2008年2月26日星期二

香片朱古力茶餅







今日好忙阿,放工後即刻去買材料整蛋糕,聽日係波士Anita 生日,想整個精緻d    的蛋糕送比佢, (Anita, Happy Birthday)。  琴日決定o左跟Tong Wong o既香片朱古力茶餅,已經整定中間o個曾香片吉士忌廉凍,用晒d 淡忌廉,今日要去入貨,仲要買生果。 返到屋企就立刻焗蛋糕底,襯倒扣時就落街食個quick dinner, 再反黎搏命。  仲有一個緊要o既任務就係去緩跑徑執落葉,因為食飯時不忘構思蛋糕裝飾,今次想試下用朱古力整樹葉片,返o黎將樹業徹底洗淨再浪乾,再掃上容化o既朱古力,雪硬就輕力撕掉葉片,整o左5片,只有3片完整 (做法係蛋糕材料舖老闆教o既,多謝),第一次整,都算ok,其他朱古力形狀係跟(蛋糕彩裝師做)的,成個蛋糕完成後,我覺得好滿意,成晚忙到而家 (成四個鐘頭) 都值得o既。

2008年2月22日星期五

綠茶豆腐布丁







呢個係跟網友食譜做的綠茶豆腐布丁,我以前每次整都無加豆腐,係第一次跟足食譜做。今次屋企人的評語係齋用綠茶好味d,因為而家加入豆腐後,反而蓋過晒忌廉同奶o既香味,我都有同感。

2008年2月18日星期一

初試白之戀人朱古力餅





今日得閒無事,又再在網上遊歷,見到白之戀人o既食譜同圖解,好似好簡單,今日一放工返屋企就拎牛油出o黎解凍,食飽就即刻整。  真係容易喎,不過味度梗係無正牌咁鬆脆,但係可以DIY都好好架喇。  食譜度o係溶白朱古力時加入忌廉,但我o淋我下次會用淨白朱古力,味道應該會像真d。



**抿d餅醬落模時有d"撓教",起模時有時會拉埋d餅醬,要重做幾次,下似應該會掌握得好d。

2008年2月14日星期四

Happy Valentine's Day 2008







本來我同老公都係今日開工,佢仲係返中更添,預左今晚靜係同亞b食飯,點知老公琴日同亞b打籃球"拗柴",隻腳腫到豬蹄咁,要去睇急症,仲要放6日病假添,我就要放多一日假照顧佢 (多謝我老闆咁好人),仲益我今年可以同老公一齊過情人節,真係因禍得福。 老公就慘d,要棟拐杖至行得。 既然唔出得街就決定整個甜品"Tum"o下佢啦。

呢個白朱古力慕絲係跟Tony Wongo既食譜,抵層係朱古力蛋糕片,中層係黑加侖子Jelly, 裝飾用最間單既白朱古力 同用剩o既Jelly (切粒),希望老公鐘意啦。

   




呢個係橫切面。

2008年2月4日星期一

紅燒圓蹄















自從8年前學識整紅燒元蹄,每年團年飯,屋企人都一定要我整呢樣餸, 佢地話好好味又好意頭(諭意:團圓),但因為好肥膩,所以一年一次就夠喇。

其實好易整咋:  

1) 元蹄洗淨,抹乾,用老抽搽在皮上待30分鐘(上色,見小圖)

2) 抹乾後走油 ,不用太多油,我係用易潔鑊半煎炸,不過一定要炸晒全塊皮。

3) 用高鍋放水,冰糖,老抽,生抽同玫瑰露,最後液體要蓋過元蹄。

4) 水滾後放進元蹄,滾起候轉細火炆約3個鐘至軟"林" 為止。

***3) 的份量視乎元蹄大小而定,都係o個句,"試o下味喇" 。 可參考以下大圖的顏 色。
***其間若要加水要加熱水,免收縮
***炆o既其間以"色"為重,不要下大多老抽,如太黑就唔靚。 味道可炆好後先教,太淡可按口味加糖或生抽,太濃可加熱水,再滾起便可"上臺"喇。