底,做左呢個簡單到極o既沙爹甘菇肥牛粉絲,食譜內的做法只有兩行字,你話係咪超簡單呀。

材料 (5人份量)
肥牛半磅
-預先分開,中間切開一分為二
甘菇一包 
-切去根部,清理乾淨備用
紛絲2包(小)
-冷水浸軟,用鑊燒熱一鍋水,熄火,將粉絲放進 ,數秒後立即撈起,過冷河,稍為剪數短,瀝乾備用。 (呢個係我自家做法,咁處理過,d粉唔會無咁索水。
調味料:
沙嗲湯底一包
250g
雞粉1/2茶匙
1/2茶匙



做法:
將所有調味料放入鑊中煮滾,放入肥牛,略為用筷子分開,至牛肉5成熟下甘菇,繼續用筷子攪動至牛肉8成熟,下粉絲,轉用鑊剷+筷子攪勻,至牛肉熟透,試味,上碟。
 

2013年3月17日 星期日

假日下午茶 - 厚批




星期六一家留喺屋企休息,做左個厚底Pizza做下午茶,三十多蚊材料就整到個10吋熱辣辣足料厚批,我的爐下火是內置發熱線,可將pizza放在牛油紙上,再直接放在爐底烤,好方便呀,連個抵都脆架, 真係超正呀^^10吋厚批 食譜:

1) 200g 高筋粉
2)80g 水
3)乾酵母1茶匙+糖1/2茶匙+暖水50g(調勻待5分鐘至起泡)
4)糖3茶匙,鹽3/4茶匙
5) 提子油2湯匙

 -全部才料混合用機攪/搓至光滑,滾圓,發酵至倍大
-擀至圓薄身(要薄點,因焗時會脹起),塗上千島醬(我加了小許錬奶調味)
-灑上toppings (按個人喜好)放入預熱200度爐焗至批底微黄(約15分鐘)
-灑上芝士再焗約8-10分鐘至金黃便可出爐

**我的爐下火是內置發熱線,所以我可以把pizza直接放在爐底焗,會容易熟D,普通爐放下架位要自己觀察,再調較時間





 

 












No Good !- Spaghetti 360 @The Peak

星期六,同老公楂車上山頂食飯兼行山 ,行經Spaghetti 360 門口,見佢個露天座個view好正,加上佢個餐牌上d相好靚,食物又唔太貴,就入去試下, 點知大失所望,一d都唔好味,碟意粉食左兩啖就我諗無下次了。


我地點左:

1)煙三文魚凱撒沙律 - $78
d菜爽甜,ok,但係煙三文魚無咸味,隻橙顏色
怪怪,切完隻碟上流有橙色,唔知係咪加左人造色素,驚驚 


  
2)點心拼盤 - $88

-炸蝦好味,餃子係急凍貨,帶子同雞翼都無味

 
3)海鮮意粉 – $78

-呢個最差,個賣相同餐牌上的相差很遠,opat汁好似糊仔咁,睇見都驚,也罷,食落仲離譜,d海鮮連一點味道都無,好明顯係雪左超耐,直情不能接受

 4) Ice Mocca Coffee - $38

-只可以話係正

2013年3月15日 星期五

美味薑蔥炒蟹





好耐無炒過薑蔥蟹啦,星期日炒左一大碟,食到咀都損晒。不過而家d蟹比以前貴好多,唔係好大隻都要96蚊一斤,d 錢越來越!唔見駛喇。
不過有真係好好美o既。


材料: 蟹三隻,薑三大片,蔥隨意,(我緊係落好多啦),肇興酒一湯匙



調味:蠔油1.5湯匙,生抽1湯匙,糖2.5茶匙,水2 湯 (唔同牌子醬料鹹度不一,自己試下味啦)

1) 蟹洗淨切件,瀝乾水份,撲上生粉以半煎炸兜炒至熟,起鑊,瀝乾多餘油份

2) 燒熱兩湯匙油,下薑爆至聞到薑香味,下蟹兜炒一會,下肇慶酒,兜炒

3) 下芡汁兜勻,下蔥,蓋上鑊蓋,焗一,兩分鐘,試味,便可上碟。

**如當日好多餸煮,可預早進行(1),臨食飯再進行其餘步驟。













2013年3月13日 星期三

1人晚餐 - 梅菜蒸豬肉



梅菜蒸豬肉
琴晚得我一個人食飯,傷風左成個星期,又唔想出街咁肥膩,就整左呢個很家常,但很好味 的梅菜蒸豬肉,加幾條菜心,就係我的一人晚餐喇。

(1人份量)
材料:
免治豬肉$10 (剛夠一人食)
特甜梅菜一小棵 (之前買左一札,一人份用一小棵就夠了)
做法:
-梅菜先用水浸半小時,之候用水沖淨 葉上的小沙粒
-搾乾,切成粒備用
-豬用用 2茶匙生抽,1.5茶匙沙湯調味, 之後加入1茶匙水攪勻,
-加入梅菜粒,最後加入小許生油拌勻
-壓扁舖在已塗油的碟上 (不要過薄)
-隔水蒸十分鐘,完成!
**我買的是超甜梅菜(較乾和深色),如果是普通的梅菜,則浸的時間要長一點,糖的份量亦要多一點。  

