2011年4月17日星期日

Owen's birthday 2011 (朱古力淋面慕絲)








4月尾係Owen 15歲生日,呢期我成日掛住用手機玩Facebook, 都疏左上Blog, 今日得閒用電腦先醒起未Post呢個。  

眨眼Owen已經15歲啦,感謝上天比佢健康成長,雖然偶有頑皮,但係佢真係帶比我兩夫妻好多歡樂 。  We love you!!

呢個係隻豬仔整o既生日蛋糕,我話呢排整左幾次,向佢提議另外一d款式,都比佢拒絕,不過佢生日大晒,就比佢話事啦。

今次整金鉑用牙簽幫手,得心應手得多。


Owen同表姐生日只差一日,每年都一齊慶祝,佢兩個都好鐘意呢個蛋糕呀。


2011年4月14日星期四

美味雞亦尖



Owen逢星期六練完足球,多數都會同成班隊友去榮記食車仔麵,成日都聽到話好好食,亦知佢o既雞亦尖好出名,但係每次見都門外大排長龍,無耐性o既我就會掉頭走。  o岩上星期六2點幾經過佢門口,見唔駛等就入去試下。  

叫左個雜米+淨雞亦尖,老實說真係無乜特別,唯一就係特別貴,十幾隻雞亦尖要17蚊,真係好貴。  不過人地位處銅鑼灣,有10蚊係要 舖租,所以都無得計較咁多。

到第二日買左一斤自己整 (只係10蚊,仲要大隻好多),今次以榮記出品做藍本(佢o既雞亦尖係較淡色,同味道偏甜),要做到同佢差唔多味同色,所以用左日本味醂調味(純粹因為屋企有,就手),減少左老抽份量,加埋生抽,冰糖同水 做成鹵汁,整出黎大碟又抵食