2012年2月20日星期一

Owen之炒飯初體驗



Owen之炒飯初體驗   - 上次Owen睇完我炒飯,成日都話想試下,琴日我去街,咁o岩Owenbaba踢波傷左隻腳,行動不便,Owen就舉手話要炒飯比爸爸做下午茶。

我出街前帶佢去買定材料,順便用微波爐煮定幾碗飯攤凍比佢試。  臨走再講多次流程,由切粒粒到炒飯都由佢一手一腳包辦。

你地睇佢都有辦有眼架,之後爸爸仲幫佢影埋相添。  我問爸爸味道如何,佢就話只係唔係好夠鹹,其他都唔錯。 不過個廚房就週圍都係飯粒喇。

我就覺得處男下廚(除左煮即食麵),值得鼓勵,比一大個Like 佢。





好認真,不過楂鑊剷o既手勢就麻麻喇。



  好似幾靚咁喎。



你地睇下,週圍都係飯粒同d野亂晒。


2012年2月8日星期三

蒜香焗雞



 鄰居送來的急凍春雞,細細隻o岩晒我同Owen對食。上次去朋友屋企食過佢o既版本,醃料係放o係皮同肉之間。 真係又真係好香,好入味呀。  呢隻春雞胸肉超厚,仲以為會好鞋,但係又好ok喎,我同Owen兩個連骨都吮埋呀。


o個日老公唔o係屋企,無佢份,但係因為我同仔仔都想再食,所以琴晚放工再去柴灣工廠o既凍肉批發再買左兩隻今晚再encore.
今次一次過整兩隻,我地一家三隻雞怪實滿足晒喇。   (原來每隻都係17蚊咋,超抵,但係雞味當然唔吸本地三黃雞喇,但已佢o既價錢,加上醃左再焗,真係唔錯呀)

唔記得朋友乜醃料,淨係知主要係蒜粒,我今次用左屋企有呢d材料黎做醃料。

 
 呢個係我自家版本:

材料: 中型春雞一隻(800g)

醃料:

(a)
  蒜粒2湯匙,洋蔥粒一湯匙,黑椒小許,鹽1茶匙(量匙),欖油
一湯匙
  
(b)
油小許 (臨入爐前塗雞用)


**
醃料份量及烤焗時間隨雞大小作調節。


做法:

1)
  先用(A) 塗勻雞身和雞肚,

2)
  用手指小心再將雞肉同皮分開,然後將醃料(B) 放在皮與肉之間,最少醃5小時。
3) 預熱焗爐220(15分鐘),用小許欖油(c)塗再雞皮上,雞翼尖+脾骨包錫紙,入爐焗40分鐘。 (時間需按雞大小調節)