2011年1月30日星期日

十全十美團年飯





今年第一年喺新居舉行團年宴,十個菜式(十全十美),分別由我地三兄妹負責,加埋媽子嘅血燕雞湯,樣樣都好好味+超豐富啊,搬左去阿哥樓下,就等如有兩個廚房,而加煮大圍飯有人分擔,簡單得多,一家人食得好開心呀!


順便喺呢度同大家拜個早年,祝大家身體健康,心想事成,幸福快樂!!

2011年1月29日星期六

19th Anniversary



今日係Owenbaba + Owenmama結婚19年紀念日。好多謝老公呢19年來對我o既守護同忍讓, 
我真係好幸運,19 有你守護,我甚麼都不缺!    真係好多謝你呀!

2011年1月24日星期一

白酒煮花甲







白酒煮花甲 -   超簡單 ,將洋蔥爆香,下黃椒,再下一杯雞湯+1/2杯白酒,滾起下花甲,花甲再下1/3杯白酒,調味,再滾起,灑黑椒碎就食得啦。  d朋友仔好鐘意啊,食到連湯都無剩呀! (一共整左兩斤,呢度只係 1/3 咋。)

**我分開兩次下酒係想d湯留多d酒香味,如果一次過落d酒精會揮發晒。


**同埋記得最後先落鹽調味,因為花甲汁本身有味,所以最好係等佢地開晒口先調味,咁就最穩陣喇。


 -   超簡單 ,將洋蔥爆香,下黃椒,再下一杯雞湯+1/2杯白酒,滾起下花甲,花甲再下1/3杯白酒,調味,再滾起,灑黑椒碎就食得啦。  d朋友仔好鐘意啊,食到連湯都無剩呀! (一共整左兩斤,呢度只係 1/3 咋。)



**我分開兩次下酒係想d湯留多d酒香味,如果一次過落d酒精會揮發晒。


**同埋記得最後先落鹽調味,因為花甲汁本身有味,所以最好係等佢地開晒口先調味,咁就最穩陣喇。

2011年1月12日星期三

鹹蛋蒸肉餅






前日遲放工,去到街市都成7點,無乜選擇,但係又唔想出街食,反正得我同Owen兩個食,就簡單咁蒸個鹹蛋肉餅+個灼菜心。 

用左半肥瘦梅頭肉,用梅頭會滑d,只係落左2湯匙水就夠晒鬆同滑 (我仲叫老細幫我切少d肥肉,咁會健康d),加隻鹹蛋o係面,好快手就開得飯囉。

因為齋落鹹蛋白太鹹,所以我將鹹蛋白半隻+ 雞蛋白半隻混合,再放落肉餅面蒸,效果又真係唔錯喎。你地都可以試下架。





各位朋友,本人已於 Facebook 開了 Fan page, 請登入以下網址 add 我啦。
以後大家除左可以上Yahoo blog,仲可o Facebook同我溝通呀!

2011年1月9日星期日

鹹魚蓉煎肉餅

 



材料(9人份量):


免治半肥瘦豬肉約
1

鹹魚兩小件 (雜貨店有售,預先切好一件件的)
馬蹄8 (拍碎成小粒)
薑蓉(連汁) – ½湯匙
老抽2茶匙 (加色用)
生抽2-3茶匙 (**)糖2-3茶匙 (**) 
豆粉一茶匙
雞粉1茶匙 (可免,但落左好食好多)
蛋白1


1)
  鹹魚先蒸5分鐘,用兩隻叉起肉,猜成蓉

2)
蹄去皮拍碎

3)
將魚肉,馬蹄調味料加入豬肉內拌混,撻數下, 臨煎加入蛋白拌勻搓成小球,下鑊壓平煎熟,便可上檯。

(**) 溫馨提示

每件鹹魚鹹味唔一樣,我習慣調味料先下少一點,臨下蛋白前先拿小許煎熟試味,然後作最後調味,

先至多下蛋白撈勻再煎,咁就實唔會失敗呀。




2011年1月5日星期三

暖在心頭 - 心太軟(附食譜)





好耐無整過心太軟喇,呢排天氣咁凍就諗希佢,凍天食呢個甜品,食完真係暖在心頭呀,仲好容易添。
今次用左兩吋小紙杯做,細細個兩三啖就食完,有得過口癮又唔會太肥(伴雪糕食就除外啦),唔錯呀!
用紙杯要留意係 (1) 傳熱較慢,比用鐵杯焗耐左好多先整好,(2) 脫模較麻煩(因為個杯有紋,用刀起模會無咁靚),細心d睇就會見到個蛋糕左邊穿左,d朱古力開始流出黎。
所以前兩日都去買左10隻兩吋鐵杯,下次整會方便d呀!

食譜:
1) 黑甜朱古力   100克 +  無鹽牛油     100克


2) 全蛋    2 隻 +   蛋黃  2 隻  + 糖  40克
   (糖份可加減,視乎個人口味)

3) 麵粉    50克

******************************

a)  把 1 座水溶化 (水不要太熱)  

b)   把 2 存部材料混和 (切記不可打至起泡)

c)   把蛋漿倒入朱古力漿內,邊倒邊用木匙輕力攪拌至混和

d)   再加入已篩的麵粉,拌勻

e)   倒進已掃油及沾上薄麵粉的鐵模中, 最少雪2小時

f)   180度焗約8左右,不過最好睇實佢,因為個個爐溫度都可能有出入,要自己
     掌握o下。


******************************


**當你見倒蛋糕漿側面已熟但中間仍然係流質就為之完成,因為你個甜品之所以
  中間係流質係因為佢只有約8成熟,一熟透就變成硬蛋糕架啦。
**仲有,我試過雪佢3日再拎出o黎焗都得,所以都好方便架。

2011年1月1日星期六

繼續玩酥皮 - 芒果拿破崙




Happy New Year!!  祝大家都有個和味o2011

琴晚一眾朋友黎晒我屋未開除夕Party,  大前題係開檯,我雙手將會好忙,所以唔會準備食物,通通食外賣,只係要負責蛋糕加甜品。

前晚整好o個兩塊酥皮,今日繼續玩埋佢,o係雪櫃拎出黎解凍再焗,結果無問題題,好酥脆,跟住就做左個芒果拿破崙為琴晚o既除夕Party + 順道為13生日oBonnie 慶祝。

我加左兩片戚風蛋糕做底,吉士醬方面,今次無跟美味DIY o既食譜,另外o係網上搵左一個,o既味道一流, 但係就過稀,我已經加左粟粉份量,下次要再加D添,因為再挺身D會仲Perfect.  我自己就好鐘意呢個蛋糕,我都食左一整件呀(平時我怕肥,試味都係食一兩啖架咋)!

甜品就用左黑,白朱古力士多啤梨,小朋友由聖誕節到而家,一路都食得咁豐富,呢個甜品會健康d,又可愛,佢地個個都好鐘意,仲可以用黎裝飾埋個蛋糕,一舉兩得呢!

是日甜品: