2013年2月28日 星期四

泰好味 - 青咖哩豬





 

之前個星期去左五日蘇梅, Trip 裡面一共食左三次的青咖哩,太愛了,在Big C買左幾包青咖哩醬, 自己再煮黎食,我屋企附近街市有間細細的泰式雜貨店,買齊泰國茄子同金不換,好快就整到呢味同泰國餐廳出品差不多o既青咖哩喇。  初初仲擔心Owen唔鐘意,點知佢鐘意到不得了。老公話我中在咒,不過呢個真係易整又好味㗎。

我在泰國買左Lobo醬料,在YouTube 搵到個demo video 架喇^^
http://www.youtube.com/watch?v=_TIqdORNoug
 跟住整就得架啦,配料亦可隨意跟改。  我喜歡杰d,水分方面我落少左。 不過都係按個人喜愛啦,唔駛跟到十足十o既。

**不過都幾辣架,學個Video話齋,食o既時候記得準備杯冰水呀。



全部材料, 調味只用魚露+糖。  我用呢隻椰醬較杰,整出黎會厚身,我喜歡用佢黎煮野。


2013年2月27日 星期三

迷你鏡面朱古力慕絲杯







上星期日,係元宵佳節,我一班阿姨,舅父同屋企人共17人都黎晒我屋企一齊慶祝。 佢地第一次黎我度,當然要好好招呼佢地啦。   為方便計甜品我整兩樣,簡易的焦糖燉蛋同埋呢個迷你慕絲杯,細細杯,一人一個,簡單又好味。

呢個朱古力慕絲同個鏡面都係跟Tony Wong的食譜,貪佢簡單已整,個慕絲本身十幾分鐘就整好,不過就咁睇落有d寡, 雪完加個鏡面會高貴d,再用忌廉同朱古力裝飾,立刻貴左,hehe.....

當日食食下飯,三姨先話當日係姨丈o既新曆生日,再毫無準備下,唯有用d慕絲杯砌成蛋糕型,再插枝蠟燭,充當生日蛋糕,當我o係廚房拎出黎,佢地都好surprise ah.   姨丈超開心呀。

希望大家同屋企人都有個快樂幸福o既元宵啦。

呢個就o係臨時臨急的"蛋糕"喇,都唔錯掛。   


    





製作流程:

2013年2月26日 星期二

食極唔厭 - 蒜香焗雞








食極都唔厭o既蒜香焗雞又黎喇。 雖然手功多d,醃雞時又要好小心唔可以整穿d雞皮,不過真係好好味(當然你要喜歡蒜味至得啦),你會覺得值o既。

呢隻800g春雞肉質唔錯,個胸厚肉,但係焗完都唔會鞋口。 o係柴灣凍肉批發度買,一年前賣17蚊,今年要22蚊喇,加左30%以上,都好利害呀。 我見百佳都有,賣28.9, 我經常都會買定兩隻,放o係冰箱,都好方便架。
 


食譜: 




材料: 急凍春雞一隻(800g)

醃料:
(A )  蒜粒2湯匙,洋蔥粒一湯匙,黑椒小許,鹽1 茶匙(量匙),欖油一湯匙
(B) 油小許 (臨入爐前塗雞用)

**
醃料份量及烤焗時間隨雞大小作調節。

做法:

1)  先用小許(A) 塗勻雞身和雞肚,   用手指小心再將雞肉同皮分開,然後將餘下的醃料(A) 放在皮與肉之間,最少醃5小時 (見下圖)

3 ) 預熱焗爐200(至少15分鐘),用小許油(B)塗再雞皮上,雞翼尖+脾骨包錫紙,入爐焗約40分鐘。 (時間需按雞大小調節






呢個就係隻雞o既真身喇。





2013年2月15日 星期五

情人節三人晚餐



























情人節當晚無出街食,今年亦無買禮物,好現實咁買左一件A4和牛比佢食,做埋情人節禮物。
因為係星期二晚,唔知駛唔OT, 所以星期四就買定全部食材(除左老公件牛扒當日Lunch time o係吉之島買),仲蒸定南瓜,薯仔,連甜品都整埋,咁星期二放工就可以仆返屋企同老公煮飯仔。

今次係第一次情人節一家三口o係屋企整西餐, 唔諗住好次平安夜咁整甘多野,不過有湯,沙律,配菜同扒,配埋甜品,呢餐都好complete 好warm呀。 

 
前菜係簡單菜沙律
 
老公的A5和牛:
呢件扒唔太厚,臨煎放海鹽+黑椒,每面煎一分鐘就剛5成熟,A4果然鬆軟,充滿油香,正!







 我同owen的羊鞍:

羊鞍先用鹽,黑椒醃一小時,燒熱油,用大火煎封兩面,再放入已預熱250度的焗爐焗10分鐘至7成熟 -  (時間視乎羊鞍厚薄/你喜愛的熟度調較)

 仲有老公同我至愛自製南瓜湯









Side Dish:   黑椒牛油薯角















甜品- Chocolate Mousse 琴晚整定

牛油曲奇 (黑白配)








今年跟左Christine's recipe 做左d牛油曲奇比老公做小食。 呢個食譜真係好得,曲奇好鬆脆,亦唔漏,會食唔停口。唯一係我覺得50g糖較淡,加到70g就剛先夠甜(不過人人口味唔同)。 仲有,我加左d杏仁粒,咁就無咁單調喇。