2013年3月12日 星期二

太古城屋台屋

老公如果閒日放假,都會過黎太古城同我午飯, 琴日同老公去左屋台屋食午飯喇,佢有多定食套餐,價錢由來已$68 - $102不等,好多選擇。 通常都係一款日式食品+一個湯麵/烏冬包飲品(不過麵/烏冬唔同湯底要加$6-$9不等,只有一,兩款無乜料o既唔駛加,轉飲即磨咖啡就要加$8), 加下加下,連埋加一,都過90蚊。 不過好彩份量夠同味道都唔差,所以都好多人支持。

尤其在太古城,總括黎講呢個價錢有咁o既份量同質素,都算抵食架,所以老公過黎好多時都會去幫親,亦值得推介比大家。
 
我地叫左兩個餐,一個最平同一個最貴的:
1)   $68/set – 雜錦天婦羅 +蕃茄蟹肉拉麵(+$9) +咖啡(+$8
連加一總數$93.5-
天婦羅好足料,大蝦/蟹柳/南瓜/茄子/蕃薯都有齊,而且個漿唔好脆口,合格




 
2)   $102/set – 雜錦魚生飯 +豬骨湯拉麵(+6 +咖啡   (+8)
連加一總數$127.6
魚生樣樣都好新鮮,超好味呀,碗飯都唔算細,一個女仔唔會食得晒,好在老公擦得,幫我包底。
豬骨湯拉麵 湯底比較以前淡口左,無平日咁濃味,減了分。


 
3)    8蚊的即磨咖啡,轉了咖啡豆,推步了,下次唔會加了。

2013年3月6日 星期三

熊亭日本放題



灣仔熊亭日本放題我地一家三口平均一兩個月都會去一次,鐘意去o既原因係平日一至四無乜人去得兩三檯人,唔會好嘈,d食物黎得快,唔會漏單,佢d魚生好新鮮,呢個價錢真係好值架(試過一次Weekend去,一多人就差好多喇,所以我地會選weekday去)。

我同老公至喜歡佢o既魚奶湯,最少會飲兩碗,佢用"魚立"魚淆湯底,加埋菇同滑滑豆腐,喜歡魚湯的實愛呀。
魚生都好新鮮,好多款,好味啊。
燒物都好得,尤其大蝦真係好大同彈牙架,其他野都合格。
Overall樣樣都ok,當日唯一唔及水準o既係天婦羅,d粉太厚了。







2013年3月5日 星期二

鹽漬三文魚定食


 
上星期Apita日本節買左幾片鹽漬三文魚,今日成為我地兩母子晚餐,加埋麵鼓湯同茶碗蒸旦,一人一份定食,易整但豐富^^

我同Owen都覺得鹽漬比煎新鮮的更好味,因為有d鹹鮮Feel, 肉質較結實同甘香,重無咁油膩。  加上日本節大減價,$100一包有5件,我買左兩包,可以放o係冰箱兩個月,真係好抵。 可式Promotion完左,要等下次先可以再買喇。




2013年3月4日 星期一

Owen + Mama 焗豬扒飯

 




琴日老公又要返工,星期日晚佢唔o係度食 ,我通常會試整d新菜式,因為得我地兩母子食,就算衰左都無所謂呀。
Owen好鐘意食一哥豬扒飯,琴日就買晒野,一於挑戰佢。  Owen聽到好開心,舉手話要負責炒飯,我當然比佢整啦。 不過太耐無炒,生疏左d,不過最後都炒得好靚呀。
我先煮左個汁,但係個顏色好紅,同一哥唔係好似, 所以我又發揮我o既大無畏精神,大膽咁落左兩湯匙淡忌廉落去,結果個食真係變淡左,開始像樣了。
焗完出黎真係同一哥一樣樣,Owen仲猛讚話好得呀。 
老公見我PostFacebook, 立即Whatsapp我話下星期六佢放假要食呢個喎,笑死我呀。
 


Owenmama醬汁做法:
茄膏 – 1/2 (小的地滿) / 雞湯200ml / 茄汁 4湯匙 / 糖2湯匙 / 生抽1湯匙 / 淡忌廉 1.5 /生粉水適量
1) 用易潔鑊下小許油,下茄膏煮熱,下雞湯,茄汁,糖,生抽,用細火煮熱,期間不停攪拌
2) 試味 (調至合自己的酸甜度),熄火,加忌廉攪勻 

3) 如即焗好立即用生粉水埋芡,亦可放在一旁備用,等入爐前才翻熱埋芡
**糖同茄汁的份量請按個人口味調較
**忌廉係我自己亂加用黎較個顏色,可隨意刪去
 **個汁睇落淺色,但係焗完就oo岩好喇。



似模似樣咁喎,不過要讚佢碟飯炒得唔錯呀。






將炒香的洋蔥,豬扒,蕃茄同菠蘿再炒飯上 



舖上蕃茄及菠蘿粒,淋上適量醬汁 ,放入預熱250度焗15分鐘左右,再灑芝士碎,焗多5分鐘就食得喇。Yum Yum^^
**芝士可刪去。

預熱焗爐220度,焗至表面微焦,再沙上點芝士碎焗再焗至芝士容化便完成。