2012年6月18日星期一

紅燒雞鎚




 今日全家到我屋企慶祝父親節,  我全家都同雞有仇,無雞不歡。 但係因為整左三隻醉乳鴿,唔想再整全雞,唯有攪攪新意思。  

今次用整自家簡易版叉燒嘅方法做了紅燒雞鎚,老爸讚不絕口,
仲話好味過燒臘店od (其他係因為熱辣辣新鮮出爐咋。 
我爺爺生前賣燒臘,都算冇丟佢架啦,hehe.....
**
要整出"立立令" 同蜜味o既叉燒同雞翼,秘訣就係最後掃o個層蜜芽糖水。
做法:

-特大雞鎚15隻, 徹底解凍,用廚紙吸乾水份,

-1湯匙生抽,1茶匙老抽,1茶匙糖,1湯匙玫瑰露醃1小時。 (去雪味,加底味)



 

 

 

-加入適量叉燒醬,不用太多,剛沾滿每隻雞鎚便可(參考下圖)













 -焗爐教220度,預熱最少15分鐘
-錫箔紙掃油,置雞翼,掃一層叉燒醬,入爐焗5分鐘至雞翼表面乾燥,拿出在雞翼上掃一層蜜糖水,再焗5-7分鐘,
-再在雞翼上塗一層密芽糖漿,再侷5分鐘便可出爐。











**(蜜芽糖漿 - 兩大湯匙蜜芽糖加兩湯匙水拌成糖水(隔熱水坐溶)

**我用的是特大雞翼,較一般的一半,如雞翼較小,請自行縮短焗的時間)

2012年6月12日星期二

超簡易醉鴿


 
超簡易醉鴿 - 只要將冰鮮鴿冼凈,放入滾水中蓋上蓋煮十至十五分鐘,撈起攤凍,放入現成醉雞汁放入雪櫃浸過夜就得。(我覺得個汁鹹左d同吾夠醉,額外加左花雕同白蘭地調味)。



我只係用左好少雞汁,只要耐唔耐反下佢就得喇(胸要浸耐d)。


2012年6月8日星期五

枝竹杞子浸菜苗





好簡單o既一個夏天菜式, 加上顏色好靚,屋企個個都鐘意呀。  正版係漁灣村街市大樓大排檔o既上湯魚滑浸菜苗,我一樣係照辦煮碗,只係無落魚滑咋。
無乜特別技巧,只要o係你個菜煮好時加入小許花奶,就做到所謂"魚湯"o既效果喇。

急凍枝竹通常較硬,我先會將佢出水,再用上湯煮度合適自己的軟度,加入蔬菜煮熟,再加入浸淋的杞子,臨上碟時加入2湯匙花奶(可免)即可。

係咪好easy 呢?

2012年6月2日星期六

柚子蜜煙鴨胸沙律





上星期六喺屋企幫老公開生日 Party   , 因為好多嘅菜式都係肉類,整一大盤最簡單嘅生

菜青瓜沙律, 又想整
個沙律比人客選擇,見冰廂有兩件煙鴨胸,於是創作左呢個煙鴨胸沙

律,本來醬汁就
用日式醋汁就算,但係發現食物櫃裡面有幾包柚子蜜,就用咗幾包再加檸

檬汁做成醬汁,出奇哋清新好味喎,仲好受朋友們歡迎,食到一粒都無剩, 呢次就地取材嘅

創作又成功咗喇,  
夏天食好啱㗎。

*******************************************************************************


材料: 煙鴨胸, 紅/黃椒,青瓜,唐芹,芫茜,車厘茄 


全部材料切粒(芫茜除外),放雪櫃冷藏,臨食才把所粒粒混合,加入

以柚子密混合檸檬汁

的醬汁(酸甜度按個人喜愛調較)和芫西粒便成。 

 
**留意: 太早將粒粒和醬汁怕會出水。