琴日Owen去舊鄰居關太度拜年,小朋友喜歡朱古力味,我將原來食譜的吉士粉份量改為可可粉(同樣用70g糖),就做好好味,又鬆脆o既朱古力曲奇。 
關家在我回應話好好味呀。 多謝佢地比面,下次會整多d送比佢地。

呢個食譜易做又好味,一份可以整30塊,值得推介,大家都可以試下。



牛油曲奇餅
基絲汀@簡易食譜


材料:

  • 中筋粉(plain flour / all-purpose flour) 150克
  • 粟粉(玉米粉) 30克
  • 吉士粉(custard powder) 20克   (朱古力味將吉士改為可可粉20g)
  • 無鹽牛油(無鹽奶油 unsalted butter, 室溫置軟) 160克
  • 糖霜(icing sugar) 50克
  • 雲呢拿香精(vanilla extract 或可不加) 1/4茶匙
  • 泡打粉(baking powder) 1茶匙
做法:
  1. 預熱焗爐至 180C / 356F. 預備兩個鋪上烘培紙 (baking paper) 的焗盤。
  2. 把中筋粉,粟粉和吉士粉拌勻,過篩備用。糖霜過篩,待用。
  3. 在一個盤中,用電動打蛋器,把牛油,糖霜和雲呢拿香精打發至發白和滑身。
  4. 篩入各種麵粉和泡打粉。先用低速拌勻。用膠刮把盤邊的麵粉刮下拌勻。用手輕輕捏成麵團。放置在一大塊保鮮膜中,覆蓋著滾成直徑約3½cm 之長條。包好,放入雪櫃(fridge)中冷藏15至20分鐘,稍轉硬身,可操作的狀態。
  5. 拿出雪櫃後,用刀把麵團長條切開約 1½cm厚度的小塊。切口向上放置在焗盤上面。用叉在表面輕壓出花紋。放入已預熱的焗爐中,焗約15分鐘,轉淡金黃色,即成。拿出焗爐,留曲奇餅在焗盤上靜置5分鐘。把曲奇餅轉至一鐵架上,待完全放涼。

2013年2月14日 星期四

一年一度大30人晚餐Project



每年的年初四,姑媽一家十幾口都會黎我屋企聚餐,一屋坐滿人真係好有氣氛。 但係呢個亦係大Project, 因為如果黎齊人加埋我地一家共30人,煮呢餐飯一d都唔簡單。 以前我地細個呢一餐係我媽媽一個人煮,諗返起佢真係好利害。 因為而家我同哥哥住o係同一座大廈,四個人(家姐,哥嫂同我)兩個廚房左加斬料先掂,但老媽子以前一對手就得, 真係叻女。

表哥表姐們好喜歡呢味素鵝(食譜按此) ,我每年初四都會整黎比佢地食,因為功夫都好多,平時好少整,加上係冷盤,可以早一日準備,會減輕當日工作。 過年大家都食得好肥膩,整多尾素菜會清新d, 加上佢賣相同味道都好好,所以真係值得推介。




呢個係家姐提議o既粟米冬瓜魚肚羹,初初聽佢話落冬瓜,而為會怪怪的,但係原來真係好好飲。  因為人多,煲老火湯就算幾大個煲都會多湯渣會唔夠飲,煲呢個就會會多見飲d, 人客都好鐘意呀。

**魚肚處理:  我o係超市賣左一pack炸魚肚,用清水浸軟,再出水,過冷河,搾乾,切成小粒,就可以用黎煮喇,我都係第一次整,一d都唔難。







 之前一日整完素鵝,就順手整左個特大New York Cheese Cake, 分成28件,人人有份,佢地第一次食我整o既甜品,都好起歡呀。



2013年2月5日 星期二

花膠扒豆苗


 
小型花膠-做法 :(未發時約5吋長)
1) 花膠用清水浸過夜至呈白色(數小時)。 再用薑洋蔥水+花雕酒細火煮至10分鐘(時間視乎花膠厚薄,至圖#2型態 )撈起,浸十分鐘冰水,用水浸著放入雪櫃普通格一夜 (老闆教的)。  

2) 花膠隔水後切件,先用雞湯慢火煮至花膠淋軟(雞湯份量不用太多,如圖#3便可),倒去雞湯,加入適量即食鮑魚汁(我用了約半枝)加入鮑魚菇,再煮滾淋在菜上(可用生菜,豆苗或西蘭花)便可上檯

**鮑汁我用美x盞的,本身都杰杰地,不用埋芡, 
**花膠汁較濃味不要緊,因淋在菜上會出水,汁會稍微變稀。

 #2



#3

2013年2月4日 星期一

聚舊@瀛鍋




琴日慶祝好友生日,一班人去食火鍋。 瀛鍋(九龍城)係我朋友介紹的,佢經常去,同d員工好熟。 我未去過, 今次朋友請老闆發辦,8人份量放到一檯都係,都係三百幾蚊一位,好抵呀 (不過老闆免左我地加一),多謝朋友咁好介紹。

-牛肉已經有三種 - (牛展,牛頸肉同手切肥牛) - 三樣都好食
-海鮮有鮮鮑魚 - 切左薄片,灼3秒就食得,好爽口,有鮑味
-"魚立"魚刺身 - 雖有小許筋但好鮮甜,但上檯時個魚咀仲郁緊,有d殘忍,下次唔會叫。
-珍珠蠔 - ok ,對辦
-其他火喎配有 -- 水餃,菜肉雲吞,手打丸類,雞肉樣樣都好好味。