2011年9月21日星期三

新屎坑 - 薯仔紅蘿蔔炆雞翼

 
呢幾日Le Creuset  o銅鑼灣開倉,我都落去買左個想買好耐o25oval 煲,

雖然無我最鐘意
o顏色,但係4折真係超抵!  呢個軍綠雖然沉d, 不過都唔錯:)

加埋之前老公送o既大圓煲同同事送o既小圓煲,大,中,小一家三口齊晒,唔會再買啦。
(因為屋企再無位放)
*我d同事琴日再落去掃貨,多左好多新顏色添呀。 

************************************************************************


即買即用係我嘅宗旨,用到盡最合乎成本效益:)
我當晚就即刻整左個薯仔紅蘿蔔炆雞翼,呢個餸我諗我有好多年無整過喇。
 爆香洋蔥,開略為爆下d雞翼(事先用糖,生抽醃1小時)再加水同薯仔紅蘿蔔,

滾後全程蚊滋火,廿零分鍾全部淋哂,調味料就只有生抽同糖

o岩味再埋個薄芡就得喇。

**LC o既好處同缺點都係佢大存氣,水份唔易揮發,用黎煲湯,燉野一流

但係炆野就可能炆好後都仲有多汁,咁情況就要開蓋,用中火煲一陣等佢

收汁喇。
呢餐因為呢個餸我前所未有地食左兩 大碗飯添!呢個餸不能常煮也!







2011年9月18日星期日

LC 超簡易鹽焗雞




各位Le Creuset Fans (或陶鐵鍋Fans), 等我介紹呢個超簡單,但係超正,超原汁原味o既鹽焗雞比大家。

材料

雞一隻(小) 四季鹽焗雞粉1包  鹽1/4茶匙 蔥一大札

做法:

-雞洗淨,抹乾,內外塗抹雞鹽焗雞粉+鹽,醃最少3小時

-LC 24CM煲內舖滿蔥段,下一湯匙油,大半碗匙水

-雞置於蔥上 (胸向上),中火燒至出鍋熱(有小許白煙),轉最小火,蓋上煲蓋,煲20分鐘,將雞反轉再煲5便成



**因為今次係試驗版,所以我只係買左隻雪雞,但係估唔都呢隻雞粉可以令雪雞咁好味,下次買返三黃雞,我相信會更好阿。

**(時間長短視乎雞的大小,及爐具火力 - 我家火爐頭有四段火力,最細火係”蚊滋”火)

**因每人爐具火力不同,建議你第一次整可以加多小許水份,之候再按呢次經驗調節:)
你睇下焗完之後,所有油份被蔥吸收,原先的水份仲留返o係煲內,隻雞就原汁原味,好滑好香。
有LC 或其他陶鐵鍋具o既朋友不防試下。   陶鐵鍋o既特點係水份保留得好好,就係睇都呢點,大膽試下用個方法
希望大家鐘意啦。

2011年9月12日星期一

自家法式煎鵝肝 配玉桂青蘋果粒 (食譜)




 琴晚迎月夜一家三口提早做節,今次反傳統食西餐,
初次自製法式鵝肝做頭盤,配玉桂青蘋果粒,甜甜酸
酸同鵝肝配,會減低鵝肝嘅肥膩口感,  鵝肝外脆內甘香
好成功呀。

我諗大熟我嘅Blog 友都知我好為食,最鐘意就係喺出
面食完自己鐘意嘅菜式,返屋企整A貨。(呢個鵝肝係上
次喺La Parole食法國菜食過,膽粗粗試整,呢個A貨都
幾對版㗎).
食譜見以下圖解:



真空裝鵝肝,細細件,一人一件o岩o岩好。
 青蘋果用欖油,加糖炒一會,加玉桂粉,檸汁,白蘭地煮至金黃,軟身備用。
呢個蘋果甜甜酸酸,會減低鵝肝嘅肥膩口感。


鵝肝室溫解凍,灑鹽,黑椒粒略為調味, 再撲一層博麵粉。
 燒熱易潔鑊,噴一層薄油,中火將鵝肝煎至金黃兩面,(用夾夾起鵝把邊位略煎),但不要煎太久,否則會過熟
起鑊,用廚房用紙巾吸乾油份,便可上碟。