2008年4月27日星期日

煎蝦餅






想試打蝦膠好耐,琴早終於有機會啦。 同阿B去完圖書館,就去隔離街市睇o下有乜靚海鮮,點知早上除左蝦靚,就無乜特別野,老細話要晏晝o個轉先有特別野喎。 見到d中蝦好靚(老細話d蝦o岩o岩訓覺咋喎),就買左一斤半,反屋企打蝦膠,d蝦又真係好靚,好實肉喎。 手功係多d,同埋成90蚊先整到11件,成本都好高呀。不過好食就無計啦。

不過隨蝦餅附送撞瘀鳳爪一隻,因本人出名論盡,本來d蝦膠用膠袋袋住黎躂(諗住唔會整烏蹧隻手),點知用力時連隻手都撞埋落將臺到,隻中指即時瘀晒,腫起左一舊,呢幅相見到o既瘀痕係今日影o既,已經過左一日同卒散左d啦,本來係黑色架。 
所以最後都係用返傳統方法,係烏蹧d,不過安全d。



2008年4月22日星期二

給阿B的Tiramisu






Tiramisu 用超多麥提沙+朱古力裝飾, 小朋友好鐘意食。  無用手指餅,用清蛋糕做底同中層,整係掃左甜咖啡,無加酒,因為小朋友唔o岩。 呢個四方模買o左好耐,不過都係第一次用,都幾靚丫,hehe........

 食譜: 美味DIY

蜜汁焗雞鎚 (附食譜)




生日會o既菜單構思o既時候,本來想整葡汁雞翼,但係次次開Party 都係食呢樣,小朋友都會厭。  於時想起o係food court 泰國食店o既小雞鎚,好似一隻小雞脾咁,啖啖肉,就試o下自己整啦。將雞鎚倒轉垂直切幾下(切斷幾條韌帶),再將d肉向上推,再反,就成為小雞脾啦,(都幾花時間,20隻都攪o左我半個鐘有多,手都軟) 當然我無跟佢既調味,佢用香茅加麵包糠炸,又係炸,好肥膩,於是我諗起用叉燒醬,整蜜汁焗雞翼(好似燒臘舖o個d呢)。


做法: 
1) 雞鎚洗淨抹乾,先用少許鹽醃15分鐘
2) 開始戒雞鎚(尋考上文及下圖)
3) 用叉燒醬醃至小兩個鐘,我就醃o左過夜,(之前o個晚食完自助餐整o既)
 如果之前放o係雪櫃,焗之前先拎出黎攤到室溫。 用錫紙包住枝骨
4) 預熱焗爐 220度,焗約35分鐘,拎出黎上蜜糖再焗約10分鐘
    (當然要不時睇o下火,以免燒焦啦,因為雞鎚size唔同,時間都唔同)

 **我臨食前再掃上剩底o既蜜糖,立立令,啖啖肉,好似食緊雞脾咁,好受小朋友歡迎。

 












2008年4月21日星期一

自家製炸春卷 (附做法)




阿B生日會o既食物之一,因為星期六打風,唯一節目就係等6點同阿B去Congress 食自助餐,成日因為大風大雨就係屋企”歐”,最後老公頂唔順提議楂車去南灣半島百佳廣場買第二日開partyo既o野 (o個是都係3點咋),雖然平日行過去係十分鐘,楂車唔係幾環保,但一次咁多喇。如果唔係成身濕晒都未行到去,同埋真係可多o野要買o既。
買完o野都係四點幾,既然都係坐係度等6點,不如整住炸春卷先,反正可以放o係冰隔聽日先炸姐。  先炒金荀絲(記住要灑少少水,現後就家揶菜絲,仲有dit 咁多用調o左味o既豬肉絲兜炒,用鹽,糖同痲油調味。 然後包得,攪掂就雪入冰格,第一炸個時先拎出黎。 炸到金黃色,攪掂
整完o岩o岩5點半,換衫就限行得。 煮o野食幾時都係我最enjoy o既 kill time 放法,I love it




2008年4月20日星期日

今日阿B12歲喇 - Tiramisu







光陰似箭,亞B今日12歲喇,我同佢講,佢以經大個仔,唔再係細路喇。佢問點分架,我就話最簡單就係由今日開始,佢去食自助餐就要比大人收費啦。 

今年要黎買生日禮物比佢o既錢,夾埋佢d利是錢捐o助比生淋巴癌o個個哥哥,我都希望佢生活係幸福中都可以學識要去幫d有需要o既人。

今日佢開生日會,所以我地一家人琴日同距去o左congress 食自助餐,佢好開心,話d o野好好食。   今朝我一早就起生整佢最愛o既Tiramisu,跟住去同老公食晏+買餸, 然後就一齊返屋企洗洗切切,一路講返12年前生仔時o既o野,都好開心。

到而家先得閑坐一陣。 而架屋企嘈到拆天咁,因為有6個小朋友係廳度玩緊。
o係呢都我同阿B再講聲"Happy Birthday", 希望佢+全世界o既小朋友都健康,快樂咁成長。
至於今日o既菜單,就有,(聽日再同大家總結啦):

-Tiramisu (超多麥提沙+朱古力裝飾)
-咖哩薯仔魚蛋
-彷PizzaHut o既茄汁腸仔
-白汁磨菇,雞肉,火腿汁
-西蘭花+椰菜花
-炸春卷(琴日包定,第一次整)
-焗雞鎚 (又係第一次整)
-配扭紋意粉
全部都係細路仔最鐘意食o既,亦都容易做o既。

2008年4月17日星期四

脆炸雞半翼 (食譜)







好容易,超好味o既自家創脆炸雞翼.........
呢個餸好耐無整喇,因為我唔係成日煮飯,炸野好晒油。 咁o岩星期日成家o黎食飯,家姐整手本菜"炸排骨" 整返成碗油,老公就提議炸雞翼,(佢成日都提議整呢樣,我次次都kill佢,今次佢終於得o左)。 

做法易到無得再易:

雞翼洗淨 (要大隻,否則一開二後無晒肉),抹乾水,一開二
用鹽調味,一磅雞翼大約用3/4茶匙鹽,加小量黑椒醃2小時
炸得。(要炸兩次,請睇註)
按口味晒上鹽或蒜鹽,食得。

註: (第一次只要炸熟,撈起,再把油加煮滾,
   把雞翼回鑊再炸,呢次係要迫出多餘水份同油份)。
**如果炸得好,成件雞翼係卜卜脆,一d油都唔油膩o既。 就算食晒,個碟都係無油o既。

2008年4月15日星期二

番茄海鮮湯意粉







呢個意昏係我地o係日式西餐廳UCC最終意食o既,材料一眼睇晒,好簡單,但係就又易整又好味。 仲平過出面食可多添。


做法好簡單:

1)先煮意粉備用
2) 海鮮用小許鹽和胡椒醃一會,出水至熟用,備用3) 金寶湯加水煮滾,下磨菇,加小去茄汁,小去糖調味(當然要按個人口味啦,唔係一定要o既)
4) 把意粉加入湯中略煮至熱,不要煮太耐。
5) 把意粉撈入大碗,把海鮮排好,再放湯,食得。

**煮海鮮o既時間要跟#4配合,不可太早,否則海鮮凍晒就唔好。








2008年4月11日星期五

酥皮蘋果批 (食譜)








話o左要"Tum" o下阿B同伴讀書童(即係我嚕),一定要整樣甜品。 我諗最容易都係酥皮蘋果批啦掛。   我公司每日都有幾十個青蘋果放o係 reception比d  staff 同  guests食,咁琴日放工就拎o左一個,跟住去Apita買o左包酥皮同枝玉桂粉返屋企。 天氣好濕同熱,翻到歸包酥皮都開始軟啦,個包裝上寫住唔好溶雪後開翻雪,咁我返都屋企就立刻將佢一開五,只用o左兩份,(因為老公要返工),其餘3份就即刻放入冰格,希望唔好浪費啦。
一共整o左兩個 (4" x 5"),我同亞B share 一個,另一個就送o左比關太食。

材料好簡單:

牛油小許
青果一個切粒 (臨炒先切,唔係會變色)
提子乾隨意 (可以唔加,但我最鐘意,所以加埋,整之前要用小小水浸軟)
糖   2-3茶匙 (視乎個人口味,可加可減)
玉桂粉隨意
檸檬汁數滴 (本來唔使加,但雪櫃有本個檸檬,就隨手搾幾滴,無就算啦)

做法:
用小許牛油起鑊,炒蘋果粒一會,加入糖炒至糖完全容解
加入玉桂粉炒勻,加入提子乾 (倒去水份)
以上材料上碟,攤涼
預熱焗爐200度
酥皮roll成長方型,2mm 厚
把餡包入酥皮, 邊位塗小許蛋漿,用差壓邊
入爐200度焗約20分鐘,或至金黃色。
耍上糖霜,可伴雲呢拿雪糕伴食,更加美味。

2008年4月8日星期二







星期日老公返工,夜晚得我同阿B兩個,我呢排晚餐又要介殿粉減肥,所以都係買d簡單野返屋企整。
呢碟係阿B o既,我o個碟"走粉"。
做法一字咁淺:
龍利柳兩片 - 解凍,切底抹乾,用小許胡椒+海鹽醃一小時
沾蛋漿,再上面粉(薄薄的),煎至兩面金黃熟透便可。


*我好懶,白汁係用罐頭磨菇湯,再灑上黑椒,快,靚,正!!

2008年4月7日星期一

日式甜咖哩

我係日式甜咖哩o既擁躉,上星期係Youtube見到有個台灣節目用蘋果咖哩磚整雞 (不過只上載了一半,真弊)。  今日去百街shopping時見到有蘋果味既咖哩磚賣,今晚就整o黎食下先。

 
我用o左去皮雞脾肉1塊 (用小許鹽醃半小時) ,金荀1小條,蘋果1小個,薯仔1小個,全部切粒,再用了一盒咖哩磚o黎整 (因為係做甜咖哩,最後凈係加糖調味就得) 。 雖然每樣食材都係用少少,但煮出  o黎竟然有大半褒(煮公仔面的sauce pan),就即刻畢o左一碗比隔離屋,一於分甘同味。
結果味道真係差唔多好似o係出面食咁好味,so good!!!  最有,原來d蘋果同日式咖哩真係好夾架。