洋蔥煙肉芝士焗半薯

呢個焗薯，係前日牛小排長通粉嘅配菜。做法好簡單，但係好好味。

材料：

薯仔兩個，選較小，較扁身的。

小洋蔥一個切幼粒

煙肉一片半切粒 （我會切去最肥的脂肪部分)

醬料：奇妙醬三湯匙，加適量鍊奶調味備用

1） 薯仔洗淨，用叉在上面刺孔，放入微波爐，叮四分鐘，至熟透

2）取出攤凍，一開為二備用，

3）燒熱少許油爆香洋蔥和煙肉，至洋蔥熟透，攤凍備用

3）薯仔掃上牛油，皮向上放在焗架上、再放入預熱220度焗爐焗二十分鐘（或至薯波微焦）取出 

4）反轉半薯塗上醬料（可塗厚一點）再放上洋蔥煙肉粒，再入爐焗五分鐘，最後加上芝士粒，焗至芝士溶化，微焦便完成。