2013年11月4日星期一

上湯肉蟹+伊麵底

Owen 每次去親飲,都會問:"唔知今晚有無龍蝦伊麵食呢?"  佢只係去飲食過兩,三次,愛上了,每次去飲都希望食到。  o係屋企整上湯龍蝦就太大工程,仲好貴添,所以將佢降低一級,用肉蟹整就有家庭 feel 好多,仲平好多添。  

  材料: 花蟹兩隻(大)

1) 蟹洗淨切件,瀝乾水份,撲上生粉以半煎炸兜炒至熟,起鑊,瀝乾多餘油份

2)伊麵兩個用熱水煮淋,隔水放進深盤中備用
 
3) 準備一碗雞湯,加入小許鹽,胡椒粉同麻油,同時準備生粉水(埋芡用)

4) 用鑊煮熱(3),蟹回鑊,逐少加入生粉水至合適濃度,隨意加蔥花,再把全部材料淋在伊麵上便成 。


**上湯份量可隨意加減。

7 則留言:

  1. 妳呢個動作,令我立即想起「麥兜」套卡通片,媽媽菜肉包點樣利用有限能力及財力去滿足麥兜個心願,好感動!

    回覆刪除
  2. 2隻肉蟹好大隻呀, 我只係整過大蝦E麵

    回覆刪除
    回覆
    1. 蝦/蟹/龍蝦我都整過,做法一樣,不過唔係經常有平蟹賣,一吼到就會整。

      刪除
  3. 我都好想食龍蝦伊麵, 但太貴. 呢個肉蟹伊麵整得過, 不過我要特登去買伊麵先得. 呢邊好難買到正宗港式伊麵的.

    回覆刪除
    回覆
    1. 自己整平好多呀。尤其我住o個到好多平海鮮賣。 伊麵o係香港好普通,又平架。

      刪除