2010年4月20日星期二

Happy Birthday to Owen






已經有好耐無做過呢個菜式,今日係Owen 14歲生日,因為要大測,所以無出街食飯,由佢點菜,因為Owen舅舅早前送左幾塊靚牛扒,Owen 提議今晚食,仲指定要配炸魷魚圈。 

佢就識得揀,呢個送手功都唔少,我仲要整主菜(煎牛扒),湯同配菜,就判呢個菜比二廚整(我老公,哈哈)同Owen一齊整,等佢兩個親子一番。  佢兩個都好認真,整得唔錯呀。 你地話得唔得呀?


乖仔,我地祝你生日同日日都咁快樂,快高長大,身體健康呀!

2010年4月7日星期三

簡易茄汁大蝦碌 (食譜)






簡易茄汁蝦碌:
-
蝦去頭部尖角部份及蝦腳,洗淨,抹乾,下少許生粉拌勻(不要過多)
-
下三湯匙油,燒滾,爆蝦,至轉色,下一茶匙蒜蓉兜炒數下
-
於鑊邊下一小匙花雕兜炒至蝦熟透
-
最後下適量茄汁和砂糖調至合自己的酸甜度便可上碟啦。
*
茄汁要沾滿每隻蝦為標準。
*
蒜蓉不要太早下鑊,否則會燒焦。

各位朋友,本人已於 Facebook 開了 Fan page, 請登入以下網址成為擁躉啦。
以後大家除左可以上Yahoo blog,仲可o係 Facebook同我溝通呀!

2010年4月4日星期日

生日宴


為慶祝雀友Vicky & 鼻鼻生日,o係我屋企為佢地設宴,當然提家志不再此,真正o既主菜係飯後o個四個東啦。哈哈....  但係一樣唔可以馬虎啦。 Bonnie 一早點左兩樣必整菜式,就係紅酒牛尾同素鵝,其他就由我發版,四味海鮮加埋自製海南雞,八個人八個餸, 都差不多清晒,多謝大家比面啊!   

(美中不足就係條海班太大,成2斤半重,屋企個鑊都蓋唔晒,所以火力唔勻,有d"鞋",所以下次都係唔好貪大條,都係買返一斤多d好喇。)