2012年7月18日星期三

焦糖布丁 (已加食譜)





前幾日整芝士蛋糕剩返小小淡忌廉,唔想浪費,雪櫃只有兩隻蛋,諗諗下,加d奶就夠晒整焦糖布丁。 Owen前幾個星期話想食,而我又好耐無整過,整定幾杯,等佢今晚宿營返黎就有得食。 佢實好開心嗟。以前我係用焗爐焗,今次我係蒸,呢個方法係o係 Youtube 度偷師架。 竅門係用錫紙蓋住容器,全程用細火,唔好比d水大滾,咁就可以蒸出嫩滑布丁啦,又真係比焗的好呀。


我同老公琴晚已經試左味,真係好sweet, 好好味呀。


食譜 :
焦糖:
1)   5平湯匙,水一湯匙   
2)   熱水1.5湯匙(後下)
(1)放在長柄煲內,用中小火燒至轉淺琥珀色(其間不用攪動,只可持手柄左右遙動至勻),即離火,加入(2),要小心濺到,持手柄左右遙動至勻便成焦糖,將焦糖倒在杯底備用。
*轉淺琥珀色便要離火,因離火餘溫會令顏色加深,如太遲離火焦糖會有燶味。

雞蛋布丁 (同一般的有點不同,因為我係用晒雪櫃餘下的材料)
雞蛋兩隻  / 3湯匙 / 100ml / 忌廉 50ml / 50ml (或奶共200ml)
-蛋充分打發(但不要起泡)
-糖加液體加熱,令糖溶化 (但不要煮滾,糖溶化便可),稍為攤涼
-將奶慢慢加入蛋漿內,其間一面輕輕攪拌,成為布丁漿
-將布丁漿過篩,入杯
-用錫箔紙蓋好,隔水蒸10分鐘至熟 (我用小布丁杯),全程小火,不要令水大滾。
(我用煎pan, 舖一塊布,將杯子直接放在上面加水蒸)
-攤涼後雪凍,用小刀脫模,倒扣到小碟便可。

**Tips
用高身杯做四個份量較好,因為布丁倒扣後只會係原來個到o既一半,我覺得我呢個太魏了(我做了8小杯)

2012年7月16日星期一

雲石戚風









同事們好有心,見我耐唔時會整d甜品/小食,蛋糕返公司,
佢地就夾錢做左個fund比我買材料用。
之前o係Moon的blog睇到佢整o既戚風蛋糕,睇都我手癢癢,
星其四整左個比股東們做早餐。  不過我係用蔡師奶o既食譜,
整左好幾次都好成功。


超愛雲石紋,令食慾大增呀。

2012年7月15日星期日

羅宋炆牛尾 (附食譜)




  
想食牛尾,買晒料,好老定諗住屋企實有紅酒,屋企原來無,又懶得落街,就整羅送牛尾算啦。結果又唔錯喎,個汁好濃 ,專登留返部份甘荀最後30分鐘先落,有d咬口,仔仔同老公食到停唔到口呀。


材料:
甘筍  x 1/ 洋蔥 x 1/ 蕃茄 x 2 /西芹2 - 全部切粒
茄膏 2/3 / 冰糖豉油檸檬汁小許 (最後調味)
牛尾一包約3磅,有十幾舊
 
1) 牛尾溶雪,用蒜頭爆炒至變色,盛起
2) 全部蔬菜切粒,炒香,但先炒洋蔥,其他後下
3) 下牛尾,水,茄膏,冰糖,兩湯匙豉油,水要蓋過全部材料


4) 大火煲滾,轉細火炆至牛味軟"",我用了約2.5小時

5) 最後試味,可按個人口味加糖//生抽調味。
 

2012年7月9日星期一

檸檬芝士蛋糕 (食譜)



Owen小時,佢加入左一隊足球隊,呢對並唔係乜勁旅,只係一班Daddy為左小朋友而組成o既免費球隊,Daddy們會義務充當教練,我老公都係係其中一個,仲因為咁去讀左個教練牌。  我地由十幾人開始,最後變成有60多名小朋友o既球隊,仲贏過唔小獎添。

但係因為小朋友們已經長大晒,呢隊球隊o係兩年前結束左。 但係因為我地同球隊一齊過左10年,所以我地同一班教練建立左好深厚o既感請。

琴日o係屋企宴請左三位教練同埋佢地o既家人,大家天南地北的過左一個好愉快o既一晚。

可能年紀大左想法唔同左,一路以來,我同老公都大著緊對方同家庭,一放工/放假就會趕住返屋企倍對放,除左每星期唔會打一場麻雀,同其他朋友好小見面,而家Owen大個左,我地唔駛花咁多時間o係佢身上,我地以後都會多d請朋友返黎屋企食飯同聚下。 

琴晚都係煮左d家常菜式,至於甜品,我就準備左檸檬芝士蛋糕,貪佢酸酸地,加上檸檬香味,7吋模切開12件,的的式式,就算食到好飽,食一件都無問題。
我貪得意係餅底加左d烘過o既合桃肉,效果好好呀。






食譜

餅底:  麥維他9塊,無鹽牛油70g,合桃碎30g(烘脆)
-消化餅壓碎,與合桃碎混合(預先烘脆),加入牛油溶液,壓平於餅模內,置雪櫃半小時備用。

芝士餡:

忌廉芝士   500g
淡忌廉 440g
砂糖  190g
檸檬汁 兩個
鮮奶 30ml
魚膠片 18g

-魚膠片先用凍水浸軟,加小許水,隔熱水坐溶成魚膠漿備用
-淡忌廉打至7成起,放雪櫃備用
 忌廉芝士置室溫中至軟身,加糖用機打至軟滑
-加入檸檬汁(先隔渣)及鮮奶,再加入淡忌廉用手攪勻
 最後分數次加入魚膠溶液,快手攪拌,倒進模內,冷藏至少8小時。
**因個人口味不同,糖的份量可自行調節